ನ್ಯೂಸ್ ನಾಟೌಟ್ : ಸೋಶಿಯಲ್ ಮೀಡಿಯಾ ಬಂದ ಬಳಿಕ ತಮ್ಮಲ್ಲಿ ಅಡಕವಾಗಿರುವ ಪ್ರತಿಭೆ ಹೊರಬರುತ್ತಿದೆ. ಮಾತ್ರವಲ್ಲ ಜನರಿಗೆ ಇಷ್ಟವಾದ್ರೆ ಅವರು ವೈರಲ್ ಮಾಡುತ್ತಿರುತ್ತಾರೆ.ಈ ದೃಷ್ಟಿಯಿಂದಲೂ ಕೆಲ ಯುವಕರು ತಮ್ಮ ವಿಡಿಯೋಗಳು ವೈರಲ್ ಆಗಬೇಕು ಎನ್ನುವ ಉದ್ದೇಶದಿಂದ ನಾನಾ ರೀತಿಯಲ್ಲಿ ಸರ್ಕಸ್ ಮಾಡುತ್ತಲೇ ಇರುತ್ತಾರೆ.ಆದರೆ ಇಲ್ಲೊಬ್ಬ ಕಲಾವಿದ ಮಾತ್ರ ಅದೆಲ್ಲದಕ್ಕು ಡಿಫರೆಂಟ್ ಎಂಬಂತಿದ್ದಾನೆ.ನಾವು ಊಟಕ್ಕೆ ಬಡಿಸಿಕೊಳ್ಳುವ ಉಪ್ಪಿನ ಕಾಯಿಯನ್ನೇ ಬಳಸಿಕೊಂಡು ಅದ್ಬುತ ಭಾವಚಿತ್ರಗಳನ್ನು ಬಿಡಿಸುತ್ತಾನೆ. ಅಲ್ಲದೆ ಈತನ ಕಾರ್ಯಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಮೆಚ್ಚುಗೆ ಕೂಡ ವ್ಯಕ್ತವಾಗಿದೆ.
ಈತನ ಹೆಸರು ಶಿಂತು ಮೌರ್ಯ. ತಮ್ಮ ಇನ್ಸ್ಟಾ ಗ್ರಾಮ್ ನಲ್ಲಿ ವಿಭಿನ್ನ ಶೈಲಿಯಲ್ಲಿ ಭಾವಚಿತ್ರವೊಂದನ್ನು ಬಿಡಿಸಿ ಭಾರಿ ಜನ ಮೆಚ್ಚುಗೆ ಗಳಿಸಿದ್ದಾನೆ. ಶಿಂತು ಮೌರ್ಯ ತಿನ್ನಲು ಬಳಸುವ ಮಾವಿನ ಉಪ್ಪಿನಕಾಯಿಯನ್ನು ಬಳಸಿ ಬಾಲಿವುಡ್ ನಟಿ ಕಂಗನಾ ರಣಾವತ್ ಅವರ ಅದ್ಭುತವಾದ ಭಾವಚಿತ್ರವನ್ನು ಬಿಡಿಸಿದ್ದಾನೆ.
ಮೌರ್ಯ ಅವರ ಅಭಿಮಾನಕ್ಕೆ ನಟಿ ಅಭಿಮಾನಿಗಳು ಬೌಲ್ಡ್ ಆಗಿದ್ದಾರೆ.ನಟಿ ಕಂಗನಾ ರಣಾವತ್ ಅವರ ಭಾವಚಿತ್ರ ಬಿಡಿಸುವ ವಿಡಿಯೋ ಅನ್ನು ಮೌರ್ಯ ಅವರು ತಮ್ಮ ಇಸ್ಟಾ ಗ್ರಾಮ್ ಪೇಜ್ ನಲ್ಲಿ ಹಾಕಿದ್ದು ಒಂದು ತಟ್ಟೆಗೆ ಉಪ್ಪಿನಕಾಯಿ ಹಾಕಿ ಒಂದು ಖಾಲಿ ಹಾಳೆ ತೆಗೆದುಕೊಂಡು ಕೇವಲ ಬೆರಳಿನ ಮೂಲಕ ಅದ್ಭುತವಾದ ಭಾವಚಿತ್ರ ಬಿಡಿಸಿದ್ದಾರೆ. ಈ ಭಾವಚಿತ್ರ ಸಾಮಾಜಿಕ ಜಾಲತಾಣದಲ್ಲಿ ಅತೀ ಹೆಚ್ಚು ವೀಕ್ಷಣೆಯನ್ನೂ ಪಡೆದಿದೆ.
