ನ್ಯೂಸ್ ನಾಟೌಟ್‌ : ಭಾರೀ ಚರ್ಚೆಗೆ ಗ್ರಾಸವಾಗಿದ್ದ ಮಂಡ್ಯ ಜಿಲ್ಲೆಯ ಮೇಲುಕೋಟೆಯ ವಿವಾಹಿತ ಶಿಕ್ಷಕಿ ದೀಪಿಕಾ (21) ಕೊಲೆ ಪ್ರಕರಣಕ್ಕೆ ಸಂಬಂಧ ಪಟ್ಟ ಹಾಗೆ ಇದೀಗ ಬಿಗ್ ಟ್ವಿಸ್ಟ್ ಸಿಕ್ಕಿದೆ.ಪ್ರಕರಣದಲ್ಲಿ ಕೊಲೆ ಆರೋಪಿ ನಿತೀಶ್ (21) ಎಂಬಾತನನ್ನು ಬಂಧಿಸುವಲ್ಲಿ ಮಂಡ್ಯ ಪೊಲೀಸರು ಯಶಸ್ವಿಯಾಗಿದ್ದಾರೆ.ತಲೆಮರೆಸಿಕೊಂಡಿದ್ದ ಆತನನ್ನು ವಿಜಯನಗರ ಜಿಲ್ಲೆಯ ಹೊಸಪೇಟೆಯಲ್ಲಿ ಬಂಧಿಸಲಾಗಿದೆ.
ದೀಪಿಕಾ ನಾಪತ್ಎತಯಾಗಿರುವ ವಿಚಾರ ಊರಿಡಿ ಹಬ್ಬಿತ್ತು.ಒಂದೆಡೆ ಕೊಲೆ ಆರೋಪಿ ನಿತೀಶ್ ಕೂಡ ಶವ ಸಿಕ್ಕ ದಿನದಿಂದ ನಾಪತ್ತೆಯಾಗಿರೋದನ್ನು ಮನಗಂಡ ದೀಪಿಕಾ ಪತಿ ಆತನ ಮೇಲೆಯೇ ಅನುಮಾನ ವ್ಯಕ್ತ ಪಡಿಸಿದ್ದರು.ಅಕ್ಕ ಅಕ್ಕ ಎಂದು ಹೇಳಿ ಪತ್ನಿ ದೀಪಿಕಾಳ ಜತೆ ಆತ್ಮೀಯತೆಯಲ್ಲಿದ್ದ ಅಂತ ಆರೋಪಿಸಿದ್ದರು.ದೀಪಿಕಾರಿಗೆ ಕೆಲವಾರು ವರ್ಷಗಳಿಂದ ಪರಿಚಯವಾಗಿದ್ದರಿಂದ ಈತನ ಮೇಲೆ ಅನುಮಾನಗಳು ಬಂದಿದ್ದವು. ನಾಪತ್ತೆಯಾಗುವ ಮೊದಲು ನಾಟಕವಾಡಿದ್ದ ಆತ, ದೀಪಿಕಾ ನಾಪತ್ತೆಯಾಗಿ ಆಕೆಯ ಶವ ಪತ್ತೆಯಾದ ನಡುವಿನ 2 ದಿನದಲ್ಲಿ ಒಮ್ಮೆ ದೀಪಿಕಾರ ತಂದೆಗೆ ಫೋನ್ ಮಾಡಿದ್ದ, ‘ಅಕ್ಕ ಪತ್ತೆಯಾದರಾ’ ಎಂದು ಕೇಳಿ, ಸಂತಾಪ ಸೂಚಿಸುವ ನಾಟಕವಾಡಿದ್ದ ಎಂದು ಹೇಳಲಾಗಿದೆ.
ವಿಚಾರಣೆಯ ವೇಳೆ, ಆತ ದೀಪಿಕಾರನ್ನು ಕೊಂದಿದ್ದಾಗಿ ಒಪ್ಪಿಕೊಂಡಿದ್ದಾನೆಂದು ಪೊಲೀಸರು ತಿಳಿಸಿದ್ದಾರೆ. ಇದೀಗ ಸಿಕ್ಕಿಬಿದ್ದಿರುವ ನಿತೀಶ್, ತಾನು ಹಾಗೂ ದೀಪಿಕಾ ಆಗಾಗ್ಗೆ ಭೇಟಿಯಾಗುತ್ತಿದ್ದೆವು. ನಾನು ಕರೆದಾಗ ಆಕೆ ಕೆಲವೊಮ್ಮೆ ಬರುತ್ತಿರಲಿಲ್ಲ.ಆದರೆ,ಆಕೆ ಕರೆದಾಗ ಮಾತ್ರ ನಾನು ತಪ್ಪದೇ ಹೋಗಬೇಕಿರುತ್ತಿತ್ತು.ಅದಕ್ಕಾಗಿ ನನಗೂ ಆಕೆಗೂ ಆಗಾಗ ಜಗಳವಾಗುತ್ತಿತ್ತು.ಹಾಗಾಗಿ, ಆಕೆಯ ಮೇಲೆ ನನಗೆ ಆಕೆಯ ಮೇಲೊಂದು ಸಿಟ್ಟಿತ್ತು. ಪದೇ ಪದೇ ಜಗಳವಾಗುತ್ತಲೇ ಇದ್ದಿದ್ದರಿಂದ ಆಕೆಯನ್ನು ಕೊಲ್ಲಲು ನಿರ್ಧರಿಸಿದ್ದೆ. ಹಾಗಾಗಿ, ಜ. 20ರಂದು ಆಕೆಯನ್ನು ಭೇಟಿ ಮಾಡಿ ಅಲ್ಲೇ ಕೊಲ್ಲಲು ನಿರ್ಧರಿಸಿ, ಯೋಗ ನರಸಿಂಹ ಸ್ವಾಮಿ ಬೆಟ್ಟದ ತಪ್ಪಲಿಗೆ ಬರಲು ಹೇಳಿ ಅಲ್ಲಿ ಆಕೆಯ ವೇಲ್ ನಿಂದ ಕುತ್ತಿಗೆ ಬಿಗಿದು ಕೊಲೆ ಮಾಡಿದೆ. ಆನಂತರ ಮೊದಲೇ ತೋಡಿಟ್ಟಿದ್ದ ಗುಂಡಿಯಲ್ಲಿ ಆಕೆಯನ್ನು ಹಾಕಿ ಮುಚ್ಚಿದೆ ಎಂದು ಹೇಳಿದ್ದಾನೆಂದು ಮೂಲಗಳು ತಿಳಿಸಿವೆ.
ದೀಪಿಕಾರವರ ಶವ ಪತ್ತೆಯಾದ ದಿನ ರಾತ್ರಿ, ನಿತೀಶ್ ತನ್ನ ತಂದೆಯ ಮೊಬೈಲಿಗೆ ವಾಟ್ಸ್ ಆ್ಯಪ್ ಸಂದೇಶ ಕಳಿಸಿ, ನಾನು ಮನೆಗೆ ಬರುವುದಿಲ್ಲ. ನನ್ನನ್ನು ಹುಡುಕುವ ಪ್ರಯತ್ನ ಮಾಡಬೇಡಿ. ಅಕ್ಕನ ಮದುವೆಯನ್ನು ಮಾಡಿ ಎಂದು ಹೇಳಿ ನಾಪತ್ತೆಯಾಗಿದ್ದ. ಇತ್ತ, ದೀಪಿಕಾಳ ಕೊಲೆ ಪ್ರಕರಣದ ತನಿಖೆ ನಡೆಸುತ್ತಿದ್ದ ಪೊಲೀಸರಿಗೆ, ದೀಪಿಕಾರವರು ಕೊಲೆಯಾಗುವ ಮುನ್ನ ಅವರ ಮೊಬೈಲಿಗೆ ನಿತೀಶ್ ಕರೆ ಮಾಡಿದ್ದು ತಿಳಿದುಬಂದಿತ್ತು. ಕಾಲ್ ಡಿಟೇಲ್ಸ್ ತೆಗೆದು ಆತನನ್ನು ವಿಚಾರಿಸಲು ಮುಂದಾದಾಗ ಆತ ನಾಪತ್ತೆಯಾಗಿರುವುದು ತಿಳಿದಿತ್ತು. ಹಾಗಾಗಿ, ಆತನ ಮೇಲೆಯೇ ಪೊಲೀಸರಿಗೆ ಅನುಮಾನ ವ್ಯಕ್ತವಾಗಿತ್ತು.
ಘಟನೆಯ ವಿವರ: ದೀಪಿಕಾ ಅವರ ಊರು ಮಾಣಿಕ್ಯನಹಳ್ಳಿ. ಅವರು ಮೇಲುಕೋಟೆಯ ಎಸ್‌ಇಟಿ ಸ್ಕೂಲ್‌ನಲ್ಲಿ ಶಿಕ್ಷಕಿಯಾಗಿದ್ದರು. ಜ. 20ರ ಶನಿವಾರ ಬೆಳಗ್ಗೆ ಶಾಲೆಗೆ ಸ್ಕೂಟರ್‌ನಲ್ಲಿ ಹೋಗಿದ್ದ ದೀಪಿಕಾ ಸಂಜೆಯಾದರೂ ಮನೆಗೆ ಬಂದಿರಲಿಲ್ಲ. ಹೀಗಾಗಿ ಆಕೆಯ ಪತಿ ಲೋಕೇಶ್ ಅವರು ತನ್ನ ಪತ್ನಿ ಕಾಣೆಯಾಗಿದ್ದಾಳೆಂದು ಮೇಲುಕೋಟೆ ಪೊಲೀಸರಿಗೆ ದೂರು ನೀಡಿದ್ದರು.ಈ ಮಧ್ಯೆ ಮೇಲುಕೋಟೆಗೆ ಬಂದಿದ್ದ ಪ್ರವಾಸಿಗರೊಬ್ಬರು,ಮೇಲುಕೋಟೆಯ ಸಿಡಿಲು ಕಲ್ಲುಮಂಟಿ ಬಳಿ, ಯುವಕನೊಬ್ಬ ಮಹಿಳೆಯೊಬ್ಬಳ ಜೊತೆಗೆ ಜಗಳವಾಡಿ ಆಕೆಯನ್ನು ಎಳೆದಾಡುತ್ತಿದ್ದುದನ್ನು ಗಮನಿಸಿ ತಮ್ಮ ಮೊಬೈಲ್‌ನಲ್ಲಿ ತುಂಬಾ ದೂರದಿಂದ ವೀಡಿಯೋ ಮಾಡಿಕೊಂಡಿದ್ದರು. ಆನಂತರ ಪೊಲೀಸರಿಗೆ ಹೋಗಿ ಆ 10 ಸೆಕೆಂಡ್‌ಗಳ ವೀಡಿಯೋವನ್ನು ತೋರಿಸಿ ಮೇಲುಕೋಟೆಯ ಸಿಡಿಲು ಕಲ್ಲುಮಂಟಿ ಬಳಿ ಹೋಗುವಂತೆ ಕೋರಿದ್ದರು.
“ಬಿಳಿ ಬಟ್ಟೆ ಧರಿಸಿದ್ದ ಮಹಿಳೆಯೊಬ್ಬರು ನೆಲದ ಮೇಲೆ ಬಿದ್ದಿದ್ದು, ಮತ್ತೊಬ್ಬ ವ್ಯಕ್ತಿ ತೆವಳಿಕೊಂಡು ಬೆಟ್ಟದಿಂದ ಇಳಿಯುತ್ತಿರುವ” ದೃಶ್ಯವು ವೀಡಿಯೋದಲ್ಲಿತ್ತು. ಇದರ ಆಧಾರದ ಮೇಲೆ ಪೊಲೀಸರು ಸೋಮವಾರ ಮೇಲುಕೋಟೆಯ ಸಿಡಿಲು ಕಲ್ಲುಮಂಟಿ ಬಳಿ ಪರಿಶೀಲಿಸಿದಾಗ ದೀಪಿಕಾಳ ಸ್ಕೂಟರ್ ಪತ್ತೆಯಾಗಿತ್ತು. ಎರಡು ದಿನಗಳ ತೀವ್ರ ಹುಡುಕಾಟದ ನಂತರ ಕಲ್ಲುಮಂಟಿ ಬಳಿಯಲ್ಲೇ ಅರ್ಧಂಬರ್ಧ ಹೂತಿದ್ದ ಸ್ಥಿತಿಯಲ್ಲಿ ಶಿಕ್ಷಕಿ ದೀಪಿಕಾಳ ಶವ ಪತ್ತೆಯಾಗಿತ್ತು.
