ನ್ಯೂಸ್ ನಾಟೌಟ್‌ : ಕಾಟೇರಾ ಸಿನಿಮಾ ಶೂಟಿಂಗ್‌ಗೂ ಮುನ್ನ ನಟಿ ಮಾಲಾ ಶ್ರೀಯವರು ಕುತ್ತಾರಿನ ಕೊರಗಜ್ಜನ ಸನ್ನಿಧಾನಕ್ಕೆ ಬಂದು ಬೇಡಿಕೊಂಡಿದ್ದರು. ಅದಾದ ಬಳಿಕ ಕೆಲವೇ ತಿಂಗಳಲ್ಲಿ ಅವರು ನನ್ನ ಕನಸು ನನಸಾಗಿದೆ ಎಂದು ಕಾಟೇರಾ ಸಿನಿಮಾ ಶೂಟಿಂಗ್ ಟೈಂನಲ್ಲಿ ಬಂದು ಹರಕೆಯನ್ನು ತೀರಿಸಿದ್ದರು.ಬಳಿಕ ಅದೇ ಸಿನಿಮಾದ ನಿರ್ದೇಶಕ ಕೂಡ ಬಂದು ಹರಕೆ ಸಲ್ಲಿಸಿದ್ದರು. ಇದೀಗ ಕಾಟೇರಾ ಸಿನಿಮಾ ನಾಯಕ ದರ್ಶನ್ ಕೊರಗಜ್ಜನ ಸನ್ನಿದಾನಕ್ಕೆ ಬಂದು ವಿಶೇಷ ಪ್ರಾರ್ಥನೆ ಸಲ್ಲಿಸಿದ್ದಾರೆ.
ಡಿ ಬಾಸ್ ಎಂದರೆ ಸಾಕು ಸಾಮಾನ್ಯ ಜನರಿಂದ ಹಿಡಿದು ಸೆಲೆಬ್ರಿಟಿಗಳಿಗೆ ಏನೋ ಒಂದು ವಿಶೇಷ ಅಭಿಮಾನದ ಜೊತೆಗೆ ಪ್ರೀತಿ, ಗೌರವ. ಇತ್ತೀಚೆಗೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರು ತಮ್ಮ ಬರ್ತ್ಡೇಯನ್ನ ಆಚರಿಸಿಕೊಂಡಿದ್ದರು. ಕಾಟೇರ ಸಿನಿಮಾ ಕೂಡ ಗಲ್ಲಾ ಪೆಟ್ಟಿಗೆಯಲ್ಲಿ ಸಖತ್ ಸೌಂಡ್ ಮಾಡಿತ್ತು. ಸದ್ಯ ಯಶಸ್ಸಿನ ಉತ್ತುಂಗದಲ್ಲಿರುವ ಚಾಲೆಂಜಿಂಗ್ ಸ್ಟಾರ್ ಕೊರಗಜ್ಜನ ಕ್ಷೇತ್ರಕ್ಕೆ ಭೇಟಿ ನೀಡಿದ್ದಾರೆ.
ಮಂಗಳೂರಿನ ಹೊರ ವಲಯದಲದಲ್ಲಿರುವ ಕುತ್ತಾರು ಕೊರಗ ತನಿಯ ಆದಿ ಸ್ಥಳಕ್ಕೆ ದರ್ಶನ್ ಭೇಟಿ ನೀಡಿದ ವೇಳೆ ಕೊರಗಜ್ಜ ಕ್ಷೇತ್ರದಲ್ಲಿ ಪ್ರಾರ್ಥನೆ ಸಲ್ಲಿಸಿದರು. ಇದೇ ಸಮಯದಲ್ಲಿ ದರ್ಶನ್ ಅವರಿಗೆ ಕೊರಗಜ್ಜ ಕ್ಷೇತ್ರದಿಂದ ವಿಶೇಷ ಗೌರವ, ಸನ್ಮಾನ ಮಾಡಲಾಯಿತು. ಇನ್ನು ದರ್ಶನ್ ಬಂದಿದ್ದಾರೆ ಎಂಬ ಸುದ್ದಿ ಹರಡುತ್ತಿದ್ದಂತೆ ಸಾಕಷ್ಟು ಅಭಿಮಾನಿಗಳು ನೆಚ್ಚಿನ ನಟನನ್ನು ಕಣ್ತುಂಬಿಕೊಳ್ಳಲು ಮುಗಿಬಿದ್ದರು. ಕೆಲ ಅಭಿಮಾನಿಗಳು ಸೆಲ್ಫಿ ಕೂಡ ತೆಗೆದುಕೊಂಡು ಖುಷಿ ವ್ಯಕ್ತಪಡಿಸಿದರು.
