ನ್ಯೂಸ್ ನಾಟೌಟ್: ಸುಳ್ಯದ ಅನ್ಸಾರಿಯಾ ಎಜ್ಯುಕೇಶನ್ ಸೆಂಟರ್ ನಲ್ಲಿ ನವೆಂಬರ್ 3, 4 ಮತ್ತು 5 ರಂದು ‘ಆರ್ಟ್ಸ್ ಎಲೈವ್ ಅನ್ಸಾರಿಯಾ ಕ್ಯಾಂಪಸ್ ಫೆಸ್ಟ್’ ಜರುಗಲಿದೆ ಎಂದು ಅನ್ಸಾರಿಯಾ ಎಜ್ಯುಕೇಶನ್ ಸೆಂಟರ್ ನ ಅಧ್ಯಾಪಕ ಅಡ್ವಕೇಟ್ ಅಬ್ದುಲ್ ಹಿಮಮಿ ಸಖಾಫಿ ಇಂದು ನಡೆದ ಪತ್ರಿಕಾಗೋಷ್ಟಿಯಲ್ಲಿ ತಿಳಿಸಿದರು.
ಬಳಿಕ ಮಾತನಾಡಿದ ಅವರು ನವೆಂಬರ್ 3 ಶುಕ್ರವಾರ ಜುಮಾ ನಮಾಜ್ ಮತ್ತು ಧ್ವಜಾರೋಹಣ ನಡೆಯಲಿದೆ . ಸಂಜೆ 4ಗಂಟೆಗೆ ರಾಜ್ಯ ಮಟ್ಟದ ಮುಹ್ಯುದ್ದೀನ್ ಮಾಲೆ ಆಲಾಪನೆ ಸ್ಪರ್ಧೆ ನಡೆಯಲಿದ್ದು, ನವೆಂಬರ್ 4ಮತ್ತು 5ರಂದು ಬೆಳಿಗ್ಗೆ 8 ರಿಂದ ರಾತ್ರಿ 10 ಗಂಟೆವರೆಗೆ ದಅವಾ, ಹಿಫ್‌ಳ್, ಮದರಸ ವಿದ್ಯಾರ್ಥಿಗಳ ಕಲಾ ಸಾಂಸ್ಕೃತಿಕ ಕಾರ್ಯಕ್ರಮ ಹಾಗೂ 260 ಪ್ರತಿಭೆಗಳನ್ನು ಒಳಗೊಂಡ ಉರ್ದು, ಮಲಯಾಳಂ,ಕನ್ನಡ,ಅರೆಬಿಕ್ ಕವನ ರಚನೆ ಸ್ಪರ್ಧೆ ಹಾಗೂ ಗಣ್ಯರ ಉಪಸ್ಥಿತಿ ಇರಲಿದೆ ಎಂದರು.
ಅನ್ಸಾರಿಯಾ ಎಜ್ಯುಕೇಶನ್ ಸೆಂಟರ್‌ನ ಅಧ್ಯಕ್ಷ ಅಬ್ದುಲ್ ಮಜೀದ್ ಜನತಾ ಕಾರ್ಯದರ್ಶಿ ಲತೀಫ್ ಹರ್ಲಡ್ಕ, ಕೋಶಾಧಿಕಾರಿ ಆದಂ ಹಾಕಿ ಕಮ್ಮಾಡಿ,ನಿರ್ದೇಶಕ ಕೆ.ಬಿ.ಇಬ್ರಾಹಿಂ, ಮ್ಯಾನೇಜರ್ ಮಹಮ್ಮದ್ ಉವೈಸ್ ಉಪಸ್ಥಿತರಿದ್ದರು.
