ನ್ಯೂಸ್ ನಾಟೌಟ್‌ :ಬೆಂಗಳೂರಿನಲ್ಲಿ ದಿನೇ ದಿನೇ ಅಪಘಾತ ಪ್ರಕರಣಗಳು ವರದಿಯಾಗುತ್ತಲೇ ಇದೆ.ಅದರಲ್ಲೂ ಬಿಎಂಟಿಸಿಗೆ ಗುರಿಯಾಗಿ ಪ್ರಾಣ ಕಳೆದುಕೊಳ್ಳುವವರ ಸಂಖ್ಯೆ ಜಾಸ್ತಿಯಾಗಿದೆ. ಇದೀಗ ನಗರದ ಮಲ್ಲೇಶ್ವರಂನ ಹರಿಶ್ಚಂದ್ರ ಘಾಟ್ ಬಳಿಯ ರಸ್ತೆಯಲ್ಲಿ ಈ ದುರಂತವೊಂದು ಸಂಭವಿಸಿದ್ದು ಯುವತಿಯೊಬ್ಬಳು ಬಾರದ ಲೋಕಕ್ಕೆ ತೆರಳಿದ್ದಾಳೆ.
ಹೌದು, ಮಲ್ಲೇಶ್ವರಂ ನಿವಾಸಿ ಆಗಿರುವ ಕು|ಸುಮಿತಾ ಉಸಿರು ಚೆಲ್ಲಿದ ಅಮಾಯಕಿ. ಕೆಂಗೇರಿ ಬಳಿಯಿರುವ ಖಾಸಗಿ ಕಾಲೇಜಿನಲ್ಲಿ ಎರಡನೇ ವರ್ಷದ ಇಂಜಿನಿಯರಿಂಗ್ ವ್ಯಾಸಂಗ ಮಾಡ್ತಿದ್ಲು. ಎಂದಿನಂತೆ ಇಂದು ಬೆಳಗ್ಗೆ ರೆಡಿಯಾಗಿ ಕಾಲೇಜಿಗೆ ದ್ವಿಚಕ್ರ ವಾಹನದಲ್ಲಿ ಹೋಗ್ತಿದ್ಲು. ಹರಿಶ್ಚಂದ್ರ ಘಾಟ್ ಬಳಿ ಹೋಗುವಾಗ ವೇಗವಾಗಿ ಬಂದ ಬಿಎಂಟಿಸಿ ಬಸ್ ಕು|ಸುಮಿತಾಳ ಬೈಕ್ ಗೆ ಸೈಡ್ ನಿಂದ ಡಿಕ್ಕಿ ಹೊಡೆದಿದೆ.ಪರಿಣಾಮ ಆಕೆ ಪ್ರಾಣ ಚೆಲ್ಲಿದ್ದಾಳೆ.
ಈ ವೇಳೆ ಬ್ಯಾಲೆನ್ಸ್ ಕಳೆದು ಕೊಂಡಿದ್ದಾಳೆ. ಇದನ್ನ ಗಮನಿಸದ ಚಾಲಕ ಬಸ್ ಹಿಂಬದಿ ಚಕ್ರವನ್ನ ಯುವತಿಯ ಮೇಲೆ ಹತ್ತಿಸಿದ್ದಾನೆ. ತಕ್ಷಣ ಎಚ್ಚೆತ್ತ ಸಾರ್ವಜನಿಕರು ಬಸ್ ನಿಲ್ಲಿಸುವಂತೆ ತಡೆದಿದ್ದಾರೆ. ಅಷ್ಟರಲ್ಲಾಗಲೇ ಬಸ್ ವಿದ್ಯಾರ್ಥಿನಿಯ ಮೇಲೆ ಹರಿದುಬಿಟ್ಟಿತ್ತು. ಘಟನೆ ಗೊತ್ತಾದ ಬೆನ್ನಲ್ಲೆ ಕು|ಸುಮಿತಾ ಪೊಷಕರು ಓಡೊಡಿ ಬಂದಿದ್ದಾರೆ. ಅಗಷ್ಟೇ ಅಪ್ಪ ಅಮ್ಮನಿಗೆ ಬಾಯ್ ಹೇಳಿ ಬಂದವರು ಉಸಿರು ನಿಲ್ಲಿಸಿದ್ದಾಳೆ ಅನ್ನೊದನ್ನು ಕೇಳಿ ದಿಕ್ಕುತೋಚದೆ ಮುಗಿಲು ಮುಟ್ಟುವಂತೆ ಆಕ್ರಂದಿಸಿದ್ದಾರೆ.
