ನ್ಯೂಸ್ ನಾಟೌಟ್‌ : ಈ ಬಾರಿ ಬಿಗ್ ಬಾಸ್ ಸೀಸನ್ ೧೦ ಟ್ರೋಫಿಯನ್ನು ಡ್ರೋಣ್ ಪ್ರತಾಪ್ ಮುಡಿಗೇರಿಸಿಕೊಳ್ತಾರೆ ಅನ್ನೋ ಚರ್ಚೆಗಳು ಆರಂಭದಲ್ಲಿ ನಡೆದಿದ್ದವು.ಬಳಿಕ ಇಲ್ಲ ವಿನಯ್‌ ಗೆಲ್ಲ ಬಹುದು ಎಂಬ ಲೆಕ್ಕಾಚಾರ ಶುರುವಾಯಿತು.ಇನ್ನೂ ಕೆಲ ದಿನಗಳು ಕಳೆದ ನಂತರ ಸಂಗೀತಾ ವಿನ್ ಆಗಬಹುದು ಎಂದುನ ಅಭಿಮಾನಿಗಳು ಹೇಳೋದಕ್ಕೆ ಶುರು ಮಾಡಿದ್ರೆ ಕೆಲವು ಮಂದಿ ಕಾರ್ತಿಕ್ ಗೆಲ್ಲಬಹುದು ಎಂದಿದ್ದರು.ಆದರೆ ಈ ಬಾರಿ ಲೆಕ್ಕಾಚಾರ ಉಲ್ಟಾ ಪಲ್ಟಾ ಹೊಡೆದಿದ್ದು,ನಿರೀಕ್ಷೆಗೂ ಮೀರಿ ಕಾರ್ತಿಕ್ ಅವರು ಭಾರಿ ವೋಟ್‌ ಪಡೆದು ಜಯ ಸಾಧಿಸಿದ್ದಾರೆ.
ಇನ್ನು ಅವರವರ ಅಭಿಮಾನಿಗಳು ನಿರಾಸೆಯಾಗೋದು ಕೂಡ ಸಹಜವೇ.ಭಾರಿ ನಿರೀಕ್ಷೆ ಇಟ್ಟು ಕೊಂಡು ಬಿಗ್ ಬಾಸ್ ನೋಡಿದವರಿಗೆ ಅವರು ಇಷ್ಟ ಪಟ್ಟ ಸ್ಪರ್ಧಿ ಗೆಲ್ಲದೇ ಹೋದ್ರೆ ಬೇಜಾರಾಗುತ್ತೆ ನಿಜ.ಆದರೆ ಅದೇ ಬೇಜಾರಿನಲ್ಲಿ ಇಲ್ಲೊಬ್ಬ ಯುವಕ ಏನು ಮಾಡಿದ್ದಾನೆ ಗೊತ್ತಾ?
ಬಿಗ್ ಬಾಸ್ ಸೀಸನ್ 10ರಲ್ಲಿ ಡ್ರೋನ್‌ ಪ್ರತಾಪ್ ಸೋತಿದ್ದಕ್ಕೆ ಅರ್ಧ ಗಡ್ಡ, ಮೀಸೆ ತೆಗೆದು ಕಡಬದ ಯುವಕನೋರ್ವ ಇದೀಗ ವೈರಲ್ ಆಗಿದ್ದಾನೆ.ಕಡಬ ತಾಲೂಕಿನ ಬಂಟ್ರ ಗ್ರಾಮದ ಪಾಲೆತ್ತಡ್ಕ ನಿವಾಸಿ ಝೈನುಲ್‌ ಆಬಿದ್‌ ಬಿಗ್ ಬಾಸ್‌ನಲ್ಲಿ ಡ್ರೋನ್‌ ಪ್ರತಾಪ್ ಗೆದ್ದುಬರುತ್ತಾರೆ ಅಂತ ಬಾರಿ ನಿರೀಕ್ಷೆ ಇಟ್ಟು ಕೊಂಡಿದ್ದ.ಎಲ್ಲಾದ್ರೂ ಸೋತರೆ ಅರ್ಧ ಗಡ್ಡ, ಮೀಸೆ ತೆಗೆಯುವೆ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಚಾಲೆಂಜ್‌ ಬೇರೆ ಹಾಕಿದ್ದ. ಮಾತ್ರವಲ್ಲ ಹಸಿ ಮೆಣಸಿನಕಾಯಿ ತಿನ್ನುವುದಾಗಿ ಮತ್ತೂಂದು ವೀಡಿಯೋ ಹರಿಯಬಿಟ್ಟಿದ್ದ. ಇದೀಗ ಕಾರ್ತಿಕ್ ವಿನ್ನರ್‌ ಆಗಿದ್ದು, ಪ್ರತಾಪ್ ರನ್ನರ್‌ ಅಪ್‌ಗೆ ಆಗಿದ್ದಕ್ಕೆ ಕೊಟ್ಟ ಮಾತಿನಂತೆ ನಡೆದು ಕೊಂಡಿದ್ದಾನೆ. ಫಲಿತಾಂಶ ಹೊರಬರುತ್ತಲೇ ಆಬಿದ್‌ ಅರ್ಧ ಗಡ್ಡ ಮೀಸೆ ಬೋಳಿಸಿಕೊಂಡು ಹಸಿ ಮೆಣಸಿನಕಾಯಿ ತಿಂದು ವಿಡಿಯೋ ಮಾಡಿ ಅಪ್ಲೋಡ್‌ ಮಾಡಿದ್ದಾನೆ ಅನ್ನೋದು ವಿಶೇಷ.
