- +91 73497 60202
- [email protected]
- September 20, 2024 8:12 PM
33 ಕೋಟಿ ರೂಪಾಯಿ ಲಾಟರಿ ಗೆದ್ದ ಭಾರತೀಯ ಯಾರು..? ಅಬುಧಾಬಿ ಲಾಟರಿ ಟಿಕೆಟ್ ಉಚಿತವಾಗಿ ಸಿಕ್ಕಿದ್ದೇಗೆ..?
ನ್ಯೂಸ್ ನಾಟೌಟ್ : ಭಾರತೀಯ ವ್ಯಕ್ತಿಯೊಬ್ಬರು ಬಿಗ್ ಟಿಕೆಟ್ ಅಬುಧಾಬಿ ವೀಕ್ಲಿ ಡ್ರಾದಲ್ಲಿ 15 ಮಿಲಿಯನ್ ದಿರ್ಹಮ್ (ಸುಮಾರು 33 ಕೋಟಿ ರೂ.) ಗೆದ್ದಿದ್ದಾರೆ ಎಂದು ವರದಿ ತಿಳಿಸಿದೆ. ದುಬೈನಲ್ಲಿ ನೆಲೆಸಿರುವ ಈ ವ್ಯಕ್ತಿಯನ್ನು ಕೇರಳ ಮೂಲದ 40 ವರ್ಷದ ರಾಜೀವ್ ಅರಿಕ್ಕಟ್ ಎಂದು ಗುರುತಿಸಲಾಗಿದೆ. ಈ ವ್ಯಕ್ತಿಯನ್ನು ಕೇರಳ ಮೂಲದ 40 ವರ್ಷದ ರಾಜೀವ್ ಅರಿಕ್ಕಟ್ ಎಂದು ಗುರುತಿಸಲಾಗಿದೆ. ರಾಜೀವ್ ತಮಗೆ ಉಚಿತವಾಗಿ ಸಿಕ್ಕಿದ್ದ ಲಾಟರಿಯಲ್ಲಿ ಬರೋಬ್ಬರಿ 33 ಕೋಟಿ ರೂ.ಗಳ ಜಾಕ್ಪಾಟ್ ಸಿಕ್ಕಿದೆ. ಮೂರು ವರ್ಷಗಳಿಂದ ಲಾಟರಿಯಲ್ಲಿ ಭಾಗವಹಿಸುತ್ತಿದ್ದ ಅವರಿಗೆ ಈ ಬಾರಿ ಅದೃಷ್ಟ ಒಲಿದುಬಂದಿದೆ. ಸ್ಥಳೀಯ ಮಾಧ್ಯಮಗಳ ವರದಿ ಪ್ರಕಾರ, ರಾಜೀವ್ ಪ್ರಸ್ತುತ ಅಲ್ ಐನ್ನಲ್ಲಿರುವ ಆರ್ಕಿಟೆಕ್ಚರಲ್ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ರಾಜೀವ್ ಅರಿಕ್ಕಟ್ ಹಲವಾರು ವರ್ಷಗಳಿಂದ ಯುಎಇಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ರಾಜೀವ್ಗೆ ಪತ್ನಿ ಹಾಗೂ ಇಬ್ಬರು ಮಕ್ಕಳಿದ್ದಾರೆ. ಕಳೆದ ಮೂರು ವರ್ಷಗಳಿಂದ ಲಾಟರಿ ಟಿಕೆಟ್ಗಳನ್ನು ಖರೀದಿಸುವ ಮೂಲಕ ರಾಜೀವ್ ತಮ್ಮ ಅದೃಷ್ಟವನ್ನು ಪರೀಕ್ಷಿಸುತ್ತಿದ್ದರು. ಈ ಬಾರಿ ಅವರಿಗೆ ಆರು ಟಿಕೆಟ್ ಸಿಕ್ಕಿತ್ತು. ಈ ಬಾರಿ 2 ಬಿಗ್ ಟಿಕೆಟ್ ಖರೀದಿಸಿದ್ದಕ್ಕೆ ಸ್ಪೆಷಲ್ ಆಫರ್ ಆಗಿ ನಾಲ್ಕು ಟಿಕೆಟ್ಳು ಉಚಿತವಾಗಿ ಸಿಕ್ಕಿದ್ದವು. ಪ್ರತಿ ಬಾರಿಯೂ ನಾನು ಲಾಟರಿ ಗೆಲ್ಲುತ್ತೇನೆ ಎಂಬ ವಿಶ್ವಾಸದಿಂದ ಖರೀದಿಸುತ್ತಿದ್ದೆ. ಈ ಬಾರಿ ಐದಾರು ಟಿಕೆಟ್ ಇದ್ದಿದ್ದರಿಂದ ಆ ನಂಬಿಕೆ ಇನ್ನಷ್ಟು ಹೆಚ್ಚಾಯಿತು. ನನ್ನ ಹೆಂಡತಿ ಮತ್ತು ನಾನು 7 ಮತ್ತು 13 ಸಂಖ್ಯೆಯ ಟಿಕೆಟ್ಗಳನ್ನು ಒಟ್ಟಿಗೆ ಖರೀದಿಸಿದೆವು. ಅವು ನನ್ನ ಮಕ್ಕಳ ಹುಟ್ಟುಹಬ್ಬದ ದಿನಾಂಕವಾಗಿತ್ತು ಎಂದು ತಿಳಿಸಿದ್ದಾರೆ. ರಾಫೆಲ್ ಡ್ರಾ ಸಂಖ್ಯೆ 260 ರಲ್ಲಿ ರಾಜೀವ್ ಖರೀದಿಸಿದ್ದ ಟಿಕೆಟ್ ಸಂಖ್ಯೆ 037130 ನಲ್ಲಿ ಜಾಕ್ಪಾಟ್ ಬಂದಿದೆ. ಕಳೆದ ಮೂರು ವರ್ಷಗಳಿಂದ ಬಿಗ್ ಟಿಕೆಟ್ ಡ್ರಾದಲ್ಲಿ ಭಾಗವಹಿಸುತ್ತಿದ್ದ ಅವರಿಗೆ ಕೊನೆಗೂ ಅದೃಷ್ಟ ಇಂದು ಬದಲಾಗಿದೆ. ಈ ಬಾರಿ ಅವರು ತಮ್ಮ ಇಬ್ಬರು ಪುತ್ರಿಯರ ಜನ್ಮ ದಿನಾಂಕವನ್ನು ಹೊಂದಿರುವ ಟಿಕೆಟ್ ಅನ್ನು ಆಯ್ಕೆ ಮಾಡಿದ್ದರಿಂದ ತಮ್ಮ ಅದೃಷ್ಟ ಬದಲಾಗಿದೆ ಎಂದಿದ್ದಾರೆ.
© 2021 Newsnotout | Website Developed By serverhug.
ನಮ್ಮ ವಾಟ್ಸಪ್ ಗ್ರೂಪ್ಗೆ ಸೇರಿ