ನ್ಯೂಸ್ ನಾಟೌಟ್‌: ಮನೆಯಲ್ಲಿ ಮಹಿಳೆ ಮಕ್ಕಳು ಇದ್ದಾಗಲೇ ಕಳ್ಳನೋರ್ವ ಖಾಲಿ ಸಿಲಿಂಡರ್‌ ತಂದು ಗ್ಯಾಸ್‌ ಒಲೆಗೆ ಇರಿಸಲಾಗಿದ್ದ ಸಿಲಿಂಡರ್‌ನ್ನು ಹೊತ್ತೊಯ್ದ ಘಟನೆ ಸುಳ್ಯದ ಜಯನಗರದಿಂದ ವರದಿಯಾಗಿದೆ.
ಫೆ. 18ರ ರಾತ್ರಿ ಈ ಘಟನೆ ಬೆಳಕಿಗೆ ಬಂದಿದ್ದು,ಜಯನಗರ ನಿವಾಸಿ ದಿ| ನೌಶಾದ್‌ ಅವರ ಮನೆಯ ಹಿಂಬದಿಯಲ್ಲಿ ಗ್ಯಾಸ್‌ ಒಲೆಗೆ ಅಳವಡಿಸಲಾಗಿದ್ದ ಗ್ಯಾಸ್‌ ತುಂಬಿದ್ದ ಸಿಲಿಂಡರ್‌ ಕಳ್ಳತನವಾಗಿದೆ ಎಂದು ತಿಳಿದು ಬಂದಿದೆ.ಮನೆಯೊಳಗೆ ಮಹಿಳೆ ಮತ್ತು ಮಕ್ಕಳು ಮಾತ್ರ ಇದ್ದು ಅವರು ಮನೆಯ ಒಳಗೆ ಇದ್ದಾಗಲೇ ಕಳ್ಳ ಇಂಡೇನ್‌ ಕಂಪೆನಿಯ ಸಿಲಿಂಡರನ್ನು ಇರಿಸಿ ನೂತನ ಎಚ್‌ಪಿ ಕಂಪೆನಿಯ ಸಿಲಿಂಡರನ್ನು ಹೊತ್ತು ಪರಾರಿಯಾಗಿದ್ದಾನೆ.
ರಾತ್ರಿ ಮನೆಯವರು ಗ್ಯಾಸ್‌ ಸ್ಟವ್‌ ಉರಿಸುವ ಸಂದರ್ಭ ಒಲೆ ಉರಿಯದ ಕಾರಣ , ಮೊನ್ನೆಯಷ್ಟೇ ತಂದಿರಿಸಿದ್ದ ಸಿಲಿಂಡರ್‌ ಇಷ್ಟು ಬೇಗ ಯಾಕೆ ಖಾಲಿಯಾಯಿತು ಎಂದು ಪರಿಶೀಲಿಸಿದಾಗ ಖಾಲಿ ಸಿಲಿಂಡರ್‌ ಇರುವುದನ್ನು ಗಮನಿಸಿದಾಗ ಈ ಘಟನೆ ಬೆಳಕಿಗೆ ಬಂದಿದೆ.
