ನ್ಯೂಸ್ ನಾಟೌಟ್ : ನೀವು ಬಹಳಷ್ಟು ಸಲ ಗಾಳಿಯ ಕಾರಣದಿಂದ ಅಲ್ಲಾಡುತ್ತಿರುವ ಮರಗಳನ್ನು ನೋಡಿರಬಹುದು.ಆದರೆ ಡ್ಯಾನ್ಸ್ ಮಾಡುವ ಮರವನ್ನ ನೀವು ಎಂದಾದರೂ ಕಂಡಿದ್ದೀರಾ? ಹೌದು,ಈ ದೃಶ್ಯವನ್ನು ನೀವು ಗಮನಿಸಿದ್ರೆ ಯಾವುದೋ ಒಂದು ದೈತ್ಯ ಪ್ರಾಣಿ ಕುಣಿದಂತೆ ಭಾಸವಾಗುತ್ತದೆ.
ಸದ್ಯ ಇಂತಹ ಒಂದು ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಸಂಚಲನ ಸೃಷ್ಟಿಸಿದೆ. ಈ ವೀಡಿಯೋವನ್ನು ನೋಡಿದರೆ ನೀವು ಕೂಡಾ ಖಂಡಿತ ನಮ್ಮ ಜೀವನದಲ್ಲಿ ಇಂತಹ ದೃಶ್ಯವನ್ನು ಹಿಂದೆದ್ದು ನೋಡಿಲ್ಲ ಎಂದು ಹೇಳುತ್ತೀರಿ. ಟ್ವಿಟರ್ ನಲ್ಲಿ Thefigen_ ಎನ್ನುವ ಹೆಸರಿನ ಖಾತೆಯಲ್ಲಿ ಹಂಚಿಕೊಂಡಿರುವ ವೀಡಿಯೋ ನೋಡಿದಾಗ, ಬಲವಾದ ಗಾಳಿ ಬೀಸುವಾಗ ಮರವೊಂದು ಡ್ಯಾನ್ಸ್ ಮಾಡುವ ರೀತಿ ಕಾಣುತ್ತದೆ.ವೀಡಿಯೋ ಶೇರ್ ಮಾಡಿದವರು ಅದರ ಶೀರ್ಷಿಕೆಯಲ್ಲಿ, ಅದ್ಭುತವಾದ ಪ್ರಕೃತಿ, ಬಲವಾದ ಗಾಳಿಯಿಂದಾಗಿ ಮರವು ನೃತ್ಯ ಮಾಡುತ್ತಿದೆ ಎಂದು ಬರೆದುಕೊಂಡಿದ್ದಾರೆ. ವೈರಲ್ ಆಗಿರುವ ಈ ವೀಡಿಯೋವನ್ನು ಲಕ್ಷಾನುಗಟ್ಟಲೆ ಜನ ವೀಕ್ಷಿಸಿದ್ದಾರೆ. ಸಾವಿರಾರು ಸಂಖ್ಯೆಯಲ್ಲಿ ವೀಡಿಯೋಗೆ ರೀ ಟ್ವೀಟ್ ಮಾಡುವ ಮೂಲಕ ಶೇರ್ ಮಾಡಿಕೊಂಡಿದ್ದಾರೆ.
Awesome nature!
— Figen (@TheFigen_) February 25, 2023
The tree that seems to dance with the strong winds… pic.twitter.com/pv6gkZuOrn
ಪ್ರಕೃತಿಯೇ ಒಂದು ವಿಸ್ಮಯಗಳ ಮೂಟೆ.ಸಾಮಾಜಿಕ ಜಾಲತಾಣ ಬಂದ ಮೇಲಂತು ಇಂತಹ ಅಪರೂಪದ ದೃಶ್ಯಗಳನ್ನು ನಾವು ಮನೆಯಲ್ಲೇ ಕುಳಿತು ನೋಡಬಹುದಾಗಿದೆ.ಕೆಲವೊಂದು ವಿಡಿಯೋಗಳು ತೀರಾ ವೈರಲ್ ಆಗುವಂತಹದಿದ್ದರೂ ನಮಗೆ ಗೊತ್ತೇ ಆಗೋದಿಲ್ಲ.ಸದ್ಯ ಈ ವಿಡಿಯೋ ವಿಚಿತ್ರ ಜತೆಗೆ ಆಶ್ಚರ್ಯವನ್ನು ಉಂಟುಮಾಡುತ್ತದೆ.ಪ್ರಕೃತಿಯ ಅತ್ಯಂತ ಸುಂದರವಾದ ದೃಶ್ಯವನ್ನು ಈ ವೀಡಿಯೋದಲ್ಲಿ ಸೆರೆ ಹಿಡಿಯಲಾಗಿದೆ. ಪ್ರಕೃತಿಯು ನಿಜವಾಗಿಯೂ ಬಹಳ ಅದ್ಭುತವಾಗಿದೆ. ಕಾಲಕಾಲಕ್ಕೆ ಪ್ರಕೃತಿಯ ಇಂತಹ ಅದ್ಭುತಗಳನ್ನು ಸೆರೆ ಹಿಡಿದಿರುವ ವೀಡಿಯೋಗಳು ನಮಗೆ ಸೋಶಿಯಲ್ ಮೀಡಿಯಾಗಳಲ್ಲಿ ನೋಡಲು ಸಿಗುತ್ತಿದೆ. ಈಗ ವೈರಲ್ ಆಗಿರುವ ವೀಡಿಯೋ ಕೂಡಾ ಅಂತದ್ದೇ ಒಂದು ವಿಸ್ಮಯವನ್ನು ಕಣ್ಮುಂದೆ ತಂದಿದೆ.
