ಕೊಡಗಿನಲ್ಲಿ ಸುರಿದ ಜಿಟಿ ಜಿಟಿ ಮಳೆಗೆ ಕಾರು ಸ್ಕಿಡ್‌; ಕಾರು ಚಾಲಕನಿಗೆ ಗಾಯ

ನ್ಯೂಸ್ ನಾಟೌಟ್ :ಮಳೆಗಾಲದಂತಹ‌ ಜಿಟಿ ಜಿಟಿ ಮಳೆಗೆ ಕೊಡಗು,ದ.ಕ. ಜಿಲ್ಲೆಯ ಜನ ಹೈರಾಣಾಗಿದ್ದಾರೆ.ಹೀಗಾಗಿ ರಾಷ್ಟ್ರೀಯ ಹೆದ್ದಾರಿ 275ರಲ್ಲಿ ಸುರಿದ ಮಳೆಯಿಂದ ಕಾರೊಂದು ಸ್ಕಿಡ್ ಆದ ಘಟನೆ ನಡೆದಿದ್ದು,ಕಾರು ಚಾಲಕನಿಗೆ ಗಾಯವಾಗಿದೆ.

ಶುಂಟಿಕೊಪ್ಪದಿಂದ ಮಡಿಕೇರಿ ಕಡೆಗೆ ಬರುತ್ತಿದ್ದಂತೆ ಮಾರುತಿ‌ ಕಾರು ಸ್ಕಿಡ್‌ ಆಗಿದ್ದು, ಎದುರಿಂದ ಬಂದ ಮತ್ತೊಂದು ಕಾರಿಗೆ ಡಿಕ್ಕಿ ಹೊಡೆದಿದೆ.ರಾ.ಹೆ. 275ರ ಕೆದಕಲ್‌ ದೇವಾಲಯದ ಬಳಿ ಈ ಘಟನೆ ನಡೆದಿದೆ. ಕಾರು ಚಾಲಕ ಸಣ್ಣಪುಟ್ಟ ಗಾಯಗಳಿಂದ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಕಾರು ಸ್ಕಿಡ್ ಆಗಿ ಅಪಘಾತಕ್ಕೀಡಾದ ದೃಶ್ಯವು ಸ್ಥಳೀಯರ ಮೊಬೈಲ್‌ನಲ್ಲಿ ಸೆರೆಯಾಗಿದೆ.