ನ್ಯೂಸ್ ನಾಟೌಟ್ :ಮೇ ೧೦ರಂದು ನಡೆಯಲಿರುವ ಚುನಾವಣೆ ಹಿನ್ನಲೆ ಕಾರ್ಕಳ ವಿಧಾನಸಭಾ ಕ್ಷೇತ್ರದಲ್ಲಿ ಬಿರುಸಿನ ಮತಪ್ರಚಾರ ನಡೆಯುತ್ತಿದ್ದು, ಬಿಜೆಪಿಯ ಕಾರ್ಯಕರ್ತರು ಮನೆ ಮನೆಗೆ ತೆರಳಿದರು.
ಈ ವೇಳೆ ಪುರಸಭಾ ವ್ಯಾಪ್ತಿಯ ವಾರ್ಡ್ ನ ೧೩ ರಲ್ಲಿ ‘ಮಹಾಸಂಪರ್ಕ ಅಭಿಯಾನ’ಕ್ಕೆ ಪಕ್ಷದ ಹಿರಿಯ ಮಖಂಡರಾದ ಎಂ.ಕೆ. ವಿಜಯ ಕುಮಾರ್ ಅವರು ಚಾಲನೆ ನೀಡಿದರು.ಬಳಿಕ ಬಿಜೆಪಿ ಅಭ್ಯರ್ಥಿ ವಿ. ಸುನೀಲ್ ಕುಮಾರ್ ಅವರ ಪರ ಮತ ಯಾಚಿಸಿದರು.ಅವರನ್ನು ಗೆಲ್ಲಿಸುವುದು ನಮ್ಮ ಕರ್ತವ್ಯ ಎಂದು ಹೇಳಿದರು.
ಈ ವೇಳೆ ಉದ್ಯಮಿಗಳಾದ ವಿಜಯ್ ಶೆಟ್ಟಿ, ಮಂಡಲ ಕಾರ್ಯದರ್ಶಿ ಪ್ರಕಾಶ್ ರಾವ್ , ನಗರ ಪ್ರಧಾನ ಕಾರ್ಯದರ್ಶಿ ನಿರಂಜನ್ ಜೈನ್, ನಾಮ ನಿರ್ದೇಶಿತ ಸದಸ್ಯ ಸಂತೋಷ್ ರಾವ್, ವಾರ್ಡ್ ಅಧ್ಯಕ್ಷ ಹರೀಶ್ ದೇವಾಡಿಗ, ಕಾರ್ಯದರ್ಶಿ ನವೀನ್ ಕುಮಾರ್,ನಾಗೇಶ್ ರಾವ್, ದಯಾನಂದ ದೇವಾಡಿಗ, ರತ್ನ ಬಾಲಾಜಿ, ರಾಜೇಶ್ವರಿ, ಸವಿತಾ , ನಿರ್ಮಲಾ ಮೊದಲಾದ ಕಾರ್ಯಕರ್ತರು ಇದ್ದರು.
