ನ್ಯೂಸ್ ನಾಟೌಟ್‌: ತಾಯಿ ತನ್ನ ಮಕ್ಕಳಿಗೆ ಎದೆ ಹಾಲು ಕುಡಿಸೋದು ಸಹಜ. ಆದರೆ, ಅಮೆರಿಕದ ತಾಯಿಯೊಬ್ಬರು ಮಕ್ಕಳ ಜೊತೆ ತನ್ನ ಗಂಡನಿಗೂ ಮೊಲೆಯುಣಿಸುತ್ತಿದ್ದಾರೆ. ಕಳೆದ 7 ವರ್ಷಗಳಿಂದ ಈಕೆ ತನ್ನ ಗಂಡನಿಗೆ ಪ್ರತಿ ದಿನ ಎದೆ ಹಾಲು ಕುಡಿಸುತ್ತಿದ್ದಾರೆ ಎನ್ನಲಾಗಿದೆ.
ಈ ತಾಯಿಯ ಹೆಸರು ರಾಚೆಲ್ ಬೈಲಿ. ಈಕೆಗೆ 30 ವರ್ಷ. ಈಕೆಯ ಗಂಡ ಅಲೆಕ್ಸಾಂಡರ್‌ಗೂ 30 ವರ್ಷ. 2016ರಲ್ಲಿ ಈಕೆ ಮೊದಲ ಬಾರಿಗೆ ತನ್ನ ಪತಿಗೆ ಮೊಲೆಯುಣಿಸಿದರಂತೆ. ಅಂದಿನಿಂದ ಇಂದಿನವರೆಗೂ ಈ ಪರಿಪಾಠ ಪ್ರತಿ ದಿನವೂ ನಡೆದು ಬರುತ್ತಿದೆ ಎನ್ನತ್ತಾರೆ.
ಮೊದಲು ಮಕ್ಕಳಿಗೆ ಹಾಲುಣಿಸಿದ ನಂತರವೇ ಮಿಕ್ಕ ಹಾಲನ್ನು ಪತಿಗೆ ಕುಡಿಸುತ್ತೇನೆ ಎನ್ನುತ್ತಾರೆ ರಾಚೆಲ್. ಈಕೆಯ ಪ್ರತಿ ಪ್ರತಿ ಮೊಲೆಯಲ್ಲೂ ಕನಿಷ್ಟ 5 ನಿಮಿಷ ಹಾಲು ಸೇವನೆ ಮಾಡುತ್ತಾರಂತೆ. ಇಷ್ಟಲ್ಲಾ ಹೇಳಿದ ಬಳಿಕ ತಮ್ಮ ಈ ಪರಿಪಾಠ ತಪ್ಪಲ್ಲ ಎಂಬ ಸಂದೇಶವನ್ನೂ ರಾಚೆಲ್ ಹಾಗೂ ಅಲೆಕ್ಸಾಂಡರ್ ದಂಪತಿ ನೀಡುತ್ತಾರೆ.
ಈ ದಂಪತಿಗೆ ಮೊದಲ ಮಗು ಆದಾಗ ತಾಯಿ ತನ್ನ ಮಗುವಿಗೆ ಮೊಲೆಯುಣಿಸಿದರು. ಆದರೆ, ಮಗು ಸ್ವಲ್ಪ ಪ್ರಮಾಣದ ಹಾಲನ್ನು ಮಾತ್ರ ಕುಡಿಯುತ್ತಿತ್ತು. ಬಹುತೇಕ ಹಾಲು ಮೊಲೆಯಲ್ಲೇ ಉಳಿದು ಹೋಗುತ್ತಿತ್ತು. ಇದರಿಂದ ಸೋಂಕು ಉಂಟಾಗಬಹುದು ಎಂದು ದಂಪತಿ ಆತಂಕಗೊಂಡಿದ್ದರು. ಈ ವೇಳೆ ವೈದ್ಯರು ಕೃತಕವಾಗಿ ಹಾಲನ್ನು ಹೊರ ತೆಗೆಯುವ ಪಂಪ್ ರೀತಿಯ ಸಾಧನವನ್ನು ನೀಡಿದರಂತೆ. ಆದರೆ, ಇದರಿಂದ ಹಲವು ಸಮಸ್ಯೆಗಳು ಎದುರಾದವು. ಮೊಲೆಯಲ್ಲಿ ನೋವು ಕಾಣಿಸಿಕೊಂಡಿತು. ಜೊತೆಗೆ ಸ್ತನ ಸೋಂಕು ಕೂಡಾ ಉಂಟಾಯ್ತು. ಹೀಗಾಗಿ ರಾಚೆಲ್, ತನ್ನ ಪತಿಗೆ ಎದೆ ಹಾಲು ಕುಡಿಯಲು ಹೇಳಿದಂತೆ. ಅಂದು ಮೊದಲ ಬಾರಿಗೆ ಈ ಪರಿಪಾಠ ಆರಂಭಿಸಿದ ಅಲೆಕ್ಸಾಂಡರ್, ನಂತರ ಇದನ್ನು ಪ್ರತಿ ದಿನದ ಹವ್ಯಾಸ ಮಾಡಿಕೊಂಡರು ಎನ್ನುತ್ತಾರೆ.
ಗಂಡನಿಗೆ ತನ್ನ ಎದೆ ಹಾಲು ಉಣಿಸುವಾಗ ಆತನ ಜೊತೆ ಆತ್ಮೀಯ ಕ್ಷಣಗಳನ್ನು ಕಳೆಯುತ್ತೇನೆ ಎನ್ನುತ್ತಾರೆ ರಾಚೆಲ್. ಪ್ರತಿ ದಿನ ತನ್ನ ಪತ್ನಿಯ ಮೊಲೆ ಹಾಲು ಕುಡಿಯುವ ಕಾರಣ ಅಲೆಕ್ಸಾಂಡರ್‌ಗೆ ರೋಗ ನಿರೋಧಕ ಶಕ್ತಿ ಹೆಚ್ಚಾಗಿದೆಯಂತೆ. ಕಳೆದ ಎರಡು ವರ್ಷಗಳಿಂದ ಅವರಿಗೆ ಸಾಮಾನ್ಯ ಶೀತವೂ ಆಗಿಲ್ಲ ಎನ್ನುತ್ತಾರೆ.
ಇನ್ನು ಹಸುವಿನ ಹಾಲು ಕುಡಿಯುತ್ತಿದ್ದ ಅಲೆಕ್ಸಾಂಡರ್‌ಗೆ ತನ್ನ ಪತ್ನಿಯ ಮೊಲೆ ಹಾಲು ವಿಶೇಷ ರುಚಿಯ ಅನುಭವ ನೀಡುತ್ತಿದೆಯಂತೆ. ಮತ್ತಷ್ಟು ಕುಡಿಯಬೇಕು ಅನ್ನೋ ಬಯಕೆ ಮೂಡುತ್ತಿದೆಯಂತೆ.
ರಾಚೆಲ್ ಅವರ ಮೊಲೆ ಹಾಲಿನಲ್ಲಿ ಇರುವ ಪೌಷ್ಠಿಕಾಂಶಗಳು ಆಕೆಯ ಪತಿ ಅಲೆಕ್ಸಾಂಡರ್‌ಗೆ ಹೆಚ್ಚಿನ ಪ್ರಮಾಣದಲ್ಲಿ ಸಿಗುತ್ತಿದೆ. ಇದರಲ್ಲಿ ತಪ್ಪೇನಿದೆ ಎಂದು ರಾಚೆಲ್ ಪ್ರಶ್ನಿಸುತ್ತಾರೆ. ‘ನಮಗೆ ಈಗ ಮೂವರು ಮಕ್ಕಳು. ನನ್ನ ಮೊದಲ ಮಗನಿಗೆ 7 ವರ್ಷ ವಯಸ್ಸು. ನನ್ನ ಮೊದಲ ಮಗ ಹುಟ್ಟಿದಾಗ ನನ್ನ ಪತಿ ನನ್ನ ಮೊಲೆ ಹಾಲು ಕುಡಿಯುವ ಪರಿಪಾಠ ಶುರುವಾಯ್ತು. ಈಗಲೂ ಕೂಡಾ ಮುಂದುವರೆಸಿದ್ದೇವೆ. ನನ್ನ ಕೊನೆಯ ಮಗುವಿಗೆ ಈಗ ಮೊಲೆಯುಣಿಸುತ್ತಿದ್ದೇನೆ. ಅದರ ಸರದಿ ಮುಗಿದ ಕೂಡಲೇ ಗಂಡನನ್ನು ಕರೆದು ಅವರಿಗೆ ಮೊಲೆ ಹಾಲು ಕುಡಿಯಲು ಹೇಳುತ್ತೇನೆ’ ಎಂದು ಪತ್ನಿ ರಾಚೆಲ್ ಹೇಳಿಕೊಂಡಿದ್ದಾರೆ.
ಆದರೆ, ಈ ದಂಪತಿಯ ನಡೆಯನ್ನು ಹಲವರು ಟೀಕಿಸುತ್ತಾರೆ. ಅಮೆರಿಕದ ಫ್ಲೋರಿಡಾದಲ್ಲಿ ನೆಲೆಸಿರುವ ದಂಪತಿಯ ನೆರೆ ಹೊರೆಯ ಮನೆಯವರು ಈ ಜೋಡಿಯನ್ನು ವಿಚಿತ್ರವಾಗಿ ನೋಡುತ್ತಾರಂತೆ. ಆರಂಭದಲ್ಲಿ ಬೆಳಗಿನ ಉಪಹಾರ, ಮಧ್ಯಾಹ್ನದ ಊಟ ಹಾಗೂ ರಾತ್ರಿಯ ಊಟದ ವೇಳೆ ದಿನಕ್ಕೆ ಮೂರು ಬಾರಿ ಪತಿಗೆ ಮೊಲೆಯುಣಿಸುತ್ತಿದ್ದಂತೆ. ಆದರೆ, ಈಗ ರಾಚೆಲ್ ಅವರ ಮೊಲೆ ಹಾಲು ಉತ್ಪಾದನೆ ಕಡಿಮೆ ಆಗಿರುವ ಹಿನ್ನೆಲೆಯಲ್ಲಿ ರಾತ್ರಿ ವೇಳೆ ಮಾತ್ರ ಪತಿಗೆ ಮೊಲೆ ಹಾಲು ನೀಡುತ್ತಾರೆ ಎಂದು ವರದಿ ತಿಳಿಸಿದೆ.
