ನ್ಯೂಸ್ ನಾಟೌಟ್‌ : ಬೀರಮಲೆ ಬೆಟ್ಟ ಪುತ್ತೂರಿನ ಅತ್ಯಂತ ಸುಂದರ ಪ್ರವಾಸಿ ತಾಣ. ಇಲ್ಲಿಗೆ ಜಿಲ್ಲೆ, ಹೊರ ಜಿಲ್ಲೆಯಿಂದಲೂ ಪ್ರವಾಸಿಗರು ಬರ್ತಾರೆ.ರಜಾದಿನಗಳಲ್ಲಿ ಪುತ್ತೂರಿನ ಜನತೆ ಕುಟುಂಬ ಸಮೇತ ಬೀರಮಲೆ ಬೆಟ್ಟಕ್ಕೆ ಬಂದು ಪ್ರಕೃತಿ ಸೌಂದರ್ಯ ಸವಿತಾರೆ.ಇಂತಹ ಪ್ರಸಿದ್ಧ ತಾಣದಲ್ಲಿ ಇದೀಗ ‘ಬಿರುಮಲೋತ್ಸವ-2024’ ಅದ್ದೂರಿ ಕಾರ್ಯಕ್ರಮ ನೆರವೇರಲಿದೆ.
ಬೀರಮಲೆ ಬೆಟ್ಟ ಅಭಿವೃದ್ಧಿ ಸಮಿತಿಯವರು ಫೆ.3 ರಂದು ನಡೆಯಲಿರುವ ಈ ಉತ್ಸವದ ಸಮಿತಿ ಸದಸ್ಯರ ಪೂರ್ವಭಾವಿ ಸಭೆಯು ಜ.22 ರಂದು ಬಿರುಮಲೆ ಬೆಟ್ಟದಲ್ಲಿ ಜರುಗಿತು.
ಈ ಹಿಂದೆಯೂ ಬೀರಮಲೆ ಬೆಟ್ಟ ಅಭಿವೃದ್ಧಿ ಸಮಿತಿಯವರು ಯಶಸ್ವಿಯಾಗಿ ಬಿರುಮಲೋತ್ಸವವನ್ನು ಹಮ್ಮಿಕೊಂಡಿದ್ದರು.ಅಂತೆಯೇ ಈ ಬಾರಿಯೂ ಅದ್ದೂರಿಯಾಗಿ ಬಿರುಮಲೋತ್ಸವವನ್ನು ಹಮ್ಮಿಕೊಳ್ಳಲಾಗುವುದು ಎಂದು ಸಭೆಯಲ್ಲಿ ತೀರ್ಮಾನಕ್ಕೆ ಬರಲಾಯಿತು.ಅದರಂತೆ ಬಿರುಮಲೋತ್ಸವ ಕಾರ್ಯಕ್ರಮದಲ್ಲಿ ಗಾಳಿಪಟ ಹಾರಿಸುವ ಸ್ಪರ್ಧೆ, ಫುಡ್ ಕೋರ್ಟ್, ಕರೋಕೆ ಹಾಡುಗಳು ಹೀಗೆ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ನಡೆಸುವುದೆಂದು ನಿರ್ಣಯಿಸಲಾಯಿತು.
ಕಾರ್ಯಕ್ರಮದ ಉದ್ಘಾಟನೆಯನ್ನು ಪುತ್ತೂರು ಶಾಸಕ ಅಶೋಕ್ ಕುಮಾರ್ ರೈ ನೆರವೇರಿಸಲಿದ್ದಾರೆ. ಸುರೇಶ್ ಶೆಟ್ಟಿ ಇವೆಂಟ್ಸ್ ಮತ್ತು ಮ್ಯಾನೇಜ್ ಮೆಂಟ್‌ ಈ ಕಾರ್ಯಕ್ರಮವನ್ನು ಪ್ರಸ್ತುತ ಪಡಿಸಲಿದೆ. ಬೀರಮಲೆ ಬೆಟ್ಟ ಅಭಿವೃದ್ಧಿ ಸಮಿತಿ ಅಧ್ಯಕ್ಷ ಎ.ಜಗಜ್ಜೀವನ್ ದಾಸ್ ರೈ ಸಮಿತಿ ಸದಸ್ಯರನ್ನು ಸ್ವಾಗತಿಸಿದರು.ಸಭೆಯಲ್ಲಿ ಸದಸ್ಯರಾದ ರಘುನಾಥ್ ರಾವ್, ಪ್ರೊ|ಝೇವಿಯರ್ ಡಿ’ಸೋಜ, ನಿತಿನ್ ಪಕ್ಕಳ, ಮನೋಜ್ ಶಾಸ್ತ್ರೀ, ಧನ್ವಂತರಿ ಆಸ್ಪತ್ರೆಯ ಡಾ.ರವೀಂದ್ರ, ಈವೆಂಟ್ ಸಂಘಟಕ ಸುರೇಶ್ ಶೆಟ್ಟಿ ಉಪಸ್ಥಿತರಿದ್ದರು.ಉತ್ಸವಕ್ಕೆ ಬೇಕಾಗಿರುವ ಸಲಹೆ ಸೂಚನೆಗಳನ್ನು ನೀಡಿದರು. ಕಾರ್ಯದರ್ಶಿ ಎಂ.ಎಸ್ ಅಮ್ಮಣ್ಣಾಯ ವಂದಿಸಿದರು.
