ನ್ಯೂಸ್ ನಾಟೌಟ್‌: ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಬಿ.ಸಿ. ಟ್ರಸ್ಟ್‌ (ರಿ ) ಶಾಂತಿಗ್ರಾಮ ವತಿಯಿಂದ ಧರ್ಮಸ್ಥಳ ಕ್ಷೇತ್ರದ ಡಾ. ಡಿ. ವೀರೇಂದ್ರ ಹೆಗ್ಗಡೆಯವರ ಜನಮಂಗಲ ಕಾರ್ಯಕ್ರಮದಡಿಯಲ್ಲಿಅಸಹಾಯಕರಿಗೆ ಮತ್ತು ಅನಾರೋಗ್ಯ ಪೀಡಿತರಿಗೆ ವಿವಿಧ ವಸ್ತುಗಳನ್ನು ವಿತರಿಸಲಾಯಿತು.
ಎಸ್‌ಕೆಡಿಆರ್‌ಡಿಪಿ ಹಾಸನ ಜಿಲ್ಲೆಯ ನಿರ್ದೇಶಕಿ ಮಮತಾ ಹರೀಶ್ ರಾವ್, ಯೋಜನಾಧಿಕಾರಿ ನವೀನ್ ಎಂ. ಮತ್ತು ಮೇಲ್ವಿಚಾರಕ ರಮೇಶ್ ಅವರು ಫಲಾನುಭವಿಗಳಿಗೆ ವಿತರಿಸಿದರು.
ಸಾಲಗಾಮೆಯ ಬಾಲಕಿ ದಿವ್ಯಾ ಎಂಬಾಕೆಗೆ ಕೊಮೋಡ್ ಸಿಸ್ಟಮ್ ವ್ಹೀಲ್ ಛೇರ್ , ಶಾರದಮ್ಮ ಎಂಬವರಿಗೆ ಸಿಂಗಲ್ ಲೆಗ್ ವಾಕಿಂಗ್ ಸ್ಟಿಕ್ , ದೊಡ್ಡಗದ್ದವಳ್ಳಿಯ ಮಂಜಯ್ಯ ಅವರಿಗೆ ಸಿಂಗಲ್ ಲೆಗ್ ವಾಕಿಂಗ್ ಸ್ಟಿಕ್ , ಚಿಕ್ಕಗದ್ದವಳ್ಳಿಯ ನಿಂಗಮ್ಮ ಅವರಿಗೆ ವಾಟರ್ ಬೆಡ್ ಮತ್ತು ಕುಪ್ಪಳ್ಳಿಯ ಜವರಯ್ಯ ಅವರಿಗೆ ಸಿಂಗಲ್ ಲೆಗ್ ವಾಕಿಂಗ್ ಸ್ಟಿಕ್ ಮೊದಲಾದ ಪರಿಕರಗಳನ್ನು ವಿತರಿಸಲಾಯಿತು.
ಶಾಂತಿಗ್ರಾಮ ತಾಲೂಕಿನ ಮೂಲದುದ್ದ ನಿವಾಸಿ ಅಸಹಾಯಕ ಪರಿಸ್ಥಿತಿಯಲ್ಲಿರುವ ಶಿವಲಿಂಗೇಗೌಡ ಎಂಬವರಿಗೆ ಅಖಿಲ ಕರ್ನಾಟಕ ಜನಜಾಗೃತಿ ವೇದಿಕೆಯ ಮಾಜಿ ರಾಜ್ಯಾಧ್ಯಕ್ಷ ಸತೀಶ್ ಹೊನ್ನವಳ್ಳಿ ವೀಲ್‌ ಚೇರ್‌ ವಿತರಿಸಿದರು. ಧರ್ಮಗುರುಗಳಾದ ಪ್ಯಾಟ್ರಿಕ್ ಜೆ. ರಾವ್ , ಶ್ರೀ ಸಂಗಮೇಶ್ವರ ಮಹಾಸ್ವಾಮಿಗಳು ಮತ್ತಿತರರಿದ್ದರು.
