ನ್ಯೂಸ್ ನಾಟೌಟ್ : ಕ್ರಿಕೆಟ್‌ನಲ್ಲಿ ಬೌಲರ್‌ವೊಬ್ಬ ಹ್ಯಾಟ್ರಿಕ್ ವಿಕೆಟ್ ಪಡೆದಿದ್ದನ್ನು ನೋಡಿದ್ದೇವೆ. ಆದರೆ ಇಲ್ಲೊಬ್ಬ ಬೌಲರ್‌ 6 ಎಸೆತಗಳಲ್ಲಿ 6 ವಿಕೆಟ್ ಪಡೆದು ಸುದ್ದಿಯಾಗಿದ್ದಾನೆ. ಇದು ಸಣ್ಣ ಸಾಧನೆಯಲ್ಲ. ಬಲು ಅಪರೂಪದ ಸಾಧನೆ ಅನ್ನುವುದು ವಿಶೇಷ. ಅಂದ ಹಾಗೆ ಇಂತಹ ಸಾಧನೆಗೆ ಸಾಕ್ಷಿಯಾಗಿರುವು ಇಂಗ್ಲೆಂಡ್‌ನ ಕ್ಲಬ್ ಕ್ರಿಕೆಟ್ ಟೂರ್ನಿ.
12 ವರ್ಷದ ಬಾಲಕ ಅಲಿವರ್ ವೈಟ್ಹೌಸ್ ಸಾಧಕ ಬೌಲರ್‌. ಬ್ರೋಮ್ಸ್ಗ್ರೊವ್ ಕ್ರಿಕೆಟ್ ಕ್ಲಬ್ ಪರ ಆಡುತ್ತಿರುವ ವೈಟ್ಹೌಸ್ ಕಳೆದ ತಿಂಗಳು ಈ ಸಾಧನೆ ಮಾಡಿದ ಬಾಲಕ. ಕೂಕ್ಹಿಲ್ ಕ್ಲಬ್ ವಿರುದ್ಧದ ಪಂದ್ಯದಲ್ಲಿ ಆರು ಎಸೆತಗಳಲ್ಲಿ ಎದುರಾಳಿ ತಂಡದ ಆರು ವಿಕೆಟ್ ಉರುಳಿಸಿದ ವೈಟ್ಹೌಸ್ ಒಟ್ಟು 2 ಓವರ್ ಎಸೆದು ಒಂದೂ ರನ್ ನೀಡದೆ ಎಂಟು ವಿಕೆಟ್ ಪಡೆದಿದ್ದಾರೆ. ಈ ಹುಡುಗ ಡಬಲ್ ಹ್ಯಾಟ್ರಿಕ್ ಸಾಧನೆ ಮಾಡಿದ ಮೊಟ್ಟ ಮೊದಲ ಕ್ರಿಕೆಟಿಗ ಎಂಬ ಸಾಧನೆ ಮಾಡಿದ್ದಾನೆ. ಅವರು ಮಾಡಿರುವ ಸಾಧನೆಯ ಮಹತ್ವವನ್ನು ನನಗೆ ನಂಬಲು ಸಾಧ್ಯವಾಗುತ್ತಿಲ್ಲ ಎಂದು ಬ್ರೋಮ್ಸ್ಗ್ರೋವ್ ಕ್ರಿಕೆಟ್ ಕ್ಲಬ್ ತಂಡದ ನಾಯಕ ಜೇಡನ್ ಲೆವಿಟ್ ಬಿಬಿಸಿ ಜತೆ ಮಾತನಾಡುತ್ತಾ ಅಚ್ಚರಿ ವ್ಯಕ್ತಪಡಿಸಿದ್ದಾರೆ.
