ನ್ಯೂಸ್ ನಾಟೌಟ್ : ಕಾಂತಾರ .. ಬಹುಶಃ ಈ ಸಿನಿಮಾದ ಹೆಸರು ಕೇಳದವರಿಲ್ಲ ಅನ್ಸುತ್ತೆ… ಇಡೀ ವಿಶ್ವವೇ ಕನ್ನಡ ಸಿನಿಮಾ ಇಂಡಸ್ಟ್ರಿಯತ್ತ ತಿರುಗಿ ನೋಡುವಂತೆ ಮಾಡಿದ ಸಿನಿಮಾ ಅಂದ್ರೆ ಅದು ಕಾಂತಾರ.ಇದರ ಅಬ್ಬರ ಎಷ್ಟರ ಮಟ್ಟಿಗಿತ್ತೆಂದರೆ ಪ್ರಪಂಚದ ನಾನಾ ಕಡೆಯ ಜನರು ಕೂಡ ಈ ಚಿತ್ರದ ಬಗ್ಗೆ ಮಾತಾಡುವಷ್ಟರ ಮಟ್ಟಿಗೆ ಇದರ ಹವಾ ಕ್ರಿಯೆಟ್ ಆಗಿತ್ತು. ಇದೀಗ ಕಾಂತಾರ ಸಿನಿಮಾ ಪ್ರೀಕ್ವೆಲ್ಗಾಗಿ ಭಾರೀ ಸಿದ್ಧತೆ ಮಾಡಿಕೊಳ್ಳಲಾಗ್ತಿದೆ. ಪ್ಯಾನ್ ಇಂಡಿಯಾ ಸ್ಟಾರ್ ರಿಷಬ್ ಶೆಟ್ಟಿ ಅಭಿನಯದ ಬಹು ನಿರೀಕ್ಷಿತ ಕಾಂತಾರ ಪ್ರೀಕ್ವೆಲ್ಗಾಗಿ ಅಭಿಮಾನಿಗಳು ಕಾತುರದಿಂದ ಕಾಯ್ತಿದ್ದಾರೆ. ಇದೀಗ ಕಾಂತಾರ 2 ಸಿನಿಮಾದ ಮುಹೂರ್ತದ ಡೇಟ್ ಕೂಡ ಫಿಕ್ಸ್ ಆಗಿದೆ.
ನವೆಂಬರ್ 27ರಂದು ಕಾಂತಾರ ಪ್ರಿಕ್ವೆಲ್ ಸೆಟ್ಟೇರುತ್ತಿದ್ದು, ಕೆರಾಡಿಯ ಆನೆಗುಡ್ಡೆ ದೇವಸ್ಥಾನದಲ್ಲಿ ಕಾಂತಾರ 2 ಮುಹೂರ್ತ ನೆರವೇರಲಿದೆ. ಈ ಹಿಂದೆಯೂ ಕಾಂತಾರ ಸಿನಿಮಾ ಮುಹೂರ್ತವನ್ನು ಕೆರಾಡಿಯ ಆನೆಗುಡ್ಡೆ ದೇವಸ್ಥಾನದಲ್ಲೇ ನೆರವೇರಿಸಲಾಗಿತ್ತು. ಇದೀಗ ಕಾಂತಾರ 2 ಮುಹೂರ್ತ ಸಹ ಅದೇ ಜಾಗದಲ್ಲಿ ನಡೆಯಲಿದ್ದು, ಚಿತ್ರದ ಮುಹೂರ್ತ ಕಾರ್ಯಕ್ರಮದಲ್ಲಿ ಅನೇಕ ಚಂದನವನದ ಗಣ್ಯರು ಭಾಗಿಯಾಗಲಿದ್ದಾರೆ ಎನ್ನುವ ಮಾಹಿತಿಯಿದೆ.ಕಾಂತಾರ ಪ್ರೀಕ್ವೆಲ್ಗಾಗಿ ಅದ್ಭುತವಾಗಿ ಕಥೆ ಹೆಣೆದಿರುವ ನಟ ರಿಷಬ್ ಶೆಟ್ಟಿ, ಚಿತ್ರದ ಮುಹೂರ್ತ ಪೂಜೆ ಬಳಿಕ ಡಿಸೆಂಬರ್ 2ನೇ ವಾರದಲ್ಲಿ ಶೂಟಿಂಗ್ ಆರಂಭಿಸಲು ಪ್ಲಾನ್ ಮಾಡಿದ್ದಾರೆ ಎನ್ನುವ ಮಾಹಿತಿ ಲಭ್ಯವಾಗಿದೆ. ಡಿವೈನ್ ಸ್ಟಾರ್ ಈಗಾಗಲೇ ಶ್ರೀಲಂಕಾ, ಕರಾವಳಿ ಸುತ್ತಮುತ್ತ ಪ್ರದೇಶಗಳಲ್ಲಿ ಶೂಟಿಂಗ್‌ಗಾಗಿ ಲೊಕೇಶನ್ ಕೂಡ ಫಿಕ್ಸ್ ಮಾಡಿದ್ದು, ಈ ಸಿನಿಮಾದ ಬಹುತೇಕ ಚಿತ್ರೀಕರಣ ಶ್ರೀಲಂಕಾದಲ್ಲಿಯೇ ನಡೆಯಲಿದೆ ಎನ್ನಲಾಗ್ತಿದೆ.ರಿಷಬ್ ಶೆಟ್ರು ಈಗಾಗಲೇ ಸಿನಿಮಾದ ಪಾತ್ರಕ್ಕಾಗಿಯೇ ಎಲ್ಲ ತಯಾರಿ ಆರಂಭಿಸಿ, ಲಾಂಗ್ ಹೇರ್ ಸಹ ಬಿಟ್ಟಿದ್ದಾರೆ. ಚಿತ್ರಕ್ಕಾಗಿ ಹಾರ್ಸ್ ರೈಡಿಂಗ್ ಕೂಡ ಕಲಿಯುತ್ತಿದ್ದು, ಸಿನಿಮಾದ ಪಾತ್ರಕ್ಕಾಗಿಯೆ ಇನ್ನು ಏನೆಲ್ಲ ತಯಾರಿ ಮಾಡಿಕೊಳ್ಳುತ್ತಿದ್ದಾರೆ ಅನ್ನುವ ಕುತೂಹಲ ಕೂಡ ಹೆಚ್ಚುತ್ತಲೇ ಇದೆ ಅಂತಲೂ ಹೇಳಬಹುದು.ಈ ಚಿತ್ರ ಹೇಗಿರಲಿದೆ ಕಾಂತಾರ ಚಿತ್ರದ ಹಾಗೆ ಕಮಾಲ್ ಮಾಡುತ್ತಾ?ಸದ್ಯದಲ್ಲೇ ಉತ್ತರ ಸಿಗಲಿದೆ.
