ನ್ಯೂಸ್ ನಾಟೌಟ್ : ರಾಮನಗರ ತಾಲೂಕಿನ ಬಿಡದಿ ಬಳಿಯಿರುವ ವಂಡರ್ ಲಾ ಅಮ್ಯುಸ್ ಮೆಂಟ್ ಪಾರ್ಕ್‌ಗೆ (Ramanagara Wonderla Amusement Park) ತೆರಳಿದ್ದ ವ್ಯಕ್ತಿಯು, ಮೇಲಿಂದ ಬಿದ್ದು ಸಾವನ್ನಪ್ಪಿದ್ದ ಧಾರುಣ ಘಟನೆ ನಿನ್ನೆ(ಆ.21) ವರದಿಯಾಗಿದೆ.
ಜಡೇನಹಳ್ಳಿ ನಿವಾಸಿ ರಾಜು(35) ಮೃತ ದುರ್ದೈವಿ ಎಂದು ತಿಳಿದು ಬಂದಿದೆ. ಈ ಕುರಿತು ಬಿಡದಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿನೆ ನಡೆಸಿದ್ದಾರೆ.
ವಂಡರ್ಲಾ ವಾಟರ್‌ಪಾರ್ಕ್ ಎಂದರೆ ಸಣ್ಣ ಮಕ್ಕಳಿಂದ ಹಿಡಿದು ಯುವಕರ ವರೆಗೂ ಇಷ್ಟಪಡುವಂತಹ ವಾಟರ್‌ ಪಾರ್ಕ್ ಆಗಿದೆ. ಬಹಳಷ್ಟು ಜನರು ಫ್ಯಾಮಿಲಿ ಜೊತೆಗೆ ಅಥವಾ ಫ್ರೆಂಡ್ಸ್‌ ಜೊತೆಗೋ ವಂಡರ್‌ಲಾಗೆ ಹೋಗಿ ಎಂಜಾಯ್ ಮಾಡುತ್ತಾರೆ.ವಂಡರ್‌ಲಾವು ಒಂದು ಅದ್ಭುತ ತಾಣ ಎಂದರೆ ತಪ್ಪಲ್ಲ.
ಇದು ಸಣ್ಣ ಕ್ಷಣಗಳನ್ನು ಆಚರಿಸಲು ಮತ್ತು ಜಲಕ್ರೀಡೆಯನ್ನು ಇಷ್ಟಪಡುವವರ ಪಾಲಿಗೆ ಒಂದು ಉತ್ತಮ ಸ್ಥಳ ಅಂತಲೇ ಹೇಳಬಹುದು. 60ಕ್ಕೂ ಸವಾರಿಗಳನ್ನು ಒಂದೇ ತಾಣದಲ್ಲಿ ಪಡೆಯ ಬಹುದು, ಪ್ರಕಾಶಮಾನವಾದ ಸೂರ್ಯನ ಶಾಖದದಲ್ಲಿ ನೀರಿನ ಕೊಳದಲ್ಲಿ ನಮಗಿಷ್ಟ ಬಂದಂತೆ ಆನಂದಿಸಬಹುದು. ಒಂದಕ್ಕಿಂತ ಒಂದು ವಿಭಿನ್ನ ಕ್ರೀಡೆಗಳನ್ನು ಇಲ್ಲಿ ಟ್ರೈ ಮಾಡಬಹುದಾಗಿದೆ.ಆದರೆ ಈ ಸ್ಥಳದಲ್ಲಿ ವ್ಯಕ್ತಿಯು ಮೇಲಿಂದ ಬಿದ್ದು ಸಾವನ್ನಪ್ಪಿದ್ದ ಧಾರುಣ ಘಟನೆ ನಿಜಕ್ಕೂ ಆಘಾತಕಾರಿ ಎಂಬಂತಿದೆ.
