ನ್ಯೂಸ್ ನಾಟೌಟ್: ನಟರು ಎಲ್ಲೇ ಪ್ರಯಾಣ ಮಾಡಿದರೂ ಅವರ ಹಿಂದೆಯೇ ಇದ್ದು ಅವರನ್ನು ರಕ್ಷಿಸುವ ಅಂಗ ರಕ್ಷಕರಿಗೆ ಎಷ್ಟು ವೇತನ ಇದೆ ಅನ್ನುವುದರ ಬಗೆಗಿನ ವರದಿಯೊಂದು ಹೊರಬಿದ್ದಿದೆ. ನಟರ ಬಾಡಿಗಾರ್ಡ್ಸ್ ಗೆ ವಾರ್ಷಿಕವಾಗಿ ಕೋಟ್ಯಂತರ ರೂ. ಸಂಭಾವನೆ ನೀಡಲಾಗುತ್ತದೆ ಅನ್ನುವ ಕುತೂಹಲದ ವಿಚಾರ ಬೆಳಕಿಗೆ ಬಂದಿದೆ.
ಈ ಪ್ರಕಾರವಾಗಿ ನೋಡುವುದಾದರೆ ಬಾಲಿವುಡ್‌ನ ಖ್ಯಾತ ನಟ ಶಾರುಖ್ ಖಾನ್ ಬಾಡಿಗಾರ್ಡ್ ಆಗಿ ಕೆಲಸ ಮಾಡುತ್ತಿರುವ ರವಿ ಸಿಂಗ್ ವರ್ಷಕ್ಕೆ 2.7 ಕೋಟಿ ರೂ. ವೇತನ ಪಡೆಯುತ್ತಿದ್ದಾರೆ. ಈ ಮೂಲಕ ಅತೀ ಹೆಚ್ಚು ಸಂಭಾವನೆ ಪಡೆದುಕೊಳ್ಳುತ್ತಿರುವ ಬಾಡಿಗಾರ್ಡ್ ಎನಿಸಿಕೊಂಡಿದ್ದಾರೆ. ಸಲ್ಮಾನ್ ಖಾನ್ ಬಾಡಿಗಾರ್ಡ್ ಶೇರಾ ಹಾಗೂ ಅಮಿರ್ ಖಾನ್ ಅವರ ಬಾಡಿಗಾರ್ಡ್ ಯುವರಾಜ್ ಘೋರ್ಪಡೆ ತಲಾ 2 ಕೋಟಿ ರೂ. ವಾರ್ಷಿಕ ಸಂಭಾವನೆ ಪಡೆದುಕೊಂಡರೆ ನಟಿ ದೀಪಿಕಾ ಪಡುಕೋಣೆ ಅವರ ಅಂಗ ರಕ್ಷಕ ಜಲಾಲ್ 1.2 ಕೋಟಿ ರೂ. ವಾರ್ಷಿಕ ವೇತನ ಪಡೆಯುತ್ತಾರೆ.
