ನೀವು ದುಡ್ಡು ಬೆಳಿಯೋ ಮರ ನೋಡಿದ್ದೀರಾ? ಈ ಮರದ ಕೆಳಗೆ ಬೀಳುತ್ತೆ ಗರಿ ಗರಿಯಾದ ನೋಟುಗಳು..!ಏನಿದರ ರಹಸ್ಯ?ವಿಡಿಯೋ ನೋಡಿ

ನ್ಯೂಸ್ ನಾಟೌಟ್ :ಬಡತನದಲ್ಲಿ ಬೆಳೆದ ಮಕ್ಕಳಿಗೆ ಕಷ್ಟಗಳ ಬಗ್ಗೆ ಅರಿವಿರುತ್ತದೆ.ಜಾತ್ರೆ,ಸಂತೆಗಳಿಗೆ ಹೋದಾಗ ‘ಅಮ್ಮ ಅದು ಬೇಕು,ಇದು ತೆಗ್ದು ಕೊಡು’ ಅಂತ ಕೇಳಿದಾಗ ‘ದುಡ್ಡಿಲ್ಲ ಮಗ’ ಅಂತಿದ್ರು.ಆಗ ಒಮ್ಮೆ ಮನಸ್ಸಲ್ಲಿ ಒಂದು ಯೋಚನೆ ಬಂದಿರಬಹುದು.ಛೆ..ಮನೆ ಮುಂದೆ ದುಡ್ಡು ಬೆಳೆಯುವ ಮರ ಇರುತ್ತಿದ್ದರೆ..ನಮ್ಗೆ ಬೇಕಾದ ಆಟಿಕೆಗಳನ್ನೆಲ್ಲಾ ಖರೀದಿಸಬಹುದಾಗಿತ್ತು ಎಂದು.

ಆದರೆ ಇಲ್ಲೊಂದು ಕಡೆ ದೃಶ್ಯ ಕಂಡಾಗ,ಚಿಕ್ಕ ಮಕ್ಕಳ ಮನಸ್ಸಿನಲ್ಲಿ ಮೂಡಿದ ಕನಸಿಗೂ,ಈ ದೃಶ್ಯಕ್ಕೂ ಸಾಮಿಪ್ಯ ಇದೆಯೇನೋ ಅನ್ನಿಸುತ್ತಿದೆ.ಏಕೆಂದರೆ ಆ ಯುವಕ ಮರವನ್ನು ಕುಲುಕಿಸಿ ಹಣವನ್ನು ಹೆಕ್ಕುತ್ತಾನೆ.ಎರಡು ಮೂರು ಬಾರಿ ಮರವನ್ನು ಕುಲುಕಿಸಿದಷ್ಟು ಹಣ ಮರದಿಂದ ಕೆಳಗೆ ಉದುರುತ್ತಲೇ ಇರುತ್ತದೆ.

ಹೌದು,ಅದೊಂದು ನಗರ ಪ್ರದೇಶ. ರಸ್ತೆ‌ ಬದಿಯ ಫುಟ್‌ಪಾತ್‌ನಲ್ಲಿ ಜನ ಅತ್ತಿಂದಿತ್ತ ಓಡಾಡುತ್ತಿದ್ದಾರೆ.ಅದರ ಮಧ್ಯೆ ಹುಲುಸಾಗಿ ಬೆಳೆದ ಮರ. ಆ ಮರವನ್ನು ಯುವಕ ನಿಗೂಢವಾಗಿ ತೋರಿಸುತ್ತಾನೆ.ಆ ಬಳಿಕ ಯುವಕ ಆಗಮಿಸುತ್ತಾನೆ. ಮರದ ಬುಡಕ್ಕೆ ಬಂದ ಆತ ತುದಿಯನ್ನೊಮ್ಮೆ ವೀಕ್ಷಿಸಿ ಕಾಂಡಕ್ಕೆ ಕಾಲಿಂದ ಒಂದೇಟು ನೀಡುತ್ತಾನೆ. ಅಚ್ಚರಿ ಎಂಬಂತೆ ಆಗ ಮರದಿಂದ ನೋಟುಗಳು ಉದುರಲಾರಂಭಿಸುತ್ತವೆ. ಅವನು ಅದನ್ನೆಲ್ಲ ಕಲೆಕ್ಟ್‌ ಮಾಡಿ ಮತ್ತೊಮ್ಮೆ ಒದೆಯುತ್ತಾನೆ. ಮತ್ತಷ್ಟು ದುಡ್ಡು ಬೀಳುತ್ತದೆ. ಆತ ಸಂತಸದಿಂದ ಅದನ್ನೆಲ್ಲ ಹೆಕ್ಕಿಕೊಂಡು ಜೇಬಿಗಿಳಿಸಿ ಹೊರಡುತ್ತಾನೆ.

ಲಿಂಕ್ ಒತ್ತಿ ವಿಡಿಯೋ ವೀಕ್ಷಿಸಿ

https://www.instagram.com/p/Cx8svGlyERE/?utm_source=ig_embed&utm_campaign=embed_video_watch_again

ಮತ್ತೆ ಇರೋದೇ ಮಜಾ..!ಯುವಕ ದುಡ್ಡನ್ನು ಕಲೆಕ್ಟ್ ಮಾಡುತ್ತಲೇ ಇನ್ನೋರ್ವ ಯುವಕ ಫೋನ್‌ನಲ್ಲಿ ಮಾತನಾಡುತ್ತಿದ್ದ.ಹಣ ಅಂದ್ರೆ ಹೆಣವೂ ಬಾಯಿಬಿಡುತ್ತೆ ಅಂದ ಮೇಲೆ ಜೀವಂತ ವ್ಯಕ್ತಿ ಸುಮ್ನಿರುತ್ತಾನೆಯೇ? ಕುತೂಹಲದಿಂದ ನೋಡುತ್ತಿದ್ದ ಆತನಿಗೆ ಮರದ ಮೇಲಿನಿಂದ ದುಡ್ಡು ಎಲೆಯಂತೆ ಉದುರಿದಾಗ ಅಚ್ಚರಿಯಾಗಿತ್ತು.ಹಣ ಕಲೆಕ್ಟ್‌ ಮಾಡಿಕೊಂಡು ಮೊದಲ ಯುವಕ ಮರದ ಬುಡದಿಂದ ತೆರಳಿದಾಗ ಎರಡನೆ ಯುವಕ ನಿಧಾನವಾಗಿ ಅಲ್ಲಿಗೆ ಬರುತ್ತಾನೆ. ಬಳಿಕ ಎರಡೂ ಕೈಗಳಿಂದ ಮರವನ್ನು ಅಲುಗಾಡಿಸುತ್ತಾನೆ. ಆಗ ಅಚ್ಚರಿಯ ಘಟನೆ ನಡೆಯುತ್ತದೆ.

ಆದರೆ ಮರವನ್ನು ಅಲುಗಾಡಿಸುತ್ತಿದ್ದಂತೆ ಮೇಲಿನಿಂದ ನೀರು ಸುರಿಯತೊಡಗುತ್ತದೆ! ಆ ಯುವಕ ಪೂರ್ತಿ ನೆನೆಯುತ್ತಾನೆ. ಆಗ ಪ್ರಾಂಕ್‌ ಮಾಡುತ್ತಿರುವುದು ಆತನ ಗಮನಕ್ಕೆ ಬರುತ್ತದೆ. ಈ ವಿಡಿಯೊವನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಳ್ಳಲಾಗಿದ್ದು, 8 ಲಕ್ಷಕ್ಕೂ ಹೆಚ್ಚು ಮಂದಿ ವೀಕ್ಷಿಸಿದ್ದಾರೆ.ಈ ವಿಡಿಯೊವನ್ನು ನೋಡಿದ ಹಲವು ಮಂದಿ ನಕ್ಕು ನಕ್ಕು ಸುಸ್ತಾಗಿದ್ದಾರೆ. ಜತೆಗೆ ತಹೇವಾರಿ ಕಮೆಂಟ್‌ ಮಾಡಿದ್ದಾರೆ. ಒಟ್ಟಿನಲ್ಲಿ ಅತಿಯಾಸೆಯೇ ದುಃಖಕ್ಕೆ ಮೂಲ ಎನ್ನುವ ಮಾತು ಈ ವಿಡಿಯೊ ನೋಡಿದ ಬಳಿಕ ಅನೇಕರ ಮನಸ್ಸಲ್ಲಿ ಹೊಳೆದದ್ದು ಸುಳ್ಳಲ್ಲ.