ನ್ಯೂಸ್ ನಾಟೌಟ್ : ರಾಜ್ಯದ ಹಲವೆಡೆ ಬಾರಿ ಮಳೆ ಸುರಿಯುತ್ತಿದೆ.ಈ ಹಿನ್ನಲೆ ಕೆಲವು ಕಡೆ ಹಾನಿಯಾಗಿರುವ ಘಟನೆ ವರದಿಯಾಗಿದ್ದು,ಪ್ರಾಣ ಹಾನಿಯೂ ಸಂಭವಿಸಿದೆ.ಈ ಬೆನ್ನಲ್ಲೇ ಇದೀಗ ಹಲವು ಕಡೆ ಮಳೆ ನೀರು ನುಗ್ಗಿರುವ ಘಟನೆ ಬಗ್ಗೆ ವರದಿಗಳಾಗಿವೆ.
ಹೌದು,ಉಡುಪಿಜಿಲ್ಲೆಯ ಮೂಡುಬೆಳ್ಳೆಯಲ್ಲಿನ ಸುಬ್ರಮಣ್ಯ ರಾಜ್ಯ ಹೆದ್ದಾರಿಯ ಕಾಮಗಾರಿ ನಡೆದಿದ್ದು ಈ ವೇಳೆ ಸೂಕ್ತ ಚರಂಡಿ ವ್ಯವಸ್ಥೆ ಇಲ್ಲದೆ ಮಳೆ ನೀರು ರಸ್ತೆ ಬದಿಯ ಮನೆಗಳಿಗೆ ನುಗ್ಗಿ ಭಾರಿ ಆವಾಂತರವೇ ಸೃಷ್ಟಿಯಾಗಿದೆ.ಕೃತಕ ನೆರೆ ಉಂಟಾಗಿದ್ದು,ಆ ಮನೆ ಮಂದಿ ಪರದಾಟ ನಡೆಸುವ ಪರಿಸ್ಥಿತಿ ಉಂಟಾಗಿದೆ.
ಈ ವೇಳೆ ಸ್ಥಳೀಯರು ಆ ಕುಟುಂಬದ ನೆರವಿಗೆ ಧಾವಿಸಿದರು.ಜೆಸಿಬಿ ಮೂಲಕ ನೀರು ಹರಿದು ಹೋಗಲು ವ್ಯವಸ್ಥೆ ಮಾಡಿ ಕೊಟ್ಟರು. ಇದೀಗ ಚರಂಡಿ ನಿರ್ಮಿಸದೆ ಹೆದ್ದಾರಿ ಕಾಮಗಾರಿ ನಿರ್ವಹಿಸಿದ ಗುತ್ತಿಗೆದಾರರ ವಿರುದ್ಧ ಸ್ಥಳೀಯರು ಆಕ್ರೋಶ ಹೊರಹಾಕಿದ್ದಾರೆ.
