ನ್ಯೂಸ್ ನಾಟೌಟ್: ನಟಿ ತನ್ನ ಸಿನಿ ಜೀವನದಲ್ಲಿ ಆದ ಕೆಟ್ಟ ಅನುಭವಗಳನ್ನು ಹಂಚಿಕೊಂಡಿದ್ದಾರೆ. ಒಮ್ಮೆ ತಾನು ಉಳಿದುಕೊಂಡಿದ್ದ ಹೋಟೆಲ್ ಕೋಣೆಯಲ್ಲಿ ಹಿಡನ್ ಕ್ಯಾಮೆರಾ ಅಳವಡಿಸಲಾಗಿತ್ತು ಎಂದು ನಟಿ ಕೃತಿ ಖರ್ಬಂದಾ ಸ್ಪೋಟಕ ಹೇಳಿಕೆ ನೀಡಿದ್ದಾರೆ.
ಈ ವಿಷಯವನ್ನು ಕೃತಿ ಸಂದರ್ಶನವೊಂದರಲ್ಲಿ ಬಹಿರಂಗಪಡಿಸಿದ್ದು, ಈಗ ತಾನು ಹೋಟೆಲ್‌ನಲ್ಲಿ ತಂಗಿದಾಗಲೆಲ್ಲಾ, ತಾನು ಮತ್ತು ತನ್ನ ತಂಡವು ಕೋಣೆಯಲ್ಲಿ ಹಿಡನ್ ಕ್ಯಾಮೆರಾ ಅಳವಡಿಸಲಾಗಿದೆಯೇ ಎಂದು ಪರಿಶೀಲಿಸುತ್ತೇವೆ ಎಂದು ಕೃತಿ ಹೇಳಿದ್ದಾರೆ.
ಕನ್ನಡ ಸಿನಿಮಾವೊಂದರ ಶೂಟಿಂಗ್ ವೇಳೆ ಇಂತಹದ್ದೊಂದು ಘಟನೆ ನಡೆದಿದೆ. ಹೋಟೆಲ್ ಸಿಬ್ಬಂದಿಯೊಬ್ಬರು ನನ್ನ ಕೋಣೆಯಲ್ಲಿ ರಹಸ್ಯವಾಗಿ ಕ್ಯಾಮರಾ ಅಳವಡಿಸಿದ್ದರು. ನನ್ನ ತಂಡ ಮತ್ತು ನಾನು ಕೊಠಡಿಯನ್ನು ಪರಿಶೀಲಿಸಿದಾಗ, ನಾವು ಆ ಕ್ಯಾಮೆರಾ ನೋಡಿದ್ದೇವೆ. ಆ ಹುಡುಗ ಇದರಲ್ಲಿ ನಿಪುಣನಲ್ಲ, ಹಾಗಾಗಿ ಅವನು ಕ್ಯಾಮೆರಾವನ್ನು ತುಂಬಾ ಕೆಟ್ಟದಾಗಿ ಅಳವಡಿಸಿದ್ದನು.
ನಾನು ಅದನ್ನು ನೋಡಿದೆ. ಕ್ಯಾಮೆರಾವನ್ನು ಸೆಟ್ ಟಾಪ್ ಬಾಕ್ಸ್ ಹಿಂದೆ ಮರೆಮಾಡಲಾಗಿತ್ತು. ಇದು ತುಂಬಾ ಅಪಾಯಕಾರಿ ಮತ್ತು ಅಂತಹ ಘಟನೆಗಳನ್ನು ತಪ್ಪಿಸಲು, ನೀವೂ ಎಚ್ಚರದಿಂದಿರುವುದು ಬಹಳ ಮುಖ್ಯ ಎಂದು ಕೃತಿ ಇತರ ನಟಿಯರಿಗೆ ಸಲಹೆ ನೀಡಿದ್ದಾರೆ.
ಕೃತಿಗೂ ಮುನ್ನ ದಿಯಾ ಮಿರ್ಜಾ ಕೂಡ ಸಂದರ್ಶನವೊಂದರಲ್ಲಿ ಇಂತಹ ಅನುಭವದ ಬಗ್ಗೆ ಮಾತನಾಡಿದ್ದರು. ತಾನು ಹೊಟೇಲ್‌ನಲ್ಲಿ ತಂಗಿದಾಗಲೆಲ್ಲ ಹಿಡನ್ ಕ್ಯಾಮೆರಾಗಳನ್ನು ಅಳವಡಿಸಲಾಗಿದೆಯೇ ಎಂದು ನೋಡಲು ಎಲ್ಲಾ ಕೊಠಡಿಗಳಲ್ಲಿ ಹುಡುಕುತ್ತೇನೆ ಎಂದು ಹೇಳಿದ್ದರು.
