ನ್ಯೂಸ್ ನಾಟೌಟ್: ಕೊಡಗು ಸಂಪಾಜೆಯ ಫಾರೆಸ್ಟ್ ಆಫೀಸ್ ಬಳಿ ಲಾರಿಯೊಂದು ಬೆಂಕಿ ಅವಘಡಕ್ಕೆ ಸಿಲುಕಿ ಸುಟ್ಟು ಕರಕಲಾದ ಘಟನೆ ಇಂದು ಬೆಳಗ್ಗೆ 6 ಗಂಟೆಗೆ ಸಂಭವಿಸಿದೆ.
ಚಲಿಸುತ್ತಿದ್ದ ಲಾರಿ ಟೈರ್ ಸ್ಪೋಟಗೊಂಡಿದೆ (A.23) . ಸ್ಫೋಟದ ರಭಸಕ್ಕೆ ಚಾಲಕನ ಮೈಗೆ ಕೂಡ ಬೆಂಕಿ ತಗುಲಿ ಗುಳ್ಳೆಗಳಾಗಿವೆ. ತಕ್ಷಣ ಆತನನ್ನು ಆಸ್ಪತ್ರೆಗೆ ಸೇರಿಸುವ ಕೆಲಸವಾಗಿದೆ. ಮಾಣಿ ಮೈಸೂರು ರಾಷ್ಟ್ರೀಯ ಹೆದ್ದಾರಿಯಲ್ಲಿ ದುರ್ಘಟನೆ ನಡೆದಿದೆ. ಲಾರಿ ಮೈಸೂರು ಕಡೆಯಿಂದ ಮಂಗಳೂರಿನತ್ತ ಪೇಪರ್ ಬಂಡಲ್ ತೆಗೆದುಕೊಂಡು ಹೋಗುತ್ತಿತ್ತು ಎಂದು ತಿಳಿದು ಬಂದಿದೆ.
