ನ್ಯೂಸ್ ನಾಟೌಟ್ : ಸದಾ ಒಂದಿಲ್ಲೊಂದು ವಿಚಾರದಲ್ಲಿ ತನ್ನ ಉಡುಗೆ ತೊಡುಗೆಯ ವಿಚಿತ್ರ ಫ್ಯಾಷನ್’ನಿಂದಲೇ ಸುದ್ದಿಯಾಗುತ್ತಿರುವ ಉರ್ಫಿ ಜಾವೇದ್ ಹೊಸ ಸೋಶಿಯಲ್ ಮೀಡಿಯಾ ಪೋಸ್ಟ್ ಸಂಚಲನ ಮೂಡಿಸಿವೆ. ಈ ಚಿತ್ರಗಳಲ್ಲಿ ನಟಿ ಹೊಸ ನಮೂನೆಯ, ಚಿತ್ರ ವಿಚಿತ್ರ ಉಡುಗೆ ಧರಿಸಿ ಕಾಣಿಸಿಕೊಂಡಿಲ್ಲ.
ಆದರೆ ಪೂಜೆ ಮಾಡುತ್ತಿರುವುದು ಕಂಡುಬಂದಿದೆ. ನಟಿಯ ಪಕ್ಕದಲ್ಲಿ ಯುವಕನೊಬ್ಬ (ಮುಖಕ್ಕೆ ಹಾರ್ಟ್ ಇಮೋಜಿ ಹಾಕಲಾಗಿದೆ) ಕುಳಿತಿದ್ದಾನೆ.ಈ ಫೋಟೋದಲ್ಲಿ ಉರ್ಫಿ ಜಾವೇದ್ ನೀಲಿ ಬಣ್ಣದ ಸೂಟ್ ಧರಿಸಿದ್ದಾರೆ. ತಲೆಯ ಮೇಲೆ ಸ್ಕಾರ್ಫ್ ಮತ್ತು ಹಣೆಯಲ್ಲಿ ತಿಲಕವಿದೆ, ಈ ವಿಚಾರವು ಹಿಂದೂ ಯುವಕನ ಜೊತೆ ನಿಶ್ಚಿತಾರ್ಥ ಆಗಿದ್ದಾರೆ ಎನ್ನಲಾಗಿದೆ.
ಉರ್ಫಿ ಜಾವೇದ್ ಮತ್ತು ಈ ವ್ಯಕ್ತಿ ಒಟ್ಟಿಗೆ ಪೂಜೆ ಮಾಡುತ್ತಿರುವುದನ್ನು ಫೋಟೋದಲ್ಲಿ ನೋಡಬಹುದಾಗಿದೆ. ಈ ಫೋಟೋವನ್ನು ನೋಡಿದ ಸೋಶಿಯಲ್ ಮೀಡಿಯಾ ಬಳಕೆದಾರರು ಉರ್ಫಿ ಜಾವೇದ್ ಹಿಂದೂ ಸಂಪ್ರದಾಯಗಳನ್ನು ಅನುಸರಿಸುತ್ತಿದ್ದಾರೆಯೇ? ಎಂದು ಅನುಮಾನ ವ್ಯಕ್ತಪಡಿಸಿದ್ದಾರೆ.
