ನ್ಯೂಸ್ ನಾಟೌಟ್ : ಸುಳ್ಯ -ಜಟ್ಟಿಪಳ್ಳ- ಕೊಡಿಯಾಲಬೈಲು -ದುಗಲಡ್ಕ ರಸ್ತೆಗೆ ಅಭಿವೃದ್ಧಿ ಅನುದಾನ ಕೊರತೆ ಹಿನ್ನಲೆಯಲ್ಲಿ ಪ್ರತಿಭಟನೆ ನಡೆಯಿತು.ಹೊಂಡಗುಂಡಿಗಳಿರುವ ಈ ರಸ್ತೆಯನ್ನು ಅಭಿವೃದ್ಧಿಪಡಿಸಬೇಕೆಂದು ಆ ಭಾಗದ ಜನರು ಬೇಡಿಕೆಯನ್ನಿಟ್ಟಿದ್ದರು.ಆದರೆ ರಸ್ತೆ ಅಭಿವೃದ್ಧಿ ಕಾರ್ಯದ ಪ್ರಕ್ರಿಯೆ ನಿಧಾನಗತಿಯಲ್ಲಿ ನಡೆಯುತ್ತಿರುವುದರಿಂದ ರೊಚ್ಚಿಗೆದ್ದ ಸ್ಥಳೀಯರು ಪ್ರತಿಭಟನೆಗಿಳಿದಿದ್ದಾರೆ.
ಕಳೆದ ಹಲವು ತಿಂಗಳಿನಿಂದ ಸುಳ್ಯ-ಜಟ್ಟಿಪಳ್ಳ- ಕೊಡಿಯಾಲಬೈಲು-ದುಗಲಡ್ಕ ರಸ್ತೆಗೆ ಸಾರ್ವಜನಿಕರು ಆಗ್ರಹಿಸುತ್ತಿದ್ದು , ಜನಪ್ರತಿನಿಧಿಗಳು ಸರಿಯಾಗಿ ಸ್ಪಂದಿಸುತ್ತಿಲ್ಲ ಎಂದು ಕಾಲ್ನಡಿಗೆಯ ಮೂಲಕ ಸಾರ್ವಜನಿಕರು ಜಟ್ಟಿಪಳ್ಳದಿಂದ ನಿಧಿ ಸಂಗ್ರಹಣೆಯ ಪೆಟ್ಟಿಗೆಯೊಂದಿಗೆ ಸುಳ್ಯದ ನಗರ ಪಂಚಾಯತ್‌ಗೆ ಆಗಮಿಸಿ ಪ್ರತಿಭಟನೆ ನಡೆಸಿದರು.
