ಸುಳ್ಯ: ಸೌದೆ ತರಲು ಹೋದವರ ಮೇಲೆ ಕಾಡುಕೋಣ ದಾಳಿ! ದಂಪತಿಗಳು ಆಸ್ಪತ್ರೆಗೆ ದಾಖಲು!

ನ್ಯೂಸ್ ನಾಟೌಟ್: ಗುಡ್ಡ ಪ್ರದೇಶದಿಂದ ಮನೆಗೆ ಸೌದೆ ತರಲೆಂದು ದಂಪತಿಗಳಿಬ್ಬರು ತೆರಳಿದ್ದ ವೇಳೆ ಕಾಡುಕೋಣವೊಂದು ದಾಳಿ ನಡೆಸಿ ಗಾಯಗೊಳಿಸಿದ ಘಟನೆ ಸುಳ್ಯ ತಾಲೂಕಿನ ದೇವಚಳ್ಳ ಗ್ರಾಮದಲ್ಲಿ ಎಂಬ ಪ್ರದೇಶದಲ್ಲಿ ಮಾ.30 ರಂದು ನಡೆದಿದೆ.

ಧರ್ಮಪಾಲ ಎಂಬವರು ಬೆಳಿಗ್ಗೆ 9 ಗಂಟೆಯ ವೇಳೆಗೆ ತನ್ನ ಪತ್ನಿಯೊಂದಿಗೆ ತಮ್ಮ ರಬ್ಬರ್ ತೋಟಕ್ಕೆ ಸೌದೆ ತರಲೆಂದು ತೆರಳಿದ್ದ ವೇಳೆ ಈ ಘಟನೆ ನಡೆದಿದೆ. ಈ ವೇಳೆ ಕಾಡುಕೋಣವೊಂದು ದಂಪತಿಗಳ ಮೇಲೆ ಏಕಾಏಕಿ ದಾಳಿನಡೆಸಿವೆ.

ಕಾಡುಕೋಣವನ್ನು ನೋಡಿದ ತಕ್ಷಣ ಓಡಲು ಪ್ರಯತ್ನಿದ್ದರೂ ಬಿದ್ದು ಧರ್ಮಪಾಲರ ತಲೆಯ ಭಾಗಕ್ಕೆ, ದವಡೆಗೆ ಗಂಭೀರ ಗಾಯಗಳಾಗಿವೆ. ಅವರ ಪತ್ನಿಗೂ ಗಾಯಗಳಾಗಿದ್ದು, ಇಬ್ಬರನ್ನು ಸುಳ್ಯದ ಕೆ.ವಿ.ಜಿ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎಂದು ವರದಿ ತಿಳಿಸಿದೆ.