ನ್ಯೂಸ್ ನಾಟೌಟ್ :ಕೃಷಿ ಮತ್ತು ಕೃಷಿ ಸಂಬಂಧಿತ ಕ್ಷೇತ್ರಗಳ ಸವಾಲುಗಳನ್ನು ನೀಗಿಸುವ ವಿನೂತನ ಕಾರ್ಯಕ್ರಮವಾದ ಕೃಷಿ – ಋಷಿ ಶತ ಸಂಭ್ರಮದಲ್ಲಿ ಸುಳ್ಯದ ಪತ್ರಕರ್ತ ಕೆ.ಟಿ ಭಾಗೀಶ್ ಅವರನ್ನು ಗೌರವಿಸಲಾಯಿತು.ಮಂಗಳೂರಿನಲ್ಲಿ ಮಾ.೧ರಂದು ನಡೆದ ಈ ಕಾರ್ಯಕ್ರಮದಲ್ಲಿ ನೂರಾರು ಗಣ್ಯರ ಸಮ್ಮುಖದಲ್ಲಿ ಅವರನ್ನು ಸನ್ಮಾನ ಪತ್ರ ಹಾಗೂ ಶಾಲು ಹೊದಿಸಿ ಗೌರವಿಸಲಾಯಿತು.
ಕೆ.ಟಿ ಭಾಗೀಶ್ ಅವರು ಪತ್ರಕರ್ತರಾಗಿದ್ದರೂ ಕೃಷಿ ಸಂಬಂಧಿತ ಚಟುವಟಿಕೆಗಳಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಂಡವರು. ಕಳೆದ ೨ ವರ್ಷಗಳ ಹಿಂದೆ ಕೃಷಿ ಇಲಾಖೆಯ ಶ್ರೇಷ್ಠ ಕೃಷಿ ಪ್ರಶಸ್ತಿ ಪುರಸ್ಕೃತರು ಆಗಿದ್ದಾರೆ. ಕೃಷಿ ವಲಯದಲ್ಲಿ ತಮ್ಮದೇ ಆದ ಅಮೂಲ್ಯ ಅನ್ವೇಷಣೆ ಮತ್ತು ವಿಶಿಷ್ಟ ಸಾಧನೆಗೈದವರನ್ನು ಈ ಪ್ರಶಸ್ತಿ ನೀಡಿ ಗೌರವಿಸಲಾಗಿತ್ತು.ಇದೀಗ ಮಂಗಳೂರಿನಲ್ಲಿ ನಡೆದ ಕೃಷಿ – ಋಷಿ ಶತ ಸಂಭ್ರಮದಲ್ಲಿ ಗೌರವಿಸಿದ್ದು ಕೃಷಿ ಕ್ಷೇತ್ರದ ಸಾಧನೆಗೆ ಮತ್ತಷ್ಟು ಪ್ರೋತ್ಸಾಹ ನೀಡಿದಂತಾಯಿತು ಎಂದವರು ಹೇಳಿದರು.
