ನ್ಯೂಸ್ ನಾಟೌಟ್ : ಹೃದಯ ಸಂಬಂಧಿ ಕಾಯಿಲೆಯಿಂದ ಬಳಲುತ್ತಿರುವ ನಾಲ್ಕು ವರ್ಷದ ಮಗುವಿನ ಚಿಕಿತ್ಸೆಗಾಗಿ ಕಲ್ಲುಗುಂಡಿಯ ಯಶಸ್ವಿ ಯುವಕ ಮಂಡಲ ಯುವಕರ ತಂಡ ತಾವು ಕ್ರಿಕೆಟ್ ಕೂಟದಲ್ಲಿ ಗೆದ್ದ ಹಣವನ್ನೇ ಮಗುವಿನ ಚಿಕಿತ್ಸೆಗೆ ನೀಡಿ ಮಾನವೀಯತೆ ಮೆರೆದಿದ್ದಾರೆ. ತಮ್ಮ ಕೈನಿಂದ ಆದ ಸಹಾಯ ಮಾಡಿ ಒಂದು ಜೀವ ಉಳಿಸುವ ಪುಣ್ಯ ಕಾರ್ಯದಲ್ಲಿ ಭಾಗಿಯಾಗಿದ್ದಾರೆ.
ಚೆಂಬು ಗ್ರಾಮದ ಆನ್ಯಾಳ ಮೂಲದ ಎಸ್ ಅಜಿತ್ ಹಾಗೂ ಅನುಪಮಾ ದಂಪತಿಗಳ ನಾಲ್ಕು ವರ್ಷದ ಪುಟ್ಟ ಮಗು ಆರ್ವಿ ಹೃದಯ ಸಂಬಂಧಿ ಕಾಯಿಲೆಯಿಂದ ಬಳಲುತ್ತಿದ್ದಾಳೆ. ಬಡ ಕುಟುಂಬದ ನೆರವಿಗೆ ಅನೇಕರು ತಮ್ಮ ಕೈನಿಂದ ಆದ ಸಹಾಯವನ್ನು ಮಾಡಿದ್ದಾರೆ. ಅಂತೆಯೇ ಯಶಸ್ವಿ ಯುವಕ ತಂಡ ಕ್ರಿಕೆಟ್ ಕೂಟವೊಂದರಲ್ಲಿ ತಾವು ಗೆದ್ದ ಹಣದ ಮೊತ್ತವನ್ನು ಈ ಬಡ ಕುಟುಂಬಕ್ಕೆ ಹಸ್ತಾಂತರಿಸಿತು.
