ನ್ಯೂಸ್ ನಾಟೌಟ್ :ಇತ್ತೀಚಿನ ದಿನಗಳಲ್ಲಿ ಕೆಲಸಕ್ಕೇನು ಕೊರತೆಯಿಲ್ಲ..ಆದರೆ ನಾವು ಮಾಡುವ ಕೆಲಸವನ್ನು ಶ್ರದ್ದೆಯಿಂದ ಮಾಡಿದರೆ ಯಾವುದೇ ಕಾರ್ಯ ಸಿದ್ದಿಸಬಲ್ಲುದು.ಬಟ್ ಇಲ್ಲಿ ಹೇಳಲಾದ ಉದ್ಯೋಗ ಮಾತ್ರ ನಿಮ್ಗೆ ಸ್ವಲ್ಪ ಡಿಫರೆಂಟ್‌ ಅನ್ನಿಸಬಹುದು.ಉದ್ಯೋಗ ಸಿಕ್ಕಿದ್ರೂ ಕೂಡ, ಆ ಕೆಲಸ ಮಾಡಲು ಧೈರ್ಯವೂ ಬೇಕಾಗುತ್ತದೆ.ಅದು ಯಾಕೆ ಅಂತ ಹೇಳ್ತೀರಾ? ಇಲ್ಲಿದೆ ವರದಿ..
ಹೌದು, ಇಲ್ಲೊಂದು ಕೆಲಸ ಖಾಲಿ ಇದೆ ಅಂತ ನೀವು ಕೆಲಸಕ್ಕೆ ಹೋದ್ರೆ ನೀವು ತಲೆ ತಿರುಗಿ ಬೀಳೋದಂತೂ ಗ್ಯಾರಂಟಿ. ಇಲ್ಲೊಂದು ಹಾವಿಗೆ ಸ್ನಾನ ಮಾಡ್ಸೋ ಕೆಲ್ಸ ಖಾಲಿ ಇದ್ಯಂತೆ. ಸಂಬಳ ತಿಂಗಳಿಗೆ 30,000 ರೂಪಾಯಿಗಳಂತೆ. ಕೆಲಸ ಬೇಕಾದವರು ತಕ್ಷಣ ಸಂಪರ್ಕಿಸಿ ಎಂದು ಕೇಳಿದ್ದಾರೆ. ಈ ಕುರಿತ ಹಾಸ್ಯಮಯ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಹಾವನ್ನು ಸ್ನಾನ ಮಾಡ್ಸೋಕೆ ಹೋಗಿ ನಾವು ಶಿವನ ಪಾದ ಸೇರದಿದ್ರೆ ಸಾಕು ಎಂದು ನೆಟ್ಟಿಗರು ಕಾಲೆಳೆದಿದ್ದಾರೆ.
ರವಿ ಕೆಂಪೇಗೌಡ (@ravi_kanasugara) ಎಂಬವರು ಈ ಹಾಸ್ಯಮಯ ವಿಡಿಯೋವನ್ನು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ʼಹಾವಿಗೆ ಸ್ನಾನ ಮಾಡಿಸೋ ಕೆಲಸ ಇದೆ, ಕೆಲಸ ಬೇಕಾದವ್ರು ಸಂಪರ್ಕಿಸಿʼ ಎಂಬ ತಮಾಷೆಯ ಶೀರ್ಷಿಕೆಯನ್ನು ಬರೆದುಕೊಂಡಿದ್ದಾರೆ.ಈ ವಿಡಿಯೋದಲ್ಲಿ ಒಬ್ಬ ವ್ಯಕ್ತಿ ಹಾವಿಗೆ ಸ್ನಾನ ಮಾಡಿಸಿ, ಆ ಹಾವನ್ನು ಆರೈಕೆ ಮಾಡುವ ದೃಶ್ಯವನ್ನು ಕಾಣಬಹುದು. ಮತ್ತು ಈ ವಿಡಿಯೋದ ಮೇಲ್ಗಡೆ ಹಾವಿಗೆ ಸ್ನಾನ ಮಾಡಿಸೋ ಕೆಲ್ಸ, ತಿಂಗಳಿಗೆ 30,000 ರೂಪಾಯಿ ಸಂಬಳ ಅಂತೆ ಎಂಬ ತಮಾಷೆಯ ಬರಹವನ್ನು ಸಹ ಬರೆದುಕೊಂಡಿದ್ದಾರೆ.
ಡಿಸೆಂಬರ್ 5ರಂದು ಹಂಚಿಕೊಳ್ಳಲಾದ ಈ ವಿಡಿಯೋಗೆ ವ್ಯಾಪಕ ಸ್ಪಂದನೆ ಸಿಕ್ಕಿದೆ. ಒಬ್ಬರು ನನ್ಗೆ ಈ ಕೆಲ್ಸ ಬೇಡ್ವೇ ಬೇಡಪ್ಪಾʼ ಎಂದು ಹೇಳಿದ್ದಾರೆ. ಇನ್ನೊಬ್ಬ ಬಳಕೆದಾರರು ʼನಾನು ಸ್ನಾನ ಮಾಡೋದೇ ಅಪರೂಪಕ್ಕೆ, ಇನ್ನು ಆ ಹಾವಿಗೆ ಬೇರೆ ಸ್ನಾನ ಮಾಡಿಸ್ಬೇಕಾ, ನನ್ ಕೈಯಿಂದ ಆಗಲ್ಲ ಗುರು, ಆ ಕೆಲ್ಸ ನೀನೇ ಮಾಡುʼ ಎಂದು ತಮಾಷೆಯ ಕಾಮೆಂಟ್ ಬರೆದುಕೊಂಡಿದ್ದಾರೆ. ಮತ್ತೊಬ್ಬ ಬಳಕೆದಾರರು ʼಗುರು ಬದುಕೋ ದಾರಿ ಹೇಳು ಅಂದ್ರೆ, ಸೀದಾ ಮೇಲೆ ಹೋಗೋ ದಾರಿ ಹೇಳ್ತಾ ಇದೀಯಾʼ ಅಂತಾ ಹೇಳಿದ್ದಾರೆ.
https://www.instagram.com/p/C0ebpbFPL7z/?utm_source=ig_embed&utm_campaign=embed_video_watch_again
https://www.instagram.com/p/C0ebpbFPL7z/?utm_source=ig_embed&utm_campaign=embed_video_watch_again
