ನ್ಯೂಸ್ ನಾಟೌಟ್ : ಇತ್ತಿಚಿನ ದಿನಗಳಲ್ಲಿ ಕಳ್ಳತನ ಪ್ರಕರಣಗಳು ಹೆಚ್ಚಾಗುತ್ತಿವೆ.ಅದರಲ್ಲೂ ಹಾಡಹಗಲಲ್ಲೇ ಇಂತಹ ಹಲವು ಪ್ರಕರಣಗಳು ಬೆಳಕಿಗೆ ಬರುತ್ತಿವೆ. ಅಂಗಡಿ ಮಾಲೀಕರೆದುರಿನಲ್ಲಿ ಕಳ್ಳರು ಕೈಚಳಕ ತೋರಿಸಲು ಪ್ರಯತ್ನಿಸುವ ಘಟನೆಗಳು ಆಗಾಗ ವರದಿಯಾಗುತ್ತಲೇ ಇರುತ್ತವೆ. ಮೊನ್ನೆಯಷ್ಟೇ ಸುಳ್ಯದ ಚಿನ್ನದ ವ್ಯಾಪಾರಿಯೊಬ್ಬರಿಗೆ ಉಂಡೆ ನಾಮ ತಿಕ್ಕಿ ಕಳ್ಳರು ಎಸ್ಕೇಪ್ ಆದ ಘಟನೆಯೊಂದು ವರದಿಯಾಗಿತ್ತು.ಈ ದೃಶ್ಯ ಸಿಸಿಟಿವಿಯಲ್ಲೂ ಸೆರೆಯಾಗಿತ್ತು.ಇದೀಗ ಮತ್ತೊಂದು ಘಟನೆ ಸುಳ್ಯದ ಜಾಲ್ಸೂರಿನಿಂದ ವರದಿಯಾಗಿದೆ.
ಸುಳ್ಯದ ಜಾಲ್ಸೂರು ಭಾಗದಲ್ಲಿ ಕಳ್ಳತನ ಪ್ರಕರಣ ಇದು ಮೊದಲೇನಲ್ಲ.ಈ ಹಿಂದೆಯೂ ಕೂಡ ಮನೆಗೆ ನುಗ್ಗಿದ ಕಳ್ಳರು ಚಿನ್ನಾಭರಣ ದೋಚಿದ ಘಟನೆಯೂ ಕೂಡ ವರದಿಯಾಗಿತ್ತು.ಇದೀಗ ಈ ಪ್ರಕರಣದಲ್ಲಿ ಮಂಗಳಮುಖಿಯೊಬ್ಬರು ಅಂಗಡಿಯೊಂದರಿಂದ ಅಂಗಡಿ ಮಾಲೀಕರ ಎದುರಿನಲ್ಲೇ ನಗದು ಕಳವುಗೈದ ಘಟನೆ ಸಿಸಿಟಿವಿಯಲ್ಲಿ ಸೆರೆಯಾಗಿದೆ.
ಜಾಲ್ಸೂರಿನಲ್ಲಿರುವ ಅಂಗಡಿಯೊಂದರಲ್ಲಿ ಈ ಘಟನೆ ನಡೆದಿದ್ದು,ಮಂಗಳಮುಖಿಯೊಬ್ಬರು ಅಂಗಡಿ ಒಳಗೆ ಬರುತ್ತಾರೆ. ಅದಾದ ಬಳಿಕ ಮಾಲೀಕನ ಕೈಯಿಂದಲೇ ದುಡ್ಡನ್ನು ಪಡೆದುಕೊಂಡು ಅಂಗಡಿ ಮಾಲೀಕರ ಎದುರಲ್ಲೇ ಕಣ್ತಪ್ಪಿಸಿ ನಗದು ದೋಚುವ ದೃಶ್ಯ ಅಂಗಡಿಯಲ್ಲಿದ್ದ ಸಿ.ಸಿ. ಕ್ಯಾಮರಾದಲ್ಲಿ ಸೆರೆಯಾಗಿದೆ.ಸಿಸಿ ಕ್ಯಾಮರಾ ದೃಶ್ಯ ಇಲ್ಲಿದೆ ನೋಡಿ..
