ನ್ಯೂಸ್ ನಾಟೌಟ್ : ರಾತ್ರಿ ವೇಳೆ ಗಾಢನಿದ್ರೆಯಲ್ಲಿದ್ದ ಸಮಯದಲ್ಲಿ ಬೃಹತ್ ಮರವೊಂದು ಮನೆಯೊಂದರ ಮೇಲೆ ಬಿದ್ದು ಮನೆಯಲ್ಲಿದ್ದವರು ಗಾಯಗೊಂಡ ಘಟನೆ ನಡೆದಿದೆ. ಸುಳ್ಯ ತಾಲೂಕಿನ ಕೇರ್ಪಡ ಪಲ್ಲತಡ್ಕದಲ್ಲಿ ಈ ಘಟನೆ ಸಂಭವಿಸಿದ್ದು ಅಪಾರ ನಷ್ಟ ಸಂಭವಿಸಿದೆ.
ಮನೆ ಹತ್ತಿರದಲ್ಲಿಯೇ ಇದ್ದ ಮರವೊಂದು ಇದ್ದಕ್ಕಿದ್ದ ಹಾಗೆ ಮನೆ ಮೇಲೆ ಉರುಳಿ ಬಿದ್ದಿದೆ.ರಾತ್ರಿ ಸಮಯವಾದ್ದರಿಂದ ಅಕ್ಕಪಕ್ಕದ ಮನೆಯವರಿಗೆ ಭೀಕರ ಶಬ್ಧ ಹೊರಗಡೆಯಿಂದ ಕೇಳಿ ಬಂದಿದೆ.ಮನೆಯಲ್ಲಿದ್ದವರು ಎಚ್ಚೆತ್ತುಕೊಳ್ಳುವ ವೇಳೆ ಅದಾಗಲೇ ಮನೆ ಮೇಲಿನಿಂದ ಮೇಲ್ಛಾವಣಿಯ ಹಂಚುಗಳು,ಪಕಾಸು ಹಾಗೂ ರೀಪು ತುಂಡಾಗಿ ಬಿದ್ದಿದ್ದು ಮನೆಯಲ್ಲಿದ್ದವರ ತಲೆಗೆ ಬಿದ್ದು ಗಾಯಗಳಾಗಿವೆ. ಸ್ಥಳೀಯರ ಸಹಾಯದಿಂದ ತಕ್ಷಣ ಗಾಯಾಳುಗಳನ್ನು ಕಾಣಿಯೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.
