ನ್ಯೂಸ್ ನಾಟೌಟ್: ಸುಳ್ಯದ ಪೇಟೆಗೆಂದು ಬಂದಿದ್ದ ವೃದ್ದರೊಬ್ಬರು ದಿಢೀರ್ ನಾಪತ್ತೆಯಾಗಿದ್ದಾರೆ. ನಾರ್ಕೋಡಿನ ಮೊನ್ನಪ್ಪ ಗೌಡ ಅನ್ನುವವರು ಸೋಮವಾರ ಸುಳ್ಯಕ್ಕೆಂದು ಬಂದವರು ವಾಪಸ್ ಮನೆಗೆ ಮರಳಿಲ್ಲ.
ಬಸ್ ಗೆಂದು ನಿಂತಿದ್ದವರನ್ನು ಅಪರಿಚಿತರು ಟಿಟಿ ಗಾಡಿಯಲ್ಲಿ ಹತ್ತಿಸಿಕೊಂಡು ಮಂಗಳೂರು ಕಡೆಗೆ ಕರೆದುಕೊಂಡು ಹೋಗಿರಬಹುದು ಅನ್ನುವ ಶಂಕೆ ವ್ಯಕ್ತವಾಗಿದೆ. ಏನಿದು ಘಟನೆ..? ಮೋನಪ್ಪ ಗೌಡ ನಾರ್ಕೊಡು ಅವರು ನಾಲ್ಕು ದಿನದ ಹಿಂದೆ ಸುಳ್ಯಕ್ಕೆ ಬಂದಿದ್ದರು.
ಹಾಗೆ ಬಂದು ವಾಪಸ್ ಮನೆಗೆ ಹೋಗುವುದಕ್ಕಾಗಿ ಬಸ್ ಗೆಂದು ನಿಂತಿದ್ದರು. ಈ ವೇಳೆ ಟಿಟಿ ಗಾಡಿಯಲ್ಲಿ ಬಂದ ಅಪರಿಚಿತರು ಅವರನ್ನು ಟಿಟಿಗೆ ಹತ್ತಿಸಿಕೊಂಡು ಮಂಗಳೂರು ಕಡೆಗೆ ಹೋಗಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಬಗ್ಗೆ ನ್ಯೂಸ್ ನಾಟೌಟ್ ಗೆ ಪ್ರತಿಕ್ರಿಯಿಸಿರುವ ಅವರ ಮಗ ಶಶಿಧರ ಅವರು, ನಮ್ಮ ತಂದೆಯನ್ನು ಅಪರಿಚಿತರು ಮಂಗಳೂರಿನ ಕಡೆಗೆ ಟಿಟಿಯಲ್ಲಿ ಕರೆದುಕೊಂಡು ಹೋಗಿದ್ದಾರೆಂದು ಸ್ಥಳೀಯರು ಹೇಳಿದ್ದಾರೆ. ಈ ಬಗ್ಗೆ ಸುಳ್ಯ ಪೊಲೀಸ್ ಠಾಣೆಗೆ ತಿಳಿಸಿದ್ದೇನೆ ಎಂದು ಪ್ರತಿಕ್ರಿಯಿಸಿದರು.
