ನ್ಯೂಸ್ ನಾಟೌಟ್ : ಒಣಗಿದ ಮರವೊಂದು ವಿದ್ಯುತ್ ಲೈನ್ ಗೆ ಬಿದ್ದು ಬೆಂಕಿ ಹೊತ್ತಿಕೊಂಡಿರುವ ಘಟನೆ ನಡೆದಿದೆ.ಪುತ್ತೂರು-ಸುಳ್ಯ ರಸ್ತೆಯ ಆನೆಗುಂಡಿ ಬಳಿ ಈ ದುರಂತ ಸಂಭವಿಸಿದೆ.ಇಂದು ಮದ್ಯಾಹ್ನ ಸಂಭವಿಸಿದ್ದು,ಅದೃಷ್ಟವಶಾತ್‌ ಯಾವುದೇ ಅನಾಹುತ ಸಂಭವಿಸಿಲ್ಲವೆಂದು ತಿಳಿದು ಬಂದಿದೆ.
ಆನೆಗುಂಡಿ ಪ್ರದೇಶ ದಟ್ಟ ಅರಣ್ಯವಿರುವ ಸ್ಥಳವಾದ್ದರಿಂದ ಅತಿ ಹೆಚ್ಚು ಕಾಡುಪ್ರಾಣಿಗಳಿರುವ ಸಾಧ್ಯತೆ ಇದೆ.ಸದ್ಯ ರಸ್ತೆ ಬದಿಯಲ್ಲೇ ಈ ಘಟನೆ ಸಂಭವಿಸಿದ್ದರಿಂದ ಸ್ಥಳೀಯರ ಗಮನಕ್ಕೆ ಬಂದು ದೊಡ್ಡ ಪ್ರಮಾಣದಲ್ಲಾಗುವ ಅನಾಹುತವೊಂದು ತಪ್ಪಿದೆ.ಈ ರೀತಿಯ ಘಟನೆಗಳು ಅಲ್ಲಲ್ಲಿ ಮರುಕಳಿಸುತ್ತಿದ್ದು,ಇತ್ತೀಚೆಗಷ್ಟೇ ಸಂಪಾಜೆಯ ಕೀಲಾರು ಮೂಲೆ ಅರಣ್ಯ ಭಾಗದಲ್ಲಿಯೂ ಸಂಭವಿಸಿತ್ತು.ಇದರಿಂದಾಗಿ ಸುಮಾರು 500 ಎಕರೆಯಷ್ಟು ಅರಣ್ಯ ಪ್ರದೇಶ ಬೆಂಕಿಗಾಹುತಿಯಾಗಿತ್ತು.ಹಾವು ಸೇರಿದಂತೆ ಪ್ರಾಣಿ -ಪಕ್ಷಿಗಳು ಸುಟ್ಟು ಕರಕಲಾದ ದುರಂತವೇ ಸಂಭವಿಸಿತ್ತು.
