ನ್ಯೂಸ್ ನಾಟೌಟ್‌ : ಪಂಜ ಸೀಮೆಯ ಶ್ರೀ ಸದಾಶಿವ ಪರಿವಾರ ಶ್ರೀ ಪಂಚಲಿಂಗೇಶ್ವರ ದೇಗುಲದಲ್ಲಿ ಜಾತ್ರೆ ವೈಭವ,ರಥೋತ್ಸವದ ಸಂಭ್ರಮ ಕಳೆಗಟ್ಟಿದೆ.ಸಾವಿರಾರು ಭಕ್ತರು ಬಂದು ಈ ಪುಣ್ಯ ಕಾರ್ಯದಲ್ಲಿ ಭಾಗಿಯಾಗಿ ದೇವರ ದರ್ಶನ ಪಡೆದು ಪುನೀತರಾಗುತ್ತಿದ್ದಾರೆ.ಇಂದು ದೇಗುಲದಲ್ಲಿ ತುಳು ಭಕ್ತಿ ಗೀತೆ ಬಿಡುಗಡೆ ಕಾರ್ಯಕ್ರಮ ನಡೆಯಿತು.ದೇವರ ‘ಸೋಮವಾರದ ಪೂಜೆ ಸಾವಿರ ಸೀಮೆದ ಒಡೆಯಗ್’ ಎಂಬ ತುಳು ಭಕ್ತಿ ಗೀತೆಯನ್ನು ದೇವಳದ ಉತ್ಸವ ಸಮಿತಿ ಅಧ್ಯಕ್ಷ ಡಾ.ದೇವಿಪ್ರಸಾದ್ ಕಾನತ್ತೂರ್ ಅವರು ಬಿಡುಗಡೆ ಗೊಳಿಸಿ ಶುಭ ಹಾರೈಸಿದರು.
ಭಕ್ತಿ ಗೀತೆಯನ್ನು ಗಾಯಕಿ ಸುಮಾ ಕೋಟೆ ಪಂಜ ಸುಶ್ರಾವ್ಯದಿಂದ ಹಾಡಿದ್ದಾರೆ.ಸಾಹಿತಿ ಪಂಚವರ್ಣ ಖ್ಯಾತಿಯ ರಕ್ಷಿತ್ ಮಂಚಿಕಟ್ಟೆ,ಛಾಯಾಗ್ರಹಣ ಮತ್ತು ಸಂಕಲನ ಮಾಡಿದ ಚೇತನ್ ಚಳ್ಳಕೋಡಿ,ನಿರ್ಮಾಪಕ ಶರತ್ ಪೂಜಾರಿ ಹೊಸ್ಮಠ ಕಡಬ ಹಾಗೂ ಮಹೇಶ್ ಕೋಟೆ, ಶ್ರೀಮತಿ ಸುವರ್ಣ ಎಂ ಕೋಟೆ, ದೇವಳದ ಅರ್ಚಕ ನರೇಶ್ ಭಟ್ , ಮನು ಯಂ ತೊಂಡಚ್ಚನ್ ಮೊದಲಾದವರು ಈ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.ಕಬಕ ಶ್ರೀರಾಜ್ ಮ್ಯೂಸಿಕಲ್ ವಲ್ಡ್ ಮಿಥುನ್ ರಾಜ್ ವಿದ್ಯಾಪುರ ಸಂಗೀತ ಮತ್ತು ಧ್ವನಿ ಮುದ್ರಿಸಿದ್ದಾರೆ.ಈ ಪ್ರಯುಕ್ತ ಇಂದು ಬೆಳಗ್ಗೆ ದೇವಳದಲ್ಲಿ ದೇವರಿಗೆ ವಿಶೇಷ ಪ್ರಾರ್ಥನೆ ನೆರವೇರಿತು.ಈ ಸಂದರ್ಭ ಉತ್ಸವ ಸಮಿತಿ ಅಧ್ಯಕ್ಷ ಡಾ.ದೇವಿಪ್ರಸಾದ್ ಕಾನತ್ತೂರ್ ಈ ತಂಡವನ್ನು ಶಾಲು ಹೊದಿಸಿ ಗೌರವಿಸಿದರು. ಸಚಿತ್ ಕಲ್ಮಡ್ಕ ಪ್ರಾಸ್ತಾವಿಕವಾಗಿ ಮಾತನಾಡಿದರು.
