ನ್ಯೂಸ್ ನಾಟೌಟ್: ವಕೀಲರ ಬಗ್ಗೆ ಆಕ್ಷೇಪಾರ್ಹವಾಗಿ ಬೆಳ್ತಂಗಡಿ ಶಾಸಕ ಹರೀಶ್ ಪೂಂಜಾ ಮಾತನಾಡಿದ್ದಾರೆಂದು ವಕೀಲರ ಸಂಘದಿಂದ ಖಂಡನಾ ಪತ್ರವನ್ನು ಕಳುಹಿಸಲಾಗಿದೆ.
ಖ್ಯಾತ ವಕೀಲರಾದ ಬಿಎಂ ಭಟ್ ಮತ್ತು ಶ್ರೀಕಾಂತ್ ವಕೀಲರ ಸಂಘಕ್ಕೆ ದೂರು ನೀಡಿದ್ದರು. ಈ ಹಿನ್ನೆಲೆಯಲ್ಲಿ ಇದೀಗ ವಕೀಲರ ಸಂಘ ನಿರ್ಣಯಕೈಗೊಂಡು ಖಂಡನಾ ಪತ್ರವನ್ನು ಕಳುಹಿಸಿಕೊಟ್ಟಿದೆ. ಇತ್ತೀಚಿಗೆ ನಡೆದ ಪತ್ರಿಕಾಗೋಷ್ಟಿಯಲ್ಲಿ ಹರೀಶ್ ಪೂಂಜಾ ವಕೀಲರ ಬಗ್ಗೆ ಆಕ್ಷೇಪಾರ್ಹ ಪದವನ್ನು ಬಳಸಿದ್ದಾರೆಂದು ಆರೋಪಿಸಲಾಗಿದೆ.
ಹರೀಶ್ ಪೂಂಜಾ ವಕೀಲರೇ ಆಗಿದ್ದಾರೆ. ಹೀಗಿದ್ದರೂ ವಕೀಲರ ಬಗ್ಗೆ ಅವರು ನೀಡಿರುವ ಹೇಳಿಕೆ ಅತ್ಯಂತ ಖಂಡನೀಯವಾಗಿದೆ. ಇದು ಅವರ ಶಾಸಕ ಸ್ಥಾನಕ್ಕೆ ಗೌರವ ತರುವಂತಹದ್ದಲ್ಲ ಎಂದು ದೂರಿನಲ್ಲಿ ತಿಳಿಸಲಾಗಿದೆ.
