ನ್ಯೂಸ್ ನಾಟೌಟ್‌ : ಇನ್ಮುಂದೆ ಒಬ್ಬ ವ್ಯಕ್ತಿ ಅಪರಿಚಿತ ಮಹಿಳೆಯನ್ನು ಡಾರ್ಲಿಂಗ್ ಎಂದು ಕರೆಯುವಂತಿಲ್ಲ.ಒಂದು ವೇಳೆ ಹಾಗೆಲ್ಲಾದರೂ ಸಂಬೋಧಿಸಿದರೆ ಆತನನ್ನು ಲೈಂಗಿಕ ಕಿರುಕುಳ ಕೊಡುವ ವ್ಯಕ್ತಿ ಎಂದು ಪರಿಗಣಿಸಲಾಗುವುದೆಂದು ಹೇಳಲಾಗಿದೆ.ಇದೀಗ ಕೊಲ್ಕತ್ತಾ ಹೈಕೋರ್ಟ್ ಈ ಹೇಳಿಕೆ ನೀಡಿದ್ದು,ಆ ವ್ಯಕ್ತಿಯನ್ನು ನೇರವಾಗಿ ಜೈಲಿಗೆ ಕಳುಹಿಸಬಹುದು ಎಂದು ಹೇಳಲಾಗಿದೆ.
ಆರೋಪಿಯು ಕುಡಿದು ಅಥವಾ ಬೇರೆ ಯಾವುದೇ ರಾಜ್ಯದಲ್ಲಿದ್ದರೂ,ಅಪರಿಚಿತ ಮಹಿಳೆಗೆ ಡಾರ್ಲಿಂಗ್ ಎಂದು ಕರೆದರೆ ಲೈಂಗಿಕ ಕಿರುಕುಳ ಆರೋಪಿ ಎಂದು ಪರಿಗಣಿಸಲಾಗುವುದು ಎಂದು ಹೈಕೋರ್ಟ್‌ನ ಪೋರ್ಟ್ ಬ್ಲೇರ್ ಪೀಠದ ನ್ಯಾಯಮೂರ್ತಿ ಜೈ ಸೇನ್ಗುಪ್ತಾ ಹೇಳಿದ್ದಾರೆ.
ವ್ಯಕ್ತಿಯೊಬ್ಬ ಕುಡಿದ ಅಮಲಿನಲ್ಲಿ ಮಹಿಳಾ ಪೊಲೀಸ್ ಅಧಿಕಾರಿಗೆ ಡಾರ್ಲಿಂಗ್ ಎಂದು ಕರೆದಿದ್ದ.ಈ ಬಗ್ಗೆ ಮಹಿಳಾ ಅಧಿಕಾರಿ ದೂರು ದಾಖಲಿಸಿದ್ದಾರೆ.ನ್ಯಾಯಮೂರ್ತಿ ಸೇನ್ಗುಪ್ತಾ ಅವರು ಮೇಲ್ಮನವಿ ಆರೋಪಿ ಜನಕ್ ರಾಮ್ ಅವರ ಶಿಕ್ಷೆಯನ್ನು ಎತ್ತಿಹಿಡಿದಿದ್ದಾರೆ. ಅಮಲೇರಿದ ಸ್ಥಿತಿಯಲ್ಲಿ ಆತ ಮಹಿಳಾ ಪೊಲೀಸ್ ಅಧಿಕಾರಿಗೆ ‘ಡಾರ್ಲಿಂಗ್, ಚಲನ್ ಮಾಡಲು ಬಂದಿದ್ದೀಯಾ?’ಎಂದಿದ್ದ.
ನ್ಯಾಯಮೂರ್ತಿ ಸೇನ್ಗುಪ್ತಾ ಅವರು ಮಹಿಳಾ ಪೊಲೀಸ್ ಅಧಿಕಾರಿಯ ಮೇಲೆ ಆರೋಪಿಯ ಕಾಮೆಂಟ್‌ಗಳು ಲೈಂಗಿಕ ಕಾಮೆಂಟ್‌ಗಳ ವ್ಯಾಪ್ತಿಗೆ ಬರುತ್ತವೆ ಮತ್ತು ಈ ಕಾನೂನು ಅಪರಾಧಿಗೆ ಶಿಕ್ಷೆಗೆ ಅರ್ಹವಾಗಿದೆ ಎಂದು ಹೇಳಿದರು.ಯಾವುದೇ ಅಪರಿಚಿತ ಹೆಣ್ಣನ್ನು ಡಾರ್ಲಿಂಗ್ ಎಂಬ ಪದದಿಂದ ಸಂಭೋಧಿಸುವಂತಿಲ್ಲ ಮತ್ತು ಹಾಗೆ ಮಾಡಿದ್ದರೆ ಅದು ಅಗೌರವ ಎಂದು ಸ್ಪಷ್ಟವಾಗಿ ಹೇಳಿದರು.
ಆರೋಪಿಯು ಶಾಂತ ಸ್ಥಿತಿಯಲ್ಲಿದ್ದಾಗ ಮಹಿಳಾ ಅಧಿಕಾರಿಯ ಬಗ್ಗೆ ಪ್ರತಿಕ್ರಿಯಿಸಿದರೆ, ಅಪರಾಧವು ಹೆಚ್ಚು ಗಂಭೀರವಾಗುತ್ತದೆ ಎಂದು ಹೈಕೋರ್ಟ್ ಹೇಳಿದೆ. ಅಪರಾಧಿಗೆ ಐದು ವರ್ಷಗಳವರೆಗೆ ಜೈಲು ಶಿಕ್ಷೆ ಅಥವಾ ದಂಡ ವಿಧಿಸುವ ಅವಕಾಶವಿದೆ.
