ನ್ಯೂಸ್ ನಾಟೌಟ್ : ಜೆಸಿಐ ಸುಳ್ಯ ಪಯಸ್ವಿನಿ LOGB ಸಭೆಯಲ್ಲಿ ಯುವ ಕೊಳಲು ವಾದಕ ವೀಕ್ಷೀತ್ ಗೌಡ ಕುತ್ಯಾಳ ಅವರಿಗೆ ‘ಯುವ ಸಾಧಕ ಪ್ರಶಸ್ತಿ ೨೦೨೪’ ನೀಡಿ ಸನ್ಮಾನಿಸಲಾಯಿತು. ಈ ಸನ್ಮಾನವನ್ನು ವಲಯ 15ರ ವಲಯ ಉಪಾಧ್ಯಕ್ಷ ಜೆಎಫ್ಎಮ್ ಅಭಿಷೇಕ್ ಜಿ.ಎಮ್. ನೆರವೇರಿಸಿದರು.
ಈ ವೇಳೆ ಯುವ ಕೊಳಲು ವಾದಕ ವೀಕ್ಷೀತ್ ಗೌಡ ಕುತ್ಯಾಳ ಮಾತನಾಡಿ “ನಾನು ಅನೇಕ ಕಾರ್ಯಕ್ರಮಗಳಲ್ಲಿ ಭಾಗವಹಿಸಿದ್ದೆ, ಆದರೆ ಎಲೆಮರೆಯ ಕಾಯಿಯಂತೆ ಇದ್ದೆ. ನನ್ನಲ್ಲಿ ಅಡಕವಾಗಿದ್ದ ಪ್ರತಿಭೆಯನ್ನು ಹೊರಜಗತ್ತಿಗೂ ಚೆಲ್ಲುವಂತೆ ಮಾಡಿದ ನ್ಯೂಸ್ ನಾಟೌಟ್ ಮಾಧ್ಯಮಕ್ಕೆ ಈ ಸಂದರ್ಭದಲ್ಲಿ ಧನ್ಯವಾದ ಸಲ್ಲಿಸುತ್ತಿದ್ದೇನೆ” ಎಂದು ಹೇಳಿದರು.
ಈ ಸಂದರ್ಭ ಸಭಾಧ್ಯಕ್ಷತೆಯನ್ನು ಜೆಸಿ ಗುರುಪ್ರಸಾದ್ ನಾಯಕ್ ವಹಿಸಿದ್ದರು. ವಲಯ 15 ರ ಪೂರ್ವ ವಲಯಾಧ್ಯಕ್ಷ ಅಶೋಕ್ ಚೂಂತಾರು, ನಿಕಟ ಪೂರ್ವಾಧ್ಯಕ್ಷ ನವೀನ್ ಕುಮಾರ್,ಪೂರ್ವಾಧ್ಯಕ್ಷ ದೇವರಾಜ್ ಕುದ್ಪಾಜೆ , ರಂಜಿತ್ ಕುಕ್ಕೆಟ್ಟಿ , ಗುರುರಾಜ್ ಅಜ್ಜಾವರ ಕಾರ್ಯದರ್ಶಿ, ಪ್ರಕಾಶ್ ಪಿ.ಎಸ್ , ಜೆಜೆಸಿ ಅಂಕಿತ್,ಶಶ್ಮಿ ಭಟ್ ಅಜ್ಜಾವರ, ಅಭಿಷೇಕ್ ಗುತ್ತಿಗಾರು,ಚರಿಶ್ಮ, ರಮ್ಯ ರಂಜಿತ್, ಗೀತಾಂಜಲಿ ಗುರುರಾಜ್, ಉಷಾ ನವೀನ್, ಮಂಜುನಾಥ್, ಧನುಷ್ ಕುಕ್ಕೆಟ್ಟಿ , ಶೋಭ ಚೂಂತಾರು , ತಾರ ಮಾಧವ ಗೌಡ ಚೂಂತಾರು,ವೀಕ್ಷೀತ್ ಗೌಡ ಕುತ್ಯಾಳ ಪೋಷಕರು,ಸಂಬಂಧಿಗಳು, ಸ್ನೇಹಿತ ವರ್ಗ ಮತ್ತು ಜೆಸಿಐ ಪದಾಧಿಕಾರಿಗಳು, ಸದಸ್ಯರು ಉಪಸ್ಥಿತಿದ್ದರು.ಜೆಸಿ ತಾರ ಮಾಧವ ಗೌಡ ಸ್ವಾಗತಿಸಿದರು.
