ನ್ಯೂಸ್ ನಾಟೌಟ್ : ಇಸ್ರೇಲ್- ಪ್ಯಾಲೆಸ್ಟೈನ್ (Isreal- Palestine) ನಡುವೆ ಯುದ್ಧ ಭೀಕರವಾಗಿದೆ.ಇದೀಗ ಇಸ್ರೇಲ್ನಲ್ಲಿ ಹಮಾಸ್ ಬಂಡುಕೋರರ ಅಟ್ಟಹಾಸಕ್ಕೆ ಮತ್ತೊಂದು ಸಾಕ್ಷ್ಯ ಸಿಕ್ಕಿದೆ. ಹಿಂದಿ ಕಿರುತೆರೆ ನಟಿ ಮಧುರಾ ನಾಯ್ಕ್ (Madhura Naik) ಕುಟುಂಬಸ್ಥರನ್ನು ಇಸ್ರೇಲ್ನಲ್ಲಿ ಹತ್ಯೆ ಮಾಡಲಾಗಿದೆ ಎಂಬ ವರದಿ ಲಭ್ಯವಾಗಿದೆ. ಈ ಬಗ್ಗೆ ಇನ್ಸ್ಟಾಗ್ರಾಮ್ನಲ್ಲಿ ನಟಿ ಮಧುರಾ ನಾಯ್ಕ್ ಮಾಹಿತಿ ಹಂಚಿಕೊಂಡಿದ್ದು, ನನ್ನ ಸಹೋದರಿ ಮತ್ತು ಆಕೆಯ ಪತಿಯನ್ನು ಹಮಾಸ್ (Hamas Terrorists) ಬಂಡೋಕೋರರು ಹತ್ಯೆ ಮಾಡಿದ್ದಾರೆ ಎಂದು ಬರೆದುಕೊಂಡಿದ್ದಾರೆ.
ನನ್ನ ಸಹೋದರಿ ಮತ್ತು ಆಕೆಯ ಪತಿಯನ್ನು ಹಮಾಸ್ (Hamas Terrorists) ಬಂಡೋಕೋರರು ಹತ್ಯೆ ಮಾಡಿದ್ದು, ಮಕ್ಕಳ ಎದುರೇ ಅವರನ್ನು ಕೊಲ್ಲಲಾಗಿದೆ ಎಂದು ನಟಿ ಮಧುರಾ ನಾಯಕ್ ಸೋಷಿಯಲ್ ಮೀಡಿಯಾದಲ್ಲಿ ಬರೆದುಕೊಂಡು ಕಣ್ಣೀರಿಟ್ಟ ಮನಕಲಕುವ ಘಟನೆ ನಡೆದಿದೆ.
ಇಸ್ರೇಲ್ – ಹಮಾಸ್ ನಡುವಿನ ಘೋರ ಯುದ್ಧದಿಂದಾಗಿ 2,400ಕ್ಕೂ ಅಧಿಕ ಮಂದಿ ಸಾವನ್ನಪ್ಪಿದ್ದು, ಯುದ್ಧದ ಭೀಕರತೆ, ಹೃದಯ ವಿದ್ರಾವಕ ದೃಶ್ಯಗಳು ಹಾಗೂ ದಾಳಿಯ ಚಿತ್ರಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.ಅದನ್ನ ಕಂಡು ನೆಟ್ಟಿಗರು ಆಘಾತ ವ್ಯಕ್ತಪಡಿಸುತ್ತಿದ್ದಾರೆ.ಇಸ್ರೇಲ್ ಮೇಲಿನ ದಾಳಿಯಿಂದಾಗಿ ‘ನಾಗಿನ್’ ಧಾರಾವಾಹಿಯಲ್ಲಿ ನಟಿಸಿದ್ದ ಮಧುರಾ ನಾಯ್ಕ್ ಅವರ ಕುಟುಂಬಸ್ಥರು ಜೀವ ಕಳೆದುಕೊಂಡಿದ್ದಾರೆ.
‘ನಾಗಿನ್’ ಧಾರಾವಾಹಿಯಿಂದ ಜನಪ್ರಿಯತೆ ಪಡೆದಿರುವ ನಟಿ ಮಧುರಾ ನಾಯ್ಕ್ ತಮ್ಮ ಸಹೋದರಿ (ಸೋದರ ಸಂಬಂಧಿ) ಹಾಗೂ ಬಾವ ಇಸ್ರೇಲ್ ಯುದ್ಧದಲ್ಲಿ ಭೀಕರವಾಗಿ ಕೊಲೆಯಾಗಿದ್ದಾರೆ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ.
ಪೋಸ್ಟ್‌ನಲ್ಲೇನಿದೆ?
‘’ ನನ್ನ ತಂಗಿ ಮತ್ತು ಆಕೆಯ ಪತಿಯನ್ನು ಅವರ ಮಕ್ಕಳ ಎದುರೇ ಪ್ಯಾಲೆಸ್ತೀನ್ ಭಯೋತ್ಪಾದಕರು ಬರ್ಬರವಾಗಿ ಹತ್ಯೆಗೈದಿದ್ದಾರೆ. ತಂಗಿ ಮತ್ತು ಬಾವ ಭಾನುವಾರ ಶವವಾಗಿ ಪತ್ತೆಯಾಗಿದ್ದಾರೆ.ಭಯೋತ್ಪಾದಕ ದಾಳಿಯಲ್ಲಿ ನಮ್ಮ ಪ್ರೀತಿಯ ಸೋದರಿ ಮತ್ತು ಕುಟುಂಬ ದುರಂತ ಅಂತ್ಯ ಕಂಡಿದೆ.ಅವಳ ಪ್ರೀತಿ ಯಾವತ್ತಿಗೂ ನೆನಪಿನಲ್ಲಿ ಉಳಿಯುತ್ತದೆ. ನಮ್ಮ ಪ್ರಾರ್ಥನೆಗಳಲ್ಲಿ ಅವಳು ಹಾಗೂ ಎಲ್ಲಾ ಸಂತ್ರಸ್ತರೂ ಇರುತ್ತಾರೆ. ಅವಳ ಆತ್ಮಕ್ಕೆ ಶಾಂತಿ ಸಿಗಲಿ’’ ಎಂದು ಹೇಳಿದ್ದಾರೆ.
“ಈ ಸಂಕಷ್ಟದ ಸಮಯದಲ್ಲಿ ದಯವಿಟ್ಟು ನಮ್ಮೊಂದಿಗೆ ಮತ್ತು ಇಸ್ರೇಲ್ ಜನರೊಂದಿಗೆ ನಿಲ್ಲಿ. ಜನರು ಈ ಭಯೋತ್ಪಾದಕರ ನೈಜತೆಯನ್ನು ಮತ್ತು ಅವರು ಎಷ್ಟು ಅಮಾನವೀಯರಾಗಿದ್ದಾರೆ ಎಂಬುದನ್ನು ನೋಡುವ ಸಮಯ.ನನ್ನ ಹೃದಯ ಛಿದ್ರಗೊಂಡಿದೆ’’ ಎಂದು ‘ನಾಗಿನ್’ ಖ್ಯಾತಿಯ ನಟಿ ಮಧುರಾ ನಾಯ್ಕ್ ಇನ್ಸ್ಟಾಗ್ರಾಮ್ನಲ್ಲಿ ಭಾವುಕ ಪೋಸ್ಟ್ ಹಂಚಿಕೊಂಡಿದ್ದಾರೆ.
