ನ್ಯೂಸ್ ನಾಟೌಟ್: ಅರಂತೋಡು-ಸಂಪಾಜೆ ವಲಯದ ಯುವಕ-ಯುವತಿ ಮಂಡಲಗಳ ತರಬೇತಿ ಮತ್ತು ಆಯುಷ್ಮಾನ್ ಭಾರತ್ ಯೋಜನೆಯ ನೋಂದಣಿ ತರಬೇತಿ ಕಾರ್ಯಾಗಾರ ಅತ್ಯಂತ ಯಶಸ್ವಿಯಾಗಿ ಡಿಸೆಂಬರ್ 17ರಂದು ನಡೆಯಿತು. ಅರಂತೋಡು ಗ್ರಾಮ ಪಂಚಾಯತ್ ಅಮೃತ ಸಭಾಂಗಣದಲ್ಲಿ ಕಾರ್ಯಕ್ರಮ ನೆರವೇರಿತು. ಯುವಜನ ಸಂಯುಕ್ತ ಮಂಡಳಿ(ರಿ.) ಸುಳ್ಯದ ಆಶ್ರಯದಲ್ಲಿ ಸ್ಪಂದನ ಗೆಳೆಯರ ಬಳಗ (ರಿ.) ಅಡ್ತಲೆ ಸಹಯೋಗದೊಂದಿಗೆ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು.
“ಯಶಸ್ಸು ಕನಸಲ್ಲ Success is not a Dream….” ಎಂಬ ವಿಷಯದ ಕುರಿತು ಒಂದು ದಿನದ ತರಬೇತಿ ಕಾರ್ಯಾಗಾರ ನಡೆಯಿತು. ಸಭೆಯ ಅಧ್ಯಕ್ಷತೆಯನ್ನು ಯುವಜನ ಸಂಯುಕ್ತ ಮಂಡಳಿಯ ಅಧ್ಯಕ್ಷ ಪ್ರವೀಣ್ ಕುಮಾರ್ ಎ.ಎಂ ವಹಿಸಿದ್ದರು. ತರಬೇತಿ ಕಾರ್ಯಾಗಾರವನ್ನು ಅರಂತೋಡು ಗ್ರಾಮ ಪಂಚಾಯತ್ ಅಧ್ಯಕ್ಷ ಕೇಶವ ಅಡ್ತಲೆ ಉದ್ಘಾಟಿಸಿದರು. ಸಂಪನ್ಮೂಲ ವ್ಯಕ್ತಿಗಳಾದ ಜೇ.ಸೀ.ಸೋಮಶೇಖರ ನೇರಳ, ಯುವಜನ ಸಂಯುಕ್ತ ಮಂಡಳಿಯ ಪೂರ್ವಾಧ್ಯಕ್ಷ ಶೈಲೇಶ್ ಅಂಬೆಕಲ್ಲು, ಸ್ಪಂದನ ಗೆಳೆಯರ ಬಳಗದ ಅಧ್ಯಕ್ಷ ವಿನಯ್ ಬೆದ್ರುಪಣೆ, ಯುವಜನ ಸಂಯುಕ್ತ ಮಂಡಳಿಯ ನಿರ್ದೇಶಕ ಸುಬ್ರಮಣಿ ಪಿ.ವಿ ಹಾಗೂ ಲೋಹಿತ್ ಬಾಳಿಕಳ ಮತ್ತು ವಲಯದ ಯುವಕ ಮಂಡಲಗಳ ಅಧ್ಯಕ್ಷರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ವಿನಯ್ ಬೆದ್ರುಪಣೆ ಸ್ವಾಗತಿಸಿ ಶ್ರೀ ಲೋಹಿತ್ ಬಾಳಿಕಳ ವಂದಿಸಿದರು. ಸ್ಪಂದನ ಬಳಗದ ರಂಜಿತ್ ಅಡ್ತಲೆ ಕಾರ್ಯಕ್ರಮ ನಿರೂಪಿಸಿದರು. ಯುವಜನ ಸಂಯುಕ್ತ ಮಂಡಳಿಯ ನಿರ್ದೇಶಕ ವಿಜೇಶ್ ಹಿರಿಯಡ್ಕ ಮತ್ತು ಸ್ಪಂದನ ಬಳಗದ ಸಲಹೆಗಾರರಾದ ಭವಾನಿಶಂಕರ ಅಡ್ತಲೆ ಸಭೆಯಲ್ಲಿ ಹಾಜರಿದ್ದರು. ಜೆ.ಸಿ.ಐ ಭಾರತ ಇದರ ವಲಯ ತರಬೇತುದಾರ ಜೇ.ಸೀ ಸೋಮಶೇಖರ ನೇರಳ ಇವರಿಂದ “ಯಶಸ್ಸು ಕನಸಲ್ಲ Success is not a dream…” ವಿಷಯದ ಕುರಿತು ತರಬೇತಿ ಕಾರ್ಯಾಗಾರ ನಡೆಯಿತು. ಮತ್ತು ಭಾರತ ಸರಕಾರದ ಅಯುಷ್ಮಾನ್ ಭಾರತ್ ಯೋಜನೆಯ ನೋಂದಣಿ ಕುರಿತಾದ ತರಬೇತಿಯನ್ನು ಮುರಳಿ ನಳಿಯಾರ್ ನಡೆಸಿಕೊಟ್ಟರು. ಅಭಿಷೇಕ್ ಇವರು ಸಹಕರಿಸಿದರು. ವಲಯದ ಎಲ್ಲಾ ಯುವಕ ಯುವತಿ ಮಂಡಲಗಳ ಸದಸ್ಯರು ತರಬೇತಿ ಕಾರ್ಯಗಾರದ ಸದುಪಯೋಗ ಪಡೆದುಕೊಂಡರು.
