ನ್ಯೂಸ್ ನಾಟೌಟ್ :ಪ್ರಾಣಿಗಳನ್ನು ಸಾಕಿದ್ರೆ ಅವುಗಳು ತೋರಿಸುವ ಪ್ರೀತಿ ಮುಂದೆ ಕೆಲವೊಮ್ಮೆ ಮನುಷ್ಯರೇ ಸಣ್ಣವರಾಗುತ್ತಾರೆ.ಹೌದು, ಇಲ್ಲೊಂದು ಸಾಕು ಆನೆಯನ್ನು ನೋಡಿದ್ರೆ ನಿಮ್ಗೂ ಆಶ್ಚರ್ಯ ಆಗುತ್ತೆ.
ಮಾವುತರ ಜತೆ ಉತ್ತಮ ಸಂಬಂಧವನ್ನು ಬೆಳೆಸಿಕೊಂಡ ಆನೆಯು ಮಾವುತ ಹೋಗದಂತೆ ಆನೆಯೊಂದು ಆತನನ್ನು ತಡೆಯುವ ಈ ದೃಶ್ಯ ಅನೇಕರ ಗಮನ ಸೆಳೆದಿದೆ.ಮಾವುತ ಬೈಕ್‌ನಲ್ಲಿ ಹೊರಟಾಗ ಹೋಗದಂತೆ ತನ್ನ ಸೊಂಡಿಲು ಬಳಸಿ ತಡೆಯುವ ದೃಶ್ಯ (Viral Video) ನೋಡಿದರೆ ಎಂಥವರ ಮನಸ್ಸಾದರೂ ತುಂಬಿ ಬರುತ್ತದೆ.
ಈ ಹೃದಯಸ್ಪರ್ಶಿ ವಿಡಿಯೊವನ್ನು ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದ್ದು ಭಾರಿ ವೈರಲ್ ಆಗಿದೆ. ಇಂಡಿಯನ್‌ ರೈಲ್ವೆ ಅಕೌಂಟ್ಸ್‌ ಸರ್ವೀಸ್‌ (IRAS) ಅಧಿಕಾರಿ ಅನಂತ್‌ ರೂಪನಗುಡಿ,ʼಆನೆ ಮತ್ತು ಮಾವುತನ ಸಂಬಂಧ,ಆನೆ ಆತನನ್ನು ಹೋಗಲು ಬಿಡುತ್ತಿಲ್ಲʼ ಎಂದು ಬರೆದುಕೊಂಡಿದ್ದಾರೆ.
ರಸ್ತೆಯೊಂದರಲ್ಲಿ ಆನೆ ಮಾವುತ ತನ್ನ ಸ್ನೇಹಿತನೊಂದಿಗೆ ಬೈಕ್‌ವೊಂದನ್ನು ಹತ್ತಿ ಹೊರಡಲು ಸಿದ್ಧವಾಗಿರುತ್ತಾನೆ.ಈ ವೇಳೆ ಓಡಿ ಬಂದ ಆನೆ ಮಾವುತನನ್ನು ಹೋಗದಂತೆ ತಡೆದಿದೆ. ಮಾವುತ ಹೋಗೋದಕ್ಕೆ ಎಷ್ಟೇ ಪ್ರಯತ್ನ ಪಟ್ಟರೂ ಆನೆ ಮಾತ್ರ ಅಪ್ಪಿಕೊಂಡು ಹೋಗಬೇಡ ಪ್ಲೀಸ್ ಎನ್ನುತ್ತಿದೆ..!
ಆನೆ ತನ್ನ ಸೊಂಡಿಲು ಬಳಸಿ ಬೈಕ್‌ನಲ್ಲಿ ಕುಳಿತುಕೊಂಡ ಮಾವುತನನ್ನು ಸೀಟ್‌ನಿಂದ ಕೆಳಗೆ ಇಳಿಸುತ್ತದೆ. ಆತನನ್ನು ಕರೆದುಕೊಂಡು ಹೋಗಲು ತನ್ನ ಬಾಲದ ಸಹಾಯವನ್ನೂ ಆನೆ ಪಡೆದುಕೊಳ್ಳುತ್ತದೆ. ಆತನಿಗೆ ನೋವಾಗದಂತೆ ಆನೆ ಸೊಂಡಿಲಿನಿಂದ ಎಳೆದುಕೊಂಡು ಹೋಗುವ ದೃಶ್ಯ ನೋಡುಗರನ್ನೇ ಅಚ್ಚರಿ ಮೂಡಿಸುವಂತೆ ಮಾಡಿದೆ.
ಕೊನೆಗೆ ಆತನೊಬ್ಬನೇ ಬೈಕ್‌ನಲ್ಲಿ ಕುಳಿತು ಕೊಂಡು ಹೋಗಲು ಪ್ರಯತ್ನಿಸುತ್ತಾನೆ. ಆದರೂ ಆನೆ ಮಾತ್ರ ಕೇಳೋದೇ ಇಲ್ಲ.ಅಲ್ಲಿಂದಲೂ ಇಳಿಸಿಯೇ ಬಿಡುತ್ತದೆ.ಒಟ್ಟಿನಲ್ಲಿ ಮಾವುತ ಎಲ್ಲೂ ಹೋಗಂಗಿಲ್ಲ.ಅದರ ಜತೆಗೆ ಇರಬೇಕು ಅಷ್ಟೇ ಅದರ ಉದ್ದೇಶ.ಸೆಪ್ಟಂಬರ್‌ 27ರಂದು ಈ ವಿಡಿಯೋವನ್ನು ಪೋಸ್ಟ್‌ ಮಾಡಲಾಗಿದೆ. ಈ ವಿಡಿಯೊವನ್ನು ಅಧಿಕ ಮಂದಿ ವೀಕ್ಷಿಸಿದ್ದಾರೆ. ಅನೇಕರು ಕಾಮೆಂಟ್‌ ಮೂಲಕ ತಮ್ಮ ಮೆಚ್ಚುಗೆ ಸೂಚಿಸಿದ್ದಾರೆ.ಇದಕ್ಕೆ ನೆಟ್ಟಿಗರು ನಾನಾ ರೀತಿಯಲ್ಲಿ ಪ್ರತಿಕ್ರಿಯಿಸಿದ್ದಾರೆ.
