ನ್ಯೂಸ್ ನಾಟೌಟ್: ರಾಷ್ಟ್ರೀಯ ಹೆದ್ದಾರಿಯಲ್ಲಿ ಹಸುವೊಂದು ಅಡ್ಡ ಬಂದ ಹಿನ್ನೆಲೆಯಲ್ಲಿ ಲಾರಿ ಚಾಲಕ ಗುದ್ದಿದ್ದಾನೆಂದು ಸಿಟ್ಟಿಗೆದ್ದ ಯುವಕರ ತಂಡವೊಂದು ಲಾರಿ ಚಾಲಕನನ್ನು ಅಡ್ಡಗಟ್ಟಿ ಧರ್ಮದೇಟು ನೀಡಿದ ಘಟನೆ ಸುಳ್ಯ ತಾಲೂಕಿನ ಸಂಪಾಜೆಯ ಸಮೀಪದ ಕಡೆಪಾಲ ಎಂಬಲ್ಲಿ ನಡೆದಿದೆ.
ಲಾರಿ ಮಡಿಕೇರಿ ಕಡೆಯಿಂದ ಸುಳ್ಯದ ಕಡೆಗೆ ಬರುತ್ತಿತ್ತು. ಈ ವೇಳೆ ಅಡ್ಡಬಂದ ದನಕ್ಕೆ ಲಾರಿ ಗುದ್ದಿದೆ. ಹಸು ನೋವಿನ ಪೆಟ್ಟು ತಾಳಲಾರದೆ ಸ್ಥಳದಿಂದ ಓಡಿದೆ. ಆದರೆ ಗೋವಿಗೆ ಲಾರಿ ಚಾಲಕ ಗುದ್ದಿದ್ದನ್ನು ಕಂಡ ಕೆಲವರು ಆಕ್ರೋಶಗೊಂಡು ಆತನನ್ನು ತಡೆದು ಹಲ್ಲೆ ನಡೆಸಿದ್ದಾರೆ ಎನ್ನಲಾಗಿದೆ. ಹಲ್ಲೆಯ ವೇಳೆ ಲಾರಿಗೂ ಕಲ್ಲು ಎಸೆದಿದ್ದು ಲಾರಿಯ ಗಾಜು ಪುಡಿಯಾಗಿದೆ. ಕಲ್ಲುಗುಂಡಿ ಹೊರ ಠಾಣಾ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದಾರೆಂದು ತಿಳಿದು ಬಂದಿದೆ.
ಹೆಚ್ಚಿನ ಮಾಹಿತಿ ನಿರೀಕ್ಷಿಸಲಾಗುತ್ತಿದೆ. ..
