ನ್ಯೂಸ್ ನಾಟೌಟ್ : ಭೂಗತ ಪಾತಕಿ ದಾವೂದ್ ಇಬ್ರಾಹಿಂ ವಿಷ ಸೇವಿಸಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾನೆ ಎಂಬ ಸುದ್ದಿ ಹರಿದಾಡುತ್ತಿದೆ.ಇದೀಗ ನೆಟ್ಟಿಗರು ಇವನ ಕುರಿತಾಗಿ ಸೋಶಿಯಲ್ ಮೀಡಿಯಾದಲ್ಲಿ ಹುಡುಕಾಟ ನಡೆಸಲು ಆರಂಭ ಮಾಡಿದ್ದಾರೆ.ಕೆಲವೊಂದಷ್ಟು ಹೊಸ ಹೊಸ ಮಾಹಿತಿಗಳು ಲಭ್ಯವಾಗುತ್ತಿದ್ದು ಇದೀಗ ಇವನ ಹೆಸರಿನ ಜತೆ ಕೆಲವು ಬಾಲಿವುಡ್ ಹಿರೋಯಿನ್ಗಳ ಹೆಸರು ತಳುಕು ಹಾಕಿಕೊಂಡಿರುವುದು ಭಾರಿ ಚರ್ಚೆಯಲ್ಲಿದೆ.
1993ರ ಮುಂಬೈ ಸರಣಿ ಸ್ಫೋಟದ ಮಾಸ್ಟರ್ ಮೈಂಡ್ ದಾವೂದ್ ಇಬ್ರಾಹಿಂ ಎಂಬುದು ಎಲ್ಲರಿಗೂ ತಿಳಿದಿರೋ ವಿಚಾರ. ಇದೀಗ ಆತನ ವಯಸ್ಸು 67.ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆಯುತ್ತಿದ್ದ ದಾವೂದ್ ಸಾವನ್ನಪ್ಪಿದ್ದಾನೆ ಎಂಬ ವದಂತಿಗಳೂ ಜೋರಾಗಿ ಕೇಳಿಬಂದಿದ್ದವು. ಆದರೆ ಸಾವಿನ ಸುದ್ದಿ ಸಂಪೂರ್ಣ ಸುಳ್ಳು ಎಂದು ಗುಪ್ತಚರ ಮೂಲಗಳು ಸ್ಪಷ್ಟಪಡಿಸಿವೆ. ಆರೋಗ್ಯ ಸಮಸ್ಯೆಯಿಂದ ಆಸ್ಪತ್ರೆಗೆ ದಾಖಲಾಗಿರುವುದು ನಿಜ ಎಂದು ದೃಢಪಡಿಸಿದರು.ದಾವೂದ್ ಹಲವು ವರ್ಷಗಳಿಂದ ಕುಟುಂಬ ಸಮೇತ ಪಾಕಿಸ್ತಾನದಲ್ಲಿ ನೆಲೆಸಿರುವುದು ಗೊತ್ತೇ ಇದೆ. ಈ ಮೋಸ್ಟ್ ವಾಂಟೆಡ್ ಕ್ರಿಮಿನಲ್ ಒಮ್ಮೆ ಬಾಲಿವುಡ್ ನಾಯಕಿಯರ ಜತೆ ರೊಮ್ಯಾನ್ಸ್ ಮಾಡಿದ್ದ ಅನ್ನೋದು ಬಹುತೇಕರಿಗೆ ತಿಳಿದಿಲ್ಲ.
ಹೌದು, ದಾವೂದ್ ರೊಮ್ಯಾನ್ಸ್ ಮಾಡಿದ ನಾಯಕಿಯರಲ್ಲಿ ಮಂದಾಕಿನಿ ಕೂಡ ಒಬ್ಬರು. 80-90ರ ದಶಕದಲ್ಲಿ ಮಿಂಚಿದ ಬಾಲಿವುಡ್ ನಟಿ ಮಂದಾಕಿನಿ ‘ರಾಮ್ ತೇರಿ ಗಂಗಾ ಮಿಲೀ’ ನೊಂದಿಗೆ ಅವರ ಚಲನಚಿತ್ರ ವೃತ್ತಿಜೀವನ ಪ್ರಾರಂಭವಾಯಿತು. ಈ ಸಿನಿಮಾದ ಯಶಸ್ಸಿನ ನಂತರ ಮಂದಾಕಿನಿ ರಾತ್ರೋರಾತ್ರಿ ಸ್ಟಾರ್ ಆದರು.ಆಕೆಯ ಜೀವನದ ದಿಕ್ಕೆ ಬದಲಾಯಿತು.ಅವಕಾಶಗಳು ಹೆಚ್ಚಾಗುತ್ತಾ ಹೋಯಿತು.
ಆದರೆ ದಾವೂದ್ ಇಬ್ರಾಹಿಂ ಕೂಡ ಈ ಸುರಸುಂದರಾಂಗಿ ಮಂದಾಕಿನಿಯ ಸೌಂದರ್ಯಕ್ಕೆ ಮಾರಹೋಗಿದ್ದ ಅನ್ನುವ ವಿಚಾರ ಗೊತ್ತಾಗಿದೆ.ಆದರೆ ಯಾವಾಗ ದಾವೂದ್ ಜತೆ ಮಂದಾಕಿನಿ ಸ್ನೇಹ ಬೆಳೆಸಿದ್ದಳೋ ಅಲ್ಲಿಂದಲೇ ಆಕೆಯ ವೃತ್ತಿ ಜೀವನಕ್ಕೂ ಹಿಂದೇಟಾಯಿತು. ಅವಕಾಶಗಳು ಕುಸಿಯಲಾರಂಭಿಸಿದವು. 1994 ರಲ್ಲಿ, ದುಬೈನ ಕ್ರಿಕೆಟ್ ಸ್ಟೇಡಿಯಂನಲ್ಲಿ ಮಂದಾಕಿನಿ ಮತ್ತು ದಾವೂದ್ ಅಕ್ಕಪಕ್ಕದಲ್ಲಿ ಕುಳಿತಿರುವ ಫೋಟೋ ಅಂದು ಭಾರೀ ಸಂಚಲನ ಮೂಡಿಸಿತ್ತು. ಈ ಫೋಟೋದಿಂದಾಗಿ ಮಂದಾಕಿನಿ ಹಲವು ಆರೋಪಗಳನ್ನು ಎದುರಿಸಿದ್ದರು.
ದಾವೂದ್‌ನ ಕ್ರಿಮಿನಲ್ ಚಟುವಟಿಕೆಗಳಲ್ಲಿ ಆಕೆಯ ಕೈವಾಡವಿತ್ತು ಅನ್ನುವ ಆರೋಪವೂ ಕೇಳಿ ಬಂದಿತ್ತು. ಕ್ರಮೇಣ ಸಿನಿಮಾ ಅವಕಾಶಗಳು ಕಡಿಮೆಯಾಗುತ್ತಿದ್ದಂತೆ ಮಂದಾಕಿನಿ ಅನೇಕ ಸಮಸ್ಯೆಗಳನ್ನು ಎದುರಿಸಿದ್ದಳು.ಚಿತ್ರಗಳಲ್ಲಿ ಅವಕಾಶವೂ ಇಲ್ಲದಾಯಿತು. ಆಕೆಯನ್ನು ಪ್ರೀತಿಸುತ್ತಿದ್ದ ಅಷ್ಟೂ ಅಭಿಮಾನಿಗಳು ಈ ಒಂದು ಕಾರಣದಿಂದ ದೂರವಾದರು. ಹೀಗಾಗಿ ಈಕೆ ವೃತ್ತಿಜೀವನದಿಂದ ದೂರವಾದಳು.
ಅವರು ಕೊನೆಯದಾಗಿ 1996 ರಲ್ಲಿ ಬಿಡುಗಡೆಯಾದ ಜೋರ್ಡಾದಲ್ಲಿ ಕಾಣಿಸಿಕೊಂಡರು.ನಂತರ ದುಬೈನಲ್ಲಿ ನೆಲೆಸಿದರು.ಸಿನಿಮಾ ಜಗತ್ತಿನಲ್ಲಿ ಭಾರಿ ಎತ್ತರಕ್ಕೆ ಹೋಗಿ ಹೆಸರು ಮಾಡಬೇಕಾಗಿದ್ದ ಮಂದಾಕಿನಿಯ ವೃತ್ತಿ ಜೀವನ ದಾವೂದ್ ಜತೆಗಿನ ಪ್ರೇಮದಿಂದ ಸಂಪೂರ್ಣ ನೆಲಕಚ್ಚಿತು. 1990 ರಲ್ಲಿ, ಮಂದಾಕಿನಿ ಪ್ರಸಿದ್ಧ ವೈದ್ಯರನ್ನು ಮದುವೆಯಾದರು.ಅವರಿಗೆ ಇಬ್ಬರು ಮಕ್ಕಳಿದ್ದಾರೆ ಎನ್ನಲಾಗಿದೆ.
