ನ್ಯೂಸ್ ನಾಟೌಟ್ : ಕೆಲವೊಂದು ಸಲ ದಾರಿಯಲ್ಲಿ ಹೋಗುತ್ತಿದ್ದಾಗ ನಾಯಿಯನ್ನೇ ನೋಡಿ ಭಯ ಪಡುತ್ತೇವೆ.ಅಂಥದ್ರಲ್ಲಿ ಸಿಂಹ ಕಣ್ಣೆದುರಿಗೆ ಬಂದ್ರೆ ಹೇಗನಿಸಬೇಡ.ಆದರೆ ಇಲ್ಲೊಂದು ಕಡೆ ಕಾಡಿನ ರಾಜನಾಗಿರುವ ಸಿಂಹ ಹಗಲು ಹೊತ್ತಿನಲ್ಲಿಯೇ ನಗರದ ಜನನಿಬಿಡ ರಸ್ತೆಗಳಲ್ಲಿ ರಾಜಗಾಂಭೀರ್ಯದಿಂದ ವಾಹನಗಳ ಮಧ್ಯೆಯೇ ಅತ್ತಿಂದಿತ್ತ ಓಡಾಡುತ್ತದೆ.ಆದರೂ ಜನ ಮಾತ್ರ ಕ್ಯಾರೆ ಅನ್ನದೇ ಹೆಜ್ಜೆಯಿಡುತ್ತಾರೆ.ಈ ದೃಶ್ಯ ಸಂಜೆ ಪಾಕಿಸ್ತಾನದ ಕರಾಚಿಯಲ್ಲಿ ಈ ಕಂಡು ಬಂದಿದೆ.
ಪಾಕಿಸ್ತಾನದ ಕರಾಚಿಯ ಶರಿಯಾ ಫೈಸಲ್ ನಗರದ ಜನನಿಬಿಡ ರಸ್ತೆಗಳಲ್ಲಿ ಮಂಗಳವಾರ ಸಂಜೆ ಸಿಂಹವೊಂದು ಅನಿರೀಕ್ಷಿತವಾಗಿ ಕಾಣಿಸಿಕೊಂಡಿದೆ. ಸಿಂಹವೊಂದು ರಸ್ತೆಯ ಪಕ್ಕದ ಕಾಲುದಾರಿಯಲ್ಲಿ ಅಡ್ಡಾಡುತ್ತಿತ್ತು. ಈ ದೃಶ್ಯ ಪಕ್ಕದ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಕೆಲವು ದಾರಿಹೋಕರು ಸಿಂಹವನ್ನು ಗಮನಿಸದೆ ಅದರ ಪಕ್ಕದಲ್ಲಿ ನಡೆಯುತ್ತಿದ್ದರು. ಸ್ವಲ್ಪ ಸಮಯದ ನಂತರ ಕೆಲವರು ಗಮನಿಸಿದ್ದಾರೆ.ಸಿಂಹವನ್ನು ನೋಡಲೆಂದೇ ಗುಂಪುಗಳಲ್ಲಿ ಜನ ದೌಡಾಯಿಸಿದ್ದಾರೆ.
ಆದರೂ ಸಿಂಹ ಯಾರಿಗೂ ಯಾವುದೇ ರೀತಿಯ ಹಾನಿಯನ್ನು ಮಾಡಿಲ್ಲವೆಂದು ತಿಳಿದು ಬಂದಿದೆ.ತನ್ನ ಪಾಡಿಗೆ ತಾನು ಹೆಜ್ಜೆ ಹಾಕುತ್ತಿದ್ದ ದೃಶ್ಯವನ್ನು ನೀವು ಕಾಣಬಹುದಾಗಿದೆ.ಸ್ಥಳದಲ್ಲಿ ನೆರೆದ ಅಷ್ಟೂ ಜನರು ಈ ದೃಶ್ಯ ನೋಡಿ ಆಶ್ಚರ್ಯಚಕಿತರಾದರು.
ಮಾಹಿತಿ ಪಡೆದ ಪೊಲೀಸರು ಸಿಂಹವನ್ನು ಸೆರೆಹಿಡಿಯಲೆಂದು ಸ್ಥಳಕ್ಕೆ ಧಾವಿಸಿದರು. ಸಿಂಹವನ್ನು ವಾಹನದಲ್ಲಿ ಸಾಗಿಸುವಾಗ ಆಕಸ್ಮಿಕವಾಗಿ ರಸ್ತೆಗೆ ಪ್ರವೇಶಿಸಿದೆ ಎಂದು ಪೊಲೀಸ್ ತನಿಖೆಯಿಂದ ತಿಳಿದು ಬಂದಿದೆ. ಒಂದು ಗಂಟೆ ಕಾಲ ಶ್ರಮವಹಿಸಿ ಸಿಂಹವನ್ನು ಹೇಗೋ ರಕ್ಷಿಸಲಾಯಿತು. ಅದನ್ನು ಸಾಗಿಸುತ್ತಿದ್ದ ವಾಹನದ ಚಾಲಕನನ್ನೂ ಪೊಲೀಸರು ವಶಕ್ಕೆ ಪಡೆದಿದ್ದಾರೆ ಎಂದು ತಿಳಿದು ಬಂದಿದೆ.
