ನ್ಯೂಸ್ ನಾಟೌಟ್: ಈಗ ಎಲ್ಲೆಲ್ಲೂ ಫ್ರೀ ಬಸ್ ಪ್ರಯಾಣದ ಬಗ್ಗೆಯೇ ಚರ್ಚೆ. ಮಹಿಳೆಯರಂತೂ ಉಚಿತ ಟಿಕೆಟ್‌ ಬೆನ್ನಲ್ಲೇ ಕರ್ನಾಟಕದಾದ್ಯಂತ ತೀರ್ಥ ಯಾತ್ರೆ ಹೊರಡುತ್ತಿದ್ದಾರೆ. ಈ ನೂಕುನುಗ್ಗಲಿನ ಪ್ರಯಾಣದಲ್ಲಿ ಹಲವು ಬಸ್ ಗಳಿಗೆ ಹಾನಿಯಾಗಿದೆ ಅನ್ನುವ ವರದಿಗಳು ಕೂಡ ಹೊರಬಿದ್ದಿದೆ.
ರಾಜ್ಯದಾದ್ಯಂತ ಎಲ್ಲ ಬಸ್ ಗಳು ಭರ್ಜರಿಯಾಗಿ ಫುಲ್ ಆಗಿದೆ. ಗುಂಪು..ಗುಂಪಾಗಿ ಬರುತ್ತಿರುವ ಮಹಿಳೆಯರನ್ನು ನಿಯಂತ್ರಿಸುವುದಕ್ಕೆ ಡ್ರೈವರ್ , ಕಂಡೆಕ್ಟರ್‌ಗಳು ಹರಸಾಹಸ ಪಡುತ್ತಿದ್ದಾರೆ. ಈ ನಡುವೆ KSRTC ಬಸ್ ಒಂದರ ಕಂಬಿ ಮುರಿದು ಹಾಕಿರುವ ಘಟನೆ ನಡೆದಿತ್ತು. ಇದೀಗ ಮಹಿಳೆಯರು ಏಕಾಏಕಿ ಬಸ್ ಸೀಟಿಗೆ ನೂಕು ನುಗ್ಗಲು ನಡೆಸಿದ್ದರಿಂದ ಬಸ್ ನ ಡೋರ್ ಕಿತ್ತುಕೊಂಡು ಕೆಳಕ್ಕೆ ಬಿದ್ದಿದೆ. ಈ ಘಟನೆ ಕೊಳ್ಳೆಗಾಲದಲ್ಲಿ ನಡೆದಿದೆ. ಈ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಮಣ್ಣೆತ್ತಿನ ಅಮಾವಾಸ್ಯೆ ಹಿನ್ನೆಲೆಯಲ್ಲಿ ಶನಿವಾರ ಮಲೆಮಹದೇಶ್ವರ ಬೆಟ್ಟಕ್ಕೆ ತೆರಳಲು ಕೊಳ್ಳೆಗಾಲ ಪಟ್ಟಣದ ಬಸ್ ನಿಲ್ದಾಣದಲ್ಲಿ KSRTC ಬಸ್ ಹತ್ತಲು ಮುಗಿಬಿದ್ದಿದ್ದಾರೆ. ಈ ವೇಳೆ ಹತ್ತುವ ರಭಸಕ್ಕೆ ಬಾಗಿಲು ಕಿತ್ತು ಹಾಕಿದ್ದಾರೆ. ಈ ಫೋಟೋ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
