ನ್ಯೂಸ್ ನಾಟೌಟ್: ಯುವಕನೊಬ್ಬ ತನ್ನ ತಂದೆ ಮತ್ತು ಅಜ್ಜಿಯನ್ನು ಕೊಂದು ನಂತರ ಅವರ ದೇಹವನ್ನು ಸುಟ್ಟು ಹಾಕಿದ ಘಟನೆ ಛತ್ತೀಸ್‌ಗಢದ ಮಹಾಸಮುಂಡ್ ಜಿಲ್ಲೆಯ ಪುಟ್ಕಾ ಗ್ರಾಮದಲ್ಲಿ ನಡೆದಿದೆ.
ಉದಿತ್ ಭೋಯ್ ಎಂದು ಆತನನ್ನು ಗುರುತಿಸಲಾಗಿದ್ದು, 24 ವರ್ಷದ ಆರೋಪಿ ಮಾದಕ ವ್ಯಸನಿಯಾಗಿದ್ದು, ಆತನ ತಂದೆ ಹಣ ನೀಡಲು ನಿರಾಕರಿಸಿದ ನಂತರ ಮೇ 8 ರಂದು ತನ್ನ ಹೆತ್ತವರು, ಅಜ್ಜಿಯನ್ನು ಕೊಲೆ ಮಾಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಉದಿತ್ ತನ್ನ ಹೆತ್ತವರನ್ನು ಮಲಗಿದ್ದಾಗ ಕೊಂದಿರುವುದು ಬೆಳಕಿಗೆ ಬಂದಿದೆ. ತಂದೆಯ ತಲೆಯ ಮೇಲೆ ಹಾಕಿ ಸ್ಟಿಕ್‌ನಿಂದ ಹಲ್ಲೆ ನಡೆಸಿ ನಂತರ ತಾಯಿಯ ಮೇಲೂ ಹಲ್ಲೆ ನಡೆಸಿದ್ದಾನೆ. ದೊಡ್ಡ ಸದ್ದಿಗೆ ಎಚ್ಚರಗೊಂಡ ಅಜ್ಜಿ ಮೇಲೂ ಹಲ್ಲೆ ನಡೆಸಿ ಕೊಂದಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
ರಾತ್ರಿಯಿಡೀ ಅವರ ದೇಹಗಳನ್ನು ಸ್ನಾನಗೃಹದಲ್ಲಿ ಇರಿಸಿದ್ದ ಆತ ಮರುದಿನ ಮನೆಯ ಹಿತ್ತಲಿನಲ್ಲಿ ಸ್ಯಾನಿಟೈಸರ್ ಮತ್ತು ಮರದ ತುಂಡುಗಳನ್ನು ಬಳಸಿ ಸುಟ್ಟುಹಾಕಿದ್ದಾನೆ ಎಮದು ವರದಿ ತಿಳಿಸಿದೆ.
ಇದಾದ ಬಳಿಕ ತಾನೇ ಪೊಲೀಸ್ ಠಾಣೆಗೆ ಹೋಗಿ ಮೇ 12 ರಂದು ಸಿಂಗ್‌ಪುರ ಪೊಲೀಸ್ ಠಾಣೆಯಲ್ಲಿ ತನ್ನ ಕುಟುಂಬದ ಸದಸ್ಯರ ಬಗ್ಗೆ ಕಾಣೆಯಾದ ವರದಿಯನ್ನು ಸಲ್ಲಿಸಿ ದೂರು ನೀಡಿದ್ದಾನೆ ಎಂದು ಪೊಲೀಸ್ ವರಿಷ್ಠಾಧಿಕಾರಿ (ಎಸ್‌ಪಿ) ಧರ್ಮೇಂದ್ರ ಸಿಂಗ್ ತಿಳಿಸಿದ್ದಾರೆ.
ಪ್ರಭಾತ್ ಭೋಯ್ ಅವರ ಇನ್ನೊಬ್ಬ ಮಗ ಮತ್ತು ಉದಿತ್ ಅವರ ಸಹೋದರ ಅಮಿತ್ ಭೋಯ್ ಅವರು ರಾಯ್ಪುರದಿಂದ ನಿವಾಸಕ್ಕೆ ಹಿಂದಿರುಗಿದಾಗ, ಹಿತ್ತಲಿನಲ್ಲಿದ್ದ ಮಾನವ ಮೂಳೆಗಳು ಮತ್ತು ರಕ್ತದ ಕಲೆಗಳು, ಬೆಂಕಿಯ ಚಿಹ್ನೆಗಳು ಕಂಡುಬಂದವು. ನಂತರ ಸಿಂಗ್‌ಪುರ ಪೊಲೀಸ್ ಠಾಣೆಗೆ ತೆರಳಿ ಘಟನೆಯ ಬಗ್ಗೆ ಅವರು ಮಾಹಿತಿ ನೀಡಿದ್ದಾರೆ.
ಈ ವಿಚಾರದಿಂದ ಆತನನ್ನು ದೂರವಿಡಲು ಯತ್ನಿಸಿದ ಉದಿತ್, ಪ್ರಭಾತ್ ಅವರ ಫೋನ್‌ನಿಂದ ಎಲ್ಲಾ ಸಂಬಂಧಿಕರಿಗೆ ಸಂದೇಶ ಕಳುಹಿಸಿ, ಕುಟುಂಬದವರ ನಾಪತ್ತೆಗೆ ಅಮಿತ್ ಕಾರಣ ಎಂದು ಆರೋಪಿಸುತ್ತಾನೆ. ಮನೆಯಲ್ಲಿ ಹುಡುಕಾಟ ನಡೆಸಿದಾಗ, ಅವರು ಬೂದಿ ಮತ್ತು ರಕ್ತದ ಕಲೆಗಳ ರೂಪದಲ್ಲಿ ಮಾನವ ಅವಶೇಷಗಳನ್ನು ಕಂಡುಬಂದವು. ನಂತರ ಪೊಲೀಸರು ಉದಿತ್ ಅವರನ್ನು ವಿಚಾರಣೆಗೆ ಒಳಪಡಿಸಿದ್ದರು.
ವಿಚಾರಣೆಯ ನಂತರ, ಉದಿತ್ ಅಪರಾಧವನ್ನು ಒಪ್ಪಿಕೊಂಡಿದ್ದು, ನಂತರ ಅವರನ್ನು ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 302, 201 ರ ಅಡಿಯಲ್ಲಿ ಆತನನ್ನು ಬಂಧಿಸಲಾಗಿದೆ.
