ನ್ಯೂಸ್ ನಾಟೌಟ್ : ಟೊಮೆಟೋ ಬೆಲೆ ಏರಿದ್ದೇ ತಡ.ಇತ್ತ ಕಳ್ಳರ ಹಾವಳಿಯೂ ಜೋರಾಗಿದೆ.ಟೋಮೆಟೋ ಬೆಳೆದ ತೋಟದಿಂದಲೇ ಕದ್ದು ಪರಾರಿಯಾಗುತ್ತಿರುವ ಕಳ್ಳರು ಅಂಗಡಿಗೂ ನುಗ್ಗಿ ಎಗರಿಸುತ್ತಿದ್ದಾರೆ.ಇದರ ರಕ್ಷಣೆಗಾಗಿ ನಾನಾ ರೀತಿಯ ಕಸರತ್ತುಗಳು ನಡಿತಿವೆ.ಸಿಸಿಟಿವಿ ಅಳವಡಿಕೆ,ಬೌನ್ಸರ್ ನೇಮಕ ಹೀಗೆ ಟೊಮೆಟೋ ಕಾಯುವುದೇ ಈಗ ಸವಾಲಾಗಿ ಬಿಟ್ಟಿದೆ.ಇದೀಗ ಟೊಮೆಟೋ ಕಾವಲಿಗಾಗಿ ನಾಗರಾಜ ಎಂಟ್ರಿ ನೀಡಿದ್ದಾನೆ..!
ಟೋಮೆಟೋ ಕುರಿತ ಹಾಗೆ ಅನೇಕ ಹಾಸ್ಯ ಪ್ರಸಂಗ,ಹಾಸ್ಯ ಬರಹಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಸದ್ಯ ನಾಗರ ಹಾವು ಟೋಮೆಟೋ ಕಾಯುತ್ತಿರುವ ವಿಡಿಯೋವೊಂದು ಭಾರಿ ವೈರಲ್ ಆಗುತ್ತಿದೆ.ಹಾಗಾದರೆ ಇದರ ಸತ್ಯಾಂಶ ಏನು?ನಿಜವಾಗ್ಲೂ ಇದು ಟೊಮೆಟೋ ರಕ್ಷಣೆಗಾಗಿ ಬಂದಿದ್ಯಾ? ಎನ್ನುವ ಪ್ರಶ್ನೆ ನಿಮ್ಮಲ್ಲಿ ಕಾಡುತ್ತಿರಬಹುದು. ಅಸಲಿಗೆ ಇದು ಮನೆಯೊಳಗೆ ಬಂದು ಅವಿತು ಕೂರಲು ಟೊಮ್ಯಾಟೋ ಇದ್ದ ಕಡೆಗೆ ಹೋಗಿದೆ.ಈ ವೇಳೆ ಹಾವಿನ ರಕ್ಷಣೆಗೆ ಬಂದ ವ್ಯಕ್ತಿ ಹಾವು ಟೊಮ್ಯಾಟೋ ಬಳಿ ಇರುವುದನ್ನು ಕಂಡು ವಿಡಿಯೋ ಮಾಡಿ ತಮಾಷೆಗೆ ಸಾಮಾಜಿಕ ಜಾಲತಾಣದಲ್ಲಿ ಅಪ್ ಲೋಡ್ ಮಾಡಿದ್ದಾರಂತೆ. ಇದಕ್ಕೆ ನೆಟ್ಟಿಗರು ನಾನಾ ರೀತಿಯ ಕಾಮೆಂಟ್ ಗಳನ್ನು ಮಾಡಿದ್ದಾರೆ.
ಮಿರ್ಜಾಮ್ ಎಂಬ ಹೆಸರಿನ ವ್ಯಕ್ತಿಯೊಬ್ಬ ಇನ್ಸ್ಟಾ ಗ್ರಾಮ್ ನಲ್ಲಿ ವಿಡಿಯೋ ಅಪ್ ಲೋಡ್ ಮಾಡಿದ್ದು ಟೊಮ್ಯಾಟೋ ಬೆಲೆ ಏರಿಕೆಯಿಂದ ಎಲ್ಲ ಕಡೆ ಟೊಮ್ಯಾಟೋ ಕಾಯುವ ಪ್ರಸಂಗ ಬಂದಿದೆ. ಹೀಗಾಗಿ ರಕ್ಷಣೆ ಮಾಡುವುದೇ ದೊಡ್ಡ ಸಾಹಸದ ಕೆಲಸವಾಗಿದೆ.ಹಾವೊಂದು ಟೊಮ್ಯಾಟೋ ಬಳಿ ನಿಂತಿರುವುದು ಸದ್ಯದ ಪರಿಸ್ಥಿತಿಗೆ ಸರಿಸಾಟಿ ಎಂಬಂತಿದೆ ಎಂದು ಹೇಳಿ ವಿಡಿಯೋವನ್ನು ಇನ್ಸ್ಟಾಗ್ರಾಮ್ ನಲ್ಲಿ ಅಪ್ ಲೋಡ್ ಮಾಡಿದ್ದಾರೆ.
ಲಿಂಕ್ ಒತ್ತಿ ವಿಡಿಯೋ ವೀಕ್ಷಿಸಿ 👇
https://www.instagram.com/reel/CujjSb8oeU5/?utm_source=ig_web_copy_link&igshid=MzRlODBiNWFlZA==
