ನ್ಯೂಸ್ ನಾಟೌಟ್: ಮಕ್ಕಳ ಸಾಧನೆ ಕಂಡು ಅದರಲ್ಲೇ ಖುಷಿ ಪಡುವ ಅದೆಷ್ಟೋ ಪೋಷಕರು ನಮ್ಮ ಮುಂದಿದ್ದಾರೆ. ಮಕ್ಕಳು ತಮ್ಮ ಕಾಲ ಮೇಲೆ ತಾವು ನಿಂತಾಗ ಸಮಾಜದಲ್ಲಿ ನಾಲ್ಕು ಜನರಿಗೆ ಮಾದರಿಯಾದಾಗ ಹೆತ್ತವರಿಗೆ ಆಗುವ ಖುಷಿಗೆ ಪಾರವೇ ಇರುವುದಿಲ್ಲ. ಮಕ್ಕಳ ಸಾಧನೆಯನ್ನೊಮ್ಮೆ ಕಣ್ಣಾರೆ ನೋಡುವ ಎಂದು ಪೋಷಕರು ಮಕ್ಕಳ ಕಾರ್ಯಕ್ರಮಕ್ಕೆ ಖುದ್ದಾಗಿ ಬರುವುದುಂಟು.
ಅಂತೆಯೇ ಮೊದಲ ಬಾರಿಗೆ ಮಡಿಕೇರಿ ಶಾಸಕರಾಗಿ ಆಯ್ಕೆಯಾಗಿರುವ ಕಾಂಗ್ರೆಸ್ ನ ಮಂಥರ್ ಗೌಡ ಅವರ ಕೆಡಿಪಿ ಸಭೆಗೆ ಅವರ ತಂದೆಯವರು ಖುದ್ದಾಗಿ ಆಗಮಿಸಿ ಅಚ್ಚರಿ ಮೂಡಿಸಿದ್ರು.
ಅವರ ತಂದೆ ಅರಕಲಗೂಡು ಶಾಸಕ ಎ. ಮಂಜು ಆಗಮಿಸಿದ್ದರು. ಅಧಿಕಾರಿಗಳ ಸಾಲಿನಲ್ಲಿ ಕುಳಿತು ಪೂರ್ತಿ ಕಾರ್ಯಕ್ರಮ ವೀಕ್ಷಿಸಿದರು. ಈ ಅಪರೂಪದ ಘಟನೆಯು ಮಡಿಕೇರಿಯಲ್ಲಿ ನಡೆದಿದೆ. ಮಂಥರ್ ಅವರು ಸಚಿವ ಎನ್.ಎಸ್.ಭೋಸರಾಜು ಅವರೊಂದಿಗೆ ವೇದಿಕೆಯಲ್ಲಿದ್ದರೆ ಅವರ ತಂದೆ ಎ.ಮಂಜು ಅಧಿಕಾರಿಗಳ ಸಾಲಿನಲ್ಲಿ ಕುಳಿತು ಕಲಾಪ ವೀಕ್ಷಿಸಿದ್ದು ವಿಶೇಷವಾಗಿತ್ತು. ಎ ಮಂಜು ಅವರ ದಾರಿಯಲ್ಲೇ ಮಂಥರ್ ಗೌಡ ಮುನ್ನಡೆಯುತ್ತಿದ್ದಾರೆ. ಜನಪರ ಆಡಳಿತಕ್ಕೆ ಹೆಸರುವಾಸಿಯಾಗಿದ್ದಾರೆ.
