ನ್ಯೂಸ್ ನಾಟೌಟ್: ಮಾಜಿ ಸಿಎಂ ಬಿ.ಎಸ್ ಯಡಿಯೂರಪ್ಪ ಪ್ರಯಾಣಿಸಿದ ಹೆಲಿಕಾಪ್ಟರ್ ಲ್ಯಾಂಡ್ ಆಗುವ ವೇಳೆ ಭಾರಿ ಅನಾಹುತವೊಂದು ಸ್ವಲ್ಪದರಲ್ಲೆ ತಪ್ಪಿದೆ. ಮಾರ್ಚ್ 21 ರಂದು ತುರುವೇಕೆರೆಯ ಬಿಜೆಪಿ ಜನ ಸಂಕಲ್ಪ ಯಾತ್ರೆಯ ವೇಳೆ ಈ ಘಟನೆ ನಡೆದಿದೆ.
ನಾಯಿಗಳು ಮೈದಾನದಲ್ಲಿ ಅಡ್ಡ ಬಂದ ಕಾರಣ ಲ್ಯಾಂಡಿಗ್ ವೇಳೆ ಅಡೆತಡೆ ಉಂಟಾಗಿದ್ದು, ಅದೃಷ್ಟವಶಾತ್ ಯಾವದೇ ದುರಂತ ಸಂಭವಿಸಿಲ್ಲ.
ತುರುವೇಕೆರೆಯ ಬಿಜೆಪಿ ಜನ ಸಂಕಲ್ಪ ಯಾತ್ರೆಯಲ್ಲಿ ಭಾಗಿಯಾಗಲು ಬಿ.ಎಸ್.ಯಡಿಯೂರಪ್ಪನವರು ವಿಶೇಷ ಹೆಲಿಕಾಪ್ಟರ್‌ನಲ್ಲಿ ಬಂದಿಳಿಯುವ ಸಂದರ್ಭದಲ್ಲಿ ತುರುವೇಕೆರೆ ಜಿ.ಜೆ.ಸಿ ಮೈದಾನದಲ್ಲಿ ಬೀದಿನಾಯಿಗಳು ಲ್ಯಾಂಡ್ ಆಗುವ ವೇಳೆ ಬೊಗಳುತ್ತಾ ಓಡೋಡಿ ಬಂದಿವೆ.
ತಕ್ಷಣವೇ ಎಚ್ಚೆತ್ತ ಪೊಲೀಸರು ಗಾಬರಿಗೊಂಡು ಅಲ್ಲಿದ್ದ ನಾಯಿಗಳನ್ನು ಓಡಿಸಿದ್ದಾರೆ. ಯಾವುದೇ ತೊಂದರೆಯಿಲ್ಲದೆ ಹೆಲಿಕಾಪ್ಟರ್ ಸುರಕ್ಷಿತವಾಗಿ ಲ್ಯಾಂಡ್ ಆಗಿದೆ ಎಂದು ವರದಿ ತಿಳಿಸಿದೆ.
