ನ್ಯೂಸ್ ನಾಟೌಟ್‌: ಹಲವಾರು ಜನೋಪಯೋಗಿ ಕಾರ್ಯಕ್ರಮಗಳು, ಕೊಡುಗೆಗಳಿಂದ ಉತ್ತಮ ಸಂಸ್ಥೆಯಾಗಿ ಮೂಡಿ ಬಂದಿರುವ ಬೆಳ್ಳಾರೆ ರೋಟರಿ ಕ್ಲಬ್ ಇದೀಗ 16ನೇ ವರ್ಷಕ್ಕೆ ಪಾದಾರ್ಪಣೆ ಮಾಡುತ್ತಿದೆ. ನಮ್ಮ ಸಮಾಜಮುಖಿ ಕಾರ್ಯಗಳು ನಿರಂತರವಾಗಿ ನಡೆದಿದ್ದು, ನಮ್ಮ ಯೋಜನೆಗಳನ್ನು ಮನಗಂಡ ರೋಟರಿ ಜಿಲ್ಲೆ 1101 ಗೋಲ್ಡನ್‌ ಕ್ಲಬ್ ಪ್ರಶಸ್ತಿ ಲಭಿಸಿದ್ದು, ಅಂತಾರಾಷ್ಟ್ರೀಯ ಅಧ್ಯಕ್ಷರ ಮನ್ನಣೆಗೂ ಪಾತ್ರವಾಗಿದೆ ಎಂದು ಬೆಳ್ಳಾರೆ ರೋಟರಿ ಕ್ಲಬ್‌ನ ನೂತನ ಅಧ್ಯಕ್ಷ ಶಶಿಧರ್ ಬಿ.ಕೆ. ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.
ಸಂಸ್ಥೆಯ 2023-24ನೇ ಸಾಲಿಗೆ ನೂತನ ಪದಾಧಿಕಾರಿಗನ್ನು ಆಯ್ಕೆ ಮಾಡಲಾಗಿದೆ. ಅಧ್ಯಕ್ಷರಾಗಿ ಶಶಿಧರ್ ಬಿ.ಕೆ., ನಿಕಟಪೂರ್ವಾಧ್ಯಕ್ಷರಾಗಿ ಕೇಶವಮೂರ್ತಿ, ಕಾರ್ಯದರ್ಶಿ ವಿಶ್ವನಾಥ್ ಕೆ., ಕೋಶಾಧಿಕಾರಿ ನಾಗೇಶ್‌ ಕುಲಾಲ್‌, ನಿಯೋಜಿತ ಅಧ್ಯಕ್ಷರಾಗಿ ಚಂದ್ರಶೇಖದ ರೈ ಬಜನಿ, ಸಾರ್ಜೆಂಟ್ ಅಟ್ ಆರ್ಮ್ಸ್ ಆಗಿ ಪ್ರಮೋದ್ ರೈ ವೈಪಾಲ, ಸಂಘ ಸೇವೆ ನಿರ್ದೇಶಕರಾಗಿ ಎ.ಕೆ. ಮಣಿಯಾಣಿ, ಸಮುದಾಯ ಸೇವೆ ನಿರ್ದೇಶಕ ಪದ್ಮನಾಭ ಬೀಡು, ವೃತ್ತಿ ಸೇವೆ ನಿರ್ದೇಶಕರಾಗಿ ಪ್ರಭಾಕರ ಆಳ್ವ, ಅಂತಾರಾಷ್ಟ್ರೀಯ ಸೇವೆ ನಿರ್ದೇಶಕರಾಗಿ ಪ್ರಸಾದ್ ಕೆ.ವಿ., ಯುವಜನ ಸೇವೆ ನಿರ್ದೇಶಕರಾಗಿ ರವೀಂದ್ರ ಗೌಡ ಎಂ. ಕಾರ್ಯನಿರ್ವಹಿಸಲಿದ್ದಾರೆ. ವಲಯ 5ರ ಝೋನಲ್ ಲೆಫ್ಟಿನೆಂಟ್ ಆಗಿ ಕ್ಲಬ್‌ನ ಪೂರ್ವಾಧ್ಯಕ್ಷ ಪದ್ಮನಾಭ ಬೀಡು ಆಯ್ಕೆಯಾಗಿದ್ದಾರೆ ಎಂದು ಶಶಿಧರ್ ಬಿ.ಕೆ. ತಿಳಿಸಿದರು.
ಜು.15ರಂದು ಸಂಜೆ 6ಕ್ಕೆ ಬೆಳ್ಳಾರೆ ದೇವಿ ಹೈಟ್ಸ್‌ನಲ್ಲಿ ನೂತನ ಪದಾಧಿಕಾರಿಗಳ ಪದಗ್ರಹಣ ಕಾರ್ಯಕ್ರಮ ನಡೆಯಲಿದೆ. ಪದಗ್ರಹಣ ಅಧಿಕಾರಿಯಾಗಿ ಪೂರ್ವ ಜಿಲ್ಲಾ ಗವರ್ನರ್ ಡಾ. ರವಿ ಅಪ್ಪಾಜಿ, ಗೌರವ ಅತಿಥಿಗಳಾಗಿ ವಲಯದ ಸಹಾಯಕ ಗವರ್ನರ್ ಪುರಂದರ ರೈ, ಝೋನಲ್ ಲೆಫ್ಟಿನೆಂಟ್ ಪದ್ಮನಾಭ ಬೀಡು, ಸುಳ್ಯ ರೋಟರಿ ಕ್ಲಬ್ ಅಧ್ಯಕ್ಷ ಆನಂದ ಖಂಡಿಗ ಉಪಸ್ಥಿತರಿರಲಿದ್ದಾರೆ. ಕಾರ್ಯಕ್ರಮದಲ್ಲಿ ಬೆಂಗಳೂರಿನ ಆಟೋಮೇಶನ್’ ಆದರಿತ ಉದ್ಯಮ ಮೆಖೋಸ್‌ ಟೆಕ್ನಾಲಜಿ ಸರ್ವೀಸಸ್ ಪ್ರೈ ಲಿಮಿಟೆಡ್‌ನ ಮಾಲಕರಾದ ಮೋಹನ್‌ ತಂಟೆಪ್ಪಾಡಿ ಅವರನ್ನು ಸನ್ಮಾನಿಸಲಾಗುವುದು. ಅಲ್ಲದೇ ಹಲವು ಸಮುದಾಯ ಸೇವಾ ಕೊಡುಗೆಗಳು ಹಾಗೂ ಪ್ರತಿಭಾವಂತ ವಿದ್ಯಾರ್ಥಿಗಳನ್ನು ಗುರುತಿಸಿ ಪ್ರೋತ್ಸಾಹಧನ ನೀಡಲಾಗುವುದು ಎಂದು ಶಶಿಧರ್ ತಿಳಿಸಿದರು.
ಈ ವರ್ಷದಲ್ಲಿ ಜಿಲ್ಲಾ ಗವರ್ನರ್ ಎಚ್.ಆರ್, ಕೇಶ‌ವ ಅವರ ಆಶಯದಂತೆ ಅ೦ಗನವಾಡಿಗಳ ಸಬಲೀಕರಣ, ಮಳೆ ನೀರು ಇಂಗಿಸುವಿಕೆ ಮತ್ತು ಜಲಸಿರಿ, ವಿದ್ಯಾಸಿರಿ, ವನಸಿರಿ, ಆರೋಗ್ಯಸಿರಿ’ ಎಂಬ ಆರು ಯೋಜನೆಗಳಲ್ಲಿ ವಿವಿಧ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗುವುದು ಶಶಿಧರ್ ತಿಳಿಸಿದರು. ಈ ಬಾರಿಯ ಅಂತಾರಾಷ್ಟ್ರೀಯ ಅಧ್ಯಕ್ಷ ಜೋರ್ಡನ್ ಆರ್. ಮಾಕ್ನೆಲಿಯವರ ಧ್ಯೇಯವಾಕ್ಯ “Create Hope in the World ಸಾಕಾರಗೊಳಿಸುವತ್ತ ಮುನ್ನಡೆಯಲಿದ್ದೇವೆ ಎಂದು ಅವರು ತಿಳಿಸಿದ್ದಾರೆ. ವಿನಯಕುಮಾರ್‌, ಎ.ಕೆ. ಮಣಿಯಾಣಿ, ರವೀಂದ್ರ ಗೌಡ ಸುದ್ದಿಗೋಷ್ಠಿಯಲ್ಲಿದರು.
