ನ್ಯೂಸ್ ನಾಟೌಟ್ : ಬಿಗ್‌ಬಾಸ್‌ ಸೀಸನ್ ೧ನಲ್ಲಿ ಸ್ಪರ್ಧಿಯಾಗಿದ್ದ ಬ್ರಹ್ಮಾಂಡ ಗುರೂಜಿ ಅನೇಕ ಅಭಿಮಾನಿ ಬಳಗವನ್ನೇ ಹೊಂದಿದ್ದರು. ಮುಂಡಾ ಮುಚ್ತು, ನಿನ್ ತಲೆ ಎಂದೆಲ್ಲ ಬಯ್ಯುವರು ಇದೀಗ ಮತ್ತೆ ಬಿಗ್ ಬಾಸ್ ಸೀಸನ್ ೧೦ನಲ್ಲಿ “ಇದ್ದಷ್ಟು ದಿನ ನೋಡಪ್ಪಾ ಬಿಗ್ ಬಾಸ್. ನಿಮ್ಮ ಗಂಟೇನು ಹೋಗತ್ತೆ” ಅಂತೆಲ್ಲ ಮಾತಾಡಿದ್ದಾರೆ.
ಅವರ ಮಾತೆಂದರೆ ಹಾಗೆ ಎಲ್ಲರ ಮುಖದಲ್ಲೂ ನಗು ಬರುತ್ತದೆ. ಅವರ ಮುಂಡಾ ಮೋಚ್ತು ಡೈಲಾಗ್ ಇದೆಯಲ್ವ? ಅದನ್ನ ಕೇಳಿದ ಮನೆಯ ಸದಸ್ಯರೆಲ್ಲರೂ ಖುಷಿಯಾಗಿದ್ದಾರೆ. ಇನ್ನು ನರೇಂದ್ರ ಶರ್ಮಾ ಬಿಗ್ ಬಾಸ್ ಮನೆಗೆ ಬಂದವರೇ ಆಟವನ್ನು ಶುರು ಹಚ್ಚಿಕೊಳ್ಳಿ ಎಂದು ಬಿಗ್ ಬಾಸ್‌ಗೆ ಮನವಿ ಮಾಡಿದ್ದಾರೆ. ಇವರ ಎಂಟ್ರಿ ಸಸ್ಪೆನ್ಸ್ ಆಗಿದ್ದು ವೈಡ್ ಕಾರ್ಡ್ ಎಂಟ್ರಿ ತಗೊಂಡಿದ್ದಾರಾ ಅಥವಾ ಗೆಸ್ಟ್ ಆಗಿ ಬಂದಿದ್ದಾರಾ ಎಂಬ ಕುತೂಹಲ ಹಾಗೆಯೇ ಇತ್ತು.ನರೇಂದ್ರ ಬಾಬು ಶರ್ಮಾ ಅವರು ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಟ್ಟ ಕೂಡಲೇ ಮನೆಯ ಸದಸ್ಯರೆಲ್ಲರೂ ಕೂಡ ಫುಲ್ ಖುಷ್ ಆದ್ರು. ಬಾಗಿಲು ತೆಗೆದ ತಕ್ಷಣವೇ ಎಲ್ಲರೂ ಓಡಿಹೋಗಿ ವೆಲ್ಕಮ್ ಹೇಳಿದ್ದಾರೆ.
ಬಿಗ್ ಬಾಸ್ ಮನೆಯ ತುಂಬೆಲ್ಲ ಓಡಾಟವನ್ನ ನಡೆಸಿದ ನಂತರ ಅಯ್ಯೋ ಬಿಗ್ ಬಾಸ್ ನನ್ನ ಕೈಲಿ ಇನ್ನೂ ನಡೆಯೋಕೆ ಆಗೋದಿಲ್ಲ ಎಂದು ಹೇಳಿ , ಮನೆಯವರನ್ನೆಲ್ಲಾ ಸ್ಟ್ಯಾಚು ಮಾಡಿಬಿಡಿ ಎಂದು ಹೇಳಿದ್ದಾರೆ. ಇದಕ್ಕೆ ಬಿಗ್ ಬಾಸ್ ಏನು ರೆಸ್ಪಾನ್ಸ್ ಮಾಡದ್ದಕ್ಕೆ ನಾನು ಹೇಳಿದ್ದು ಕೇಳಿಸಲಿಲ್ವಾ ಎಂದು ಹೇಳುವ ಮೂಲಕ ಮನೆಯವರನ್ನೆಲ್ಲಾ ನಗಿಸಿದ್ದಾರೆ.ಒಟ್ಟಿನಲ್ಲಿ ಗುರೂಜಿಯ ಎಂಟ್ರಿಗೆ ಬಿಗ್ ಬಾಸ್ ಮನೆಮಂದಿ ಫುಲ್ ಖುಷ್ ಆಗಿರೋದ್ರ ಜತೆಗೆ ಬಿಗ್ ಬಾಸ್ ಅಭಿಮಾನಿಗಳಿಗೂ ಖುಷಿ ತಂದಿದೆ.ಗುರೂಜಿಯ ಒಂದೊಂದು ಡಯಲಾಗ್ಸ್‌ ಎಲ್ಲರನ್ನು ನಗೆಗಡಲಲ್ಲಿ ತೇಲಿಸುವಂತೆ ಮಾಡಿತ್ತು.
