ನ್ಯೂಸ್ ನಾಟೌಟ್‌ : ಇಡೀ ದೇಶದ ರಾಮಭಕ್ತರು ಅಯೋಧ್ಯೆಯ ರಾಮಮಂದಿರ ಲೋಕಾರ್ಪಣೆ ಕ್ಷಣವನ್ನು ನೋಡಿ ಕಣ್ತುಂಬಿಕೊಂಡರು.ಈ ಪ್ರಯುಕ್ತ ಪ್ರಭು ಶ್ರೀರಾಮ ಚಂದ್ರನಿಗೆ ಸಂಬಂಧ ಪಟ್ಟ ಹಲವು ರಾಮ ಮಂದಿರಗಳಲ್ಲಿ ವಿಶೇಷ ಪೂಜೆಯನ್ನು ನೆರವೇರಿಸಲಾಯಿತು.ರಾಮಜನ್ಮಭೂಮಿ ಅಯೋಧ್ಯೆಯಲ್ಲಿ ರಾಮಲಲ್ಲಾ ಮೂರ್ತಿ ಪ್ರಾಣ ಪ್ರತಿಷ್ಠಾಪನೆ ಹಿನ್ನಲೆಯಲ್ಲಿ ರಾಮಭಕ್ತರು ವಿಶೇಷವಾಗಿ ರಾಮನಾಮ ಸ್ಮರಣೆಯಲ್ಲಿ ತೊಡಗಿದರು.
ಇನ್ನು ಕರಾವಳಿಯಲ್ಲಂತು ಎಲ್ಲಾ ರಾಮಮಂದಿರಗಳಲ್ಲಿ ಭಜನೆ, ಪೂಜೆ ಅದ್ದೂರಿಯಿಂದ ನಡೆಯಿತು.ಎಲ್ಲಾ ರಾಮ-ಹನುಮಂತನ ದೇವಸ್ಥಾನಗಳಲ್ಲಿಯೂ ವಿಶೇಷ ಪೂಜೆ ನೆರವೇರಿತು.ಅಂತೆಯೇ ಕಲ್ಲುಗುಂಡಿಯ ಹನುಮನ ಗುಡಿಯಲ್ಲಿಯೂ ಶ್ರೀ ರಾಮ ಪ್ರಾಣ ಪ್ರತಿಷ್ಠೆ ಮುಹೂರ್ತದಲ್ಲಿ ವಿಶೇಷ ಪೂಜೆ ನಡೆಯಿತು. ಈ ವೇಳೆ ಭಕ್ತಾದಿಗಳಿಗೆ ಪ್ರಸಾದ ವಿತರಣೆ ಮಾಡಲಾಯಿತು.
